[abu eessa]

انقل لكم محاوره جرت بين الشاعرين

سالم معزي (سيف عبس ) × حمود البقمي



حمود البقمي

تعال يا سالم بسلمك الاوراق
واكتب عليك من المواثيق ميثاق
تطلع عليك الشمس وانت على ساق

والنار تالع لين تاكل حطبها






ياسالم النـاس بالنـاس .فـي نحـد ولا تهامـه



في ماقف ن يرفع الراس .كل ن يعصب العمامـه





سيف عبس

مدام معك اوراق انا ويش ابيبك
ياحمود خل اوراقكم وسط جيبك
لانت صحيب لي ولاني صحيبك

والنار تالع لين تاكل حطبها








ياحمود الايام مقياس


تبقى ليـوم القيامـه



ياحمود مافيه مجلاس


كلن يجـود حزامـه





حمود البقمي

ان كان سالم ما يحمل الامانه
يرجع على الكرسي ويجلس مكانه
حتى خوانه ما يصدق خوانه

والنار تالع لين تاكل حطبها







سالم دخل فيه وسـواس.


يالربع مـدري علامـه



وان كان دقيت الاجراس.


ابشر بحرب الرغامـه





سيف عبس

حنا بسوق العرف بعنا شرينا
ياحمود بالله لا تغشمر علينا
انقوم نجلس مالكم شغل فينا

والنار تالع لين تاكل حطبها







ياحمود لاباس لاباس .


لا طير مثل الحمامه



الموت كتام الانفاس .


لاوصل مامن سلامه





حمود البقمي

اثرك معك خمس وعشرين نيه
واحيان تسوي من كلمة قضيه
لو قلت كيف الحال تزعل عليه

والنار تالع لين تاكل حطبها








ماتلحقك قحص الافراس .


انحشت سبـق النعامـه



ترا الرجا يغلب اليـاس .


والعرف غير الغشامـه

الموضوع الأصلي: سالم معزي وحمود البقمي | | الكاتب: abu eessa | | المصدر: شبكة بني عبس

[ناصر الخياري]

صح لسان الشعار لاهنت ..

[abu eessa]

شكرا لمرورك على موضوعي وهذا شرف لي ووسام على صدري

[سعد عبدالله]

محاوره من من اجمل المحاورات للشاعرين لهم رونقهم الخاص
وستمتعت بالحضورها
وقراتها هنا
شكرا ركن عبس
لاهنت