ضــع اعــلانك هنا
 |
الملاحظات
|
|
خيارات الموضوع | ابحث بهذا الموضوع |
|
|
رباعية حبيب ومستور وتركي وزيد
مــوال ربـاعـي راائـع بـيـن شـعّــار أروع :-
- تـركـي الـمـيـزانـي - حـبـيـب الـعـازمـي - زيـد الـعـضـيـلــــه - مـستور الـعـصيمي حبيب العازمي يا سلامي على شرق البلادَ الشّمالي= غاليٍ فالقلوب وكل من فيه غالي= قاعده للجيوش ومعقلٍ للرجالي= مايسود الحسود ولايحقّق مراده= يالعصيمي تعال وناد تركي وزيد = خلّها وقفةَ الاصحاب لاصحابها مستور العصيمي حاضرٍ يا حبيّب فاللزوم ابن عمّك= مار صبرك شوي شوي ويزيل همّك= لا تنقّد مع هالاصحاب ويفور دمّك= مايسود الحسود ولايحقّق مراده= كلّ ما زادت الكيله ترانا نزيد = ما وقفنا على الاجواد فابوابها تركي الميزاني مرحبا مرحبا يا العازمي بالنّيابه = عن خناذف وعن حضّار عزوة شبابه= ابرقي يا بروق وخيّلي يا سحابه= مايسود الحسود ولايحقّق مراده= إعرف انك معك فالرّيس منت بوحيد = لعنبو لحيةٍ ما تحتمَ اشنابها زيد العضيله سَرّها يالعصيمي مثل مسرى المطايا= واعرف ان الشّيوخ اشيوخ ما هم رعايا= وانتظر للموادع وانتظر للهدايا= مايسود الحسود ولايحقّق مراده= احتزم يا بنَ عمّي بالحزام الجويد = وادرج الشّاذليّه قدم شرّابها حبيب العازمي يا بروقٍ تلوح ويا رعودٍ تراجف= المطر غاب مدّه ما نزل والثرا جف= والقلوب الحزينه كل لحظه تّواجف= مايسود الحسود ولايحقّق مراده= يوم خاض المعارك خالد ابن الوليد= يحتزم للعدا ويقطّع ارقابها مستور العصيمي ما غوينا الجبال ولا غوينا سهلها = من تعرّض لها فالوقت يا زيد اكلها= خابرٍ ما تعمر الدّار من غير اهلها= مايسود الحسود ولايحقّق مراده= كيّدانا مصقّل من صليب الحديد = كان شفنا العقارب رزّت اذنابها تركي الميزاني ارفع ايداك للمولى عسا الخير ياتي= لين تمطر عليك امزونها الممطراتي= من جميع الدروب ومن جميع الجهاتي= مايسود الحسود ولايحقّق مراده= ان توفّى حبيّب يمكن انّه شهيد = يالله ارحم قبور القوم وترابها زيد العضيله يا كريم الوجه يا زين برقٍ تلالا= عقب ما قلت صح العيب لِن قلت لالا= اسمع السّالفه قدّام لولا ولالا= مايسود الحسود ولايحقّق مراده= ما نحطّ الشّقاوي في فراش السّعيد = ومن لمس جمرة المشهاب يكوابها حبيب العازمي طلبت الله حقّ وكلمت الحق سنّه= مصدر الشر نار ومصدر الخير جنّه= وانت تحكم على الصاحين والا المجنّه= مايسود الحسود ولايحقّق مراده= إن توفّى حبيّب من هو المستفيد = يا رجالٍ زعلها يحرق اعصابها مستور العصيمي لا تراكا على مركا العرب لا تراكا= في ديار العجم والا ديار التّراكا= منت رايح وساري دام عيني تراكا= مايسود الحسود ولايحقّق مراده= إلتبس يالعضيله كل ثوبٍ جديد = البنيّه ترا عشرين خطّابها تركي الميزاني أنت تشره على العالم وتشره عليّه= وانت في طول عمرك جالسٍ فالحويّه= وان بغيت الصحيح نحكم حسب القضيّه= مايسود الحسود ولايحقّق مراده= يستفيد العصيمي لو يحسبك فقيد = يالله تصبّر الاقراب فاقرابها زيد العضيله من بغا ديرةٍ فيها طماعه وصلها= ومن قطع له حبالٍ يالعصيمي وصلها= وانت وجهك على الطّايف ونفّذ وصلها= مايسود الحسود ولايحقّق مراده= غرّدي ياحمامه فوق خضر الجريد = الرّساله عرفنا منّ كتّابها حبيب العازمي الله اكبر على موج البحر كيف ماجي= والله اني ما قول اجي وبعدين ماجي= من هو اللي في جدّه يشرب مرقة ماجي= مايسود الحسود ولايحقّق مراده= واضحه واضحه من غير اكرّر واعيد = فرّقوا في ضروس الرّاس وانيابها مستور العصيمي إشربي يالورود وصدّري يا ورودي= دامها مثل ريح المسك والا الورودي= والله اني لاجيكم كل عامٍ وارودي= مايسود الحسود ولايحقّق مراده= اسمعوا والكلام المنتهي ما يفيد = زيد بن سلمي الحيّه وانا دابها تركي الميزاني الفتى هيبته من طيب خاله وجدّه= وابن عازم عرفنا ويش مزحه وجدّه= والمرق مكسبه لحلّ في وسط جدّه= مايسود الحسود ولايحقّق مراده= كان نبغا الصراحه والكلام الاكيد = انتبه للسوالف واحسب احسابها زيد العضيله يا حبيّب تراها سالفتكم تراها= روّحت وانت عينك ياعتيبي تراها= وانت وارد وميرادك عدودٍ تراها= مايسود الحسود ولايحقّق مراده= يالله انّك لترحم معتقين العبيد = دعوة اللّي وصل مكّه وصلابها حبيب العازمي انت قلت اني انا جالسٍ بالحويّه= والجمل لايقرّط فالرّسن بلحويّه= من جلا عن عدوّه يحتوي بالحويّه= مايسود الحسود ولايحقّق مراده= الله انه يعينك تحتفظ بالرصيد = القوافل تسير وتنبح اكلابها مستور العصيمي كان منته محزّ العلم يا زيد حزّه= الله انه يحفظك كل ساعه وحزّه= مار ابضرب بسيفي فالعضيله واحزه= مايسود الحسود ولايحقّق مراده= الله اللي يدبّر فامته ما يريد = احترص للمطمه لاتجي .......... تركي الميزاني أنت طول الدّهر مابين اقامه وشدّه= والرخا يا وسيع العرف ما فيه شدّه= كان تقدر تشدّ الحبل بيداك شدّه= مايسود الحسود ولايحقّق مراده= والله انّا ما نقلط فوق قدر العصيد = مير من دوّر البلوات يبلابها زيد العضيله هيه ياللي على بعض السوالف تجرّا= ان ربطنا يدينك بالسلاسل تجرّا= كلّ ليله تجرّ الصوت قدمي تجرّا= مايسود الحسود ولايحقّق مراده= ما تعاملت مع بنكٍ بليّا رصيد = اضحك الناس مرّه واتهزّابها
|
«
الموضوع السابق
|
الموضوع التالي
»
| يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة
|
||||
| الموضوع | الكاتب | القسم | الردود | آخر مشاركة |
| حبيب العازمي وتركي الفين قديمه | abu eessa | منتدى المحــــــــــــــاوره | 0 | 06-12-2009 03:40 PM |
| حبيب ومستور | ابو براك الرياض | منتدى المحــــــــــــــاوره | 9 | 21-01-2008 07:47 PM |
| حبيب العازمي ومستور العصيمي | ابو بيان | منتدى المحــــــــــــــاوره | 1 | 21-11-2007 05:11 PM |
| محاوره بين الشاعرين حبيب العازمي وتركي الميزاني | سعد الشقل | منتدى المحــــــــــــــاوره | 9 | 24-10-2007 12:10 PM |
| محاورة حبيب وتركي | فيصل ناصر | منتدى المحــــــــــــــاوره | 1 | 11-08-2007 12:57 PM |
الساعة الآن +4: 05:57 AM.
جميع الحقوق محفوظة شبكة بني عبس
