[abu eessa]

قال مستور العصيمي






ياسلام الله بحفل مطير حمران النواظر
الرجال اللي مع الاعلام مرفوعاً علمها
الشعر من هيض والا غيض وافكار وخواطر
من لقى له فرصةً فأول حياته يغتمنها




رد عليه عبدالله الميزاني





ياهلا يا مرحبا ... يامرحبا حاضر بحاضر
الله الله يا مواطي رجلها مجرى قدمها
انت يامستور شاعر فيك شي من المشاعر
مير حنا ما نبي طبخه لحمها في شحمها




قال مستور العصيمي





الشعر مايطلع الا من مشاعر وأنت شاعر
يعرفه من يعرف حقوق الرجال ويحترمها
أرضنا فيها العجايب والبحر فيه البواخر
خل صناع الحلي حول العقود اللي نظمها




رد عليه عبدالله الميزاني





أنطقوها باللسان وسجلوها بالدفاتر
وش يورا خادم الدنيا وغيره ما خدمها
دقة البيبان ماهي شي مع دق الخناجر
والمنايا يالعصيمي موت مايرحم سهمها




قال مستور العصيمي





الليالـي ماتعلـم بالـحـدث بـاطـن وظـاهـر
ميـر رعيـان الغنـم ماتفلـح الا فـي غنمـهـا
انت الأوسط من مطير ولا انت الأول ما أنت الأخر
ميـر غيـرك مايعلـم بالحلـوم اللـي حلمـهـا




رد عليه عبدالله الميزاني





انتهت هجرتك ياعبدالرسول ولا تهاجر
من بنى القبه على راس الشريف ومن هدمها
كل ماجينا نصب الكحل مانلقى محاجر
والغشيم اليا لقى الصخره على دربه غشمها




قال مستور العصيمي





الهروج العوج للرجال مافيها تفاخر
صل لّله واعبده واهل الصنم تعبد صنمها
نصها يم الحجول ونصها في ريع ذاخر
لي صحيبٍ ياكل التمره ويلحقها عجمها




رد عليه عبدالله الميزاني





ابتدى التفصيل .. توصيل القلوب اليا الحناجر
كل مابروا تهامه يالعصيمي تتهمها
الصوابر بيض وأنته من زمان العام صابر
والغريبه راسها واخناعها يكتم نسمها

الموضوع الأصلي: مستور العصيمي وسوار الذهب | | الكاتب: abu eessa | | المصدر: شبكة بني عبس