[النمر1012]

الشدايد يا جميلـه بالازمـات اختبـار ينعرف فيها الضلال الطويل من القصير
كل ماذكر حالتك بين غار وبيـن نـار راحت الدنيا بعينـي عبـوسٍ قمطريـر
تحسبن حبك محاه التشـدد والحصـار التشدد في المحبه هو الشـر الشريـر
شغلهم ضدي وضدك يعمر لـك وقـار في ضميرٍ ماسكن فيه قدامـك عشيـر
زارعٍ لك بخشةٍ من الزرار الى الـزرار نبتها ملمسك والعـود الازرق والعبيـر
شد حيلك لا يصيبك فشـل وإلا إنهيـار لا تصغر قيمتك وانت في عينـي كبيـر
لذة صبار الهوا مثـل لـذة الانتصـار لا تصدق من يقول الحسد مافيـه خيـر
لا تغيرب ماجرا من قنـا مثلـك يغـار كل شي ينشفـا فيـه ميصالـه عسيـر
الذهب دونـه حراسـه وبيباٍنـن كبـار والدرر من دونها هيبه البحـر الغزيـر
غير لاتيس و تكتب على نفسك قـرار يدفعك سوء التصرف على بئس المصير
لولا شحي فيك جيتك أجاهر من نهـار غير ما يصلح مقـام بـلا راي بصيـر
فرصتي ويقت حرارٍ على ماكـر حـرار ما يعـود فالمحـل الربيـب إلا البعيـر
والله ان اموت ما جاك من عندي بـوار خل في قلبك ثقه والثقه كنـز الضميـر
خذ كلام اللي يشوفـك بعيـن الاعتبـار واحدٍ مالـك بقلبـه ولا عقلـه خشيـر
والمحبه مدرسة شي ثبوت وشي فـرار وانت درسي مع هل الحب الاول والاخير

اللشاعر سعد بن جدلان

الموضوع الأصلي: الشدايد يا جميلـه بالازمـات اختبـار | | الكاتب: النمر1012 | | المصدر: شبكة بني عبس