[مبارك السوارج]

[justify] [/justify]
[justify]

بسم الله الرحمن الرحيم

هذه اول قصيدة لي بمنتدى (بني عبس) ، وارجوا ان تحوز على رضاكم ....

~~~~~~~~~~~~~~~~

مبـــــارك ليامنــــه نـــــــــوا يبـــــني البيــــت & سيّــــــــس وثبّت بالقواعد ركونه

هات القلم واكتب من الشعــــــــــــــر ما امليت & ياصـــــاح ونّس من تزايد طعونه

ونّ الحمام .. ومثـــــــــــــل مـاونّ ونّيـــــــــت & جاوبت انا الورقى بعالي غصونه

اثر الحمـــــــــــــــام اللي يجيب الزغاريـــــت & ليا سجع بالصوت تطرب فنونـــه

ان سجت وان سوهجت وان رحت وان جيت ! & اشوف سلمى حاقداتٍ عيـــــــونه

تفجّــــــر المكنـــــــون مثـــــل "الدناميــــــت"!& خفّيت واختليت من زود كونــــــه

يسوقنــــي هاجــــوس قلبـــي وعدّيـــــــت & براس الطويل اللي نبى عن متونه

رجـــمٍ براســــه للمــولـــول تناهيــــــــت & ليا بدى راسه تحرك شجـــــــونه

طـــــرى علـــــيّ الحــي واللـي بعد ميـــــت & والعين هلّت مثل رايح مزونـــــه

وفكــــرت في دنيـــــــاً تضد اهــــل الصيــــت & كم هدّمت بيتٍ قويه حصونـــــــه

ان اقبلت .. جــت لك علــــى ماتمنيــــــــت & عروس عرس معجبتها قرونــــه

وان ادبرت .. لو انـــت بالحيـــــل عفريــت! & ماينتعدّل ميلها من محونــــــــه

تذوق منــــــها الصبـــر وشـــوي "حلتيـت"! & والمر يجرح كبد من يشربونـــه

تضحك عليك (اهل الحسد) و(السّرابيـت)! & ناسٍ طواريق الخطا يركبونــــه

هـــذا صحيـــح ! وكــــل ما اقــول تثبيــت & وقولٍ بلى برهان يبقى مهونــــــه

وكثـر الكــلام .. يشــتّت الفكـــر تشتيـــت & واهل العقول .. الهذر مايرغبونه !

الشاعر / مبارك بن رشيد السوارج

[/justify]

الموضوع الأصلي: {مبآرك} ليآمنه نوى يبني البيت .. ! | | الكاتب: مبارك السوارج | | المصدر: شبكة بني عبس

[ذبحني غروركـ]

صح لسااانك واعتلى شاااانكـ
الله يسعدك

[هـآوي]

صح السانك قصيده رائعه

[كاتب الرشيدي]

اخوي مبارك السوارج

مرحبا بك وتشرفنا بتواجدك معنا وشبكة عبس
ترحب بك

ونتمنا لك التوفيق

وبارك الله فيك

[مبارك السوارج]

شآكر لكم مروركم .. لاهنتوا

[SaRoOnA]

صح لسانكـ مبارك ..

: )

حياك الله منور ~

[ناصر الخياري]

صح لسانك ....