[ذبحني غروركـ]

الجـرح حتـى لـو تشافـى يعللـك
واذاك متحمـس متاهـات وطـروق
انـا تعبـت اشـد حيلـي واحاولـك
سماي ما شيّ شمس ورعود وبروق
والريـح ماهبـت ولايجـري الفلـك
والقلب ناشف بحر وشقوقـه شقـوق
وشلـون بيكـوّن سحـاب ويبلـلـك
يا ضامي انا الضما ومتشبع حـروق
واذاك ضامي للمواصل .. انـا هلـك
هلك ووقف في وجهي الاصل والذوق
والمجتمع والعـرف والفقـر واهلـك
متعومس وحـزن النبـلاء مرمـوق
يعني لو احتاج الك ماجيتـك اسألـك
اللي علي اشكـي واعاتبـك برفـوق
واقـولـك ودي مـاعـاد اتأمـلـك
مـن دورة الايـام ياخـوك مخنـوق
الوقت مشاني مـن السلـك للسلـك
ازل خطوه .. بس مـا ازل منطـوق
ولو صارت ابحب خشمـك واجاملـك
يبقـى البنـي ادم مجـرد ومخلـوق
ملك .. ولكن في الحقيقه بـلا ملـك
كذاب.. قايل كـل مطـرود ملحـوق
سنيييين وانا اطردك وازريت لا اوصلك
كنك تطيش وكنـي ادور فـي طـوق
كل ما وصلت اخرك يطلعلـي اولـك
ليت مافي خاطـري شـوق وحـروق
ماكان حسيت ان انا بس مـن كلـك
الشوق ماهو رعشه وقبضة عـروق
وماهو اللي من شينك فعينك يجملـك
وماهو شعور ياخالق الروح برفـوق
وماهو سحر ولا ادري والله شقول الك
انا سحابة حلم وتطيـر بـك فـوووق
وتطـيـر ولا ودك انـهـا تنـزلـك
الشوق هذا .. والا انا شوقي البـوق
ماقد حصل في شوق هـذي ولا تلـك
تدري وش اسوي ليا اضناني الشوق؟؟
اسـوي بعيونـي كــذا واتخيـلـك
واقربـك واتـوق واتـوق واتــوق
واكثـرك واحلـف ماعـاد اقلـلـك
واصورك في الموق وتكبر على الموق
وتطيح مع دمعي على ايـدي واقبلـك
هذا غـلاي اللـي مـع الـدم مـدق
وقولا عاد تسأل عن شعوري وازعلك
محبة ماهيب مـن طـارف السـوق
لو انـك توكـل.. كـان والله لاكلـك
جيتك حقوق ورحت ماعنـدي حقـوق
وان قلت ما احبك ابجحـد مواصلـك
احبك .. الا يا بـري حالـي وعـوق
من كثر ما احبك اخـاف انـي اقتلـك

الموضوع الأصلي: الجرح ماهو خاطـر شـوي ويـروق | | الكاتب: ذبحني غروركـ | | المصدر: شبكة بني عبس

[شداد المظيبري]

صح لسانـه
أبيات رائعه
مشكوره اختاه ع الأختيار الرائع

[ذبحني غروركـ]

الله يسعدك منور

[سعد عبدالله]

انـا تعبـت اشـد حيلـي واحاولـك
ذبحني غرورك احس اختياراتك لها من اسمك نصيب (ذبحني غرورك)
سلمت يداك على اخيارك الجميل ونقلك الرائع

[وحيد]

صح السانج واعتلى شانج

[بدر حيي]

صح السانج واعتلى شانج

[سعد محمد]

مـن دورة الايـام ياخـوك مخنـوق
الوقت مشاني مـن السلـك للسلـك
ازل خطوه .. بس مـا ازل منطـوق
ولو صارت ابحب خشمـك واجاملـك
صح لسان الشاعر... سعد علوش
ولاهنتي ع الختيار ونقل

[ذبحني غروركـ]

منورررين الله يسعدكم