[بدر حيي]

السلام
عليكم ورحمة الله وبركاته
اخواني وأخواتي
الأحباء
انقل لكم هذه المقتطفات من روائع

الشاعر : عبدالله باتل الرشيدي

الملقب في (البحر الميت) والذي لقبه بهذا الإسم سموالأمير/خالد الفيصل

اليكم احبتى هذه االقصائد لهذا البحر
.....................................

(احداث سبتمبر )


احداث سبتمبر وبـوش وفلسطيـن
وشارون والضفة وياسـر عرفـات


كشمير باكستـان والهنـد والصيـن
وصدام واحزابـه وترقيـع مافـات


وافغان ابـن لادن ومـلاه والسيـن
والجيم باللي راحوا اشتات واشتـات


وشمعون بن بيريز واسحاق رابيـن
ان كـان فتشنـا بوسـط الملفـات


ومفاوض عريقات والشيـخ ياسيـن
وفتح وحماس ومن بقى حي من مات


وين العروبة وين الاسـلام والديـن
وين الشجاعة والظفر وين الاثبـات


ياهل السطر ياهل الخطر بالمياديـن
والله ياهـى مهزلـه وانكـسـارات


واطفال وحجاره وعجـز ومساكيـن
ومداهمـات وفبركـه واعتـقـالات


ومجنـزرات وقتـل نـاس برييـن
بلا سبـب تهـدم عليهـم عمـارات


طالع وبالشاشـه تشـوف الثعابيـن
وتشوف كيف الجـور والاغتيـالات


خوف ودهر وان الدهر له معاويـن
فى كل يوم مطوحييـن بالاصـوات


لكن جميع الناس بـالارض قاسيـن
ماحالهم من كـل الاقطـار فزعـات


ماينطبـق معقـول كـل القوانيـن
على الفلسطيني من النـاس بالـذات


وين الصليب اللي بلانسـان معنيـن
ومنظمـات الحـق والاضطهـادات


وكلً يقـول اليـا ذكرهـم ملاعيـن
وعلى الجميع ان قلتها حـق لعنـات


سادت بني صهيون واصحابها اثنين
ورفرف علمهم عندنـا بالسفـارات


ولندن واشنطن وباريـس راضيـن
والحكم لاهل الغطرسه والحضـارات


وباشا وتاشا اسلام بالنـوم غافيـن
ناموا ولاقاموا وصـاروا خواجـات


ياعريبنا اصحوا لاتصيروا مجانيـن
وكلً علـى الثانـي يـدور حيـالات


الارض فيهـا عايشينـن ملايـيـن
لكن امريكـا فـي يديهـا القـرارات


فى غربتك عند اليهـود الخسيسيـن
مدري متى وسطك نصلى الصلـوات


ياثلثنا اللـي يكتمـل فيـك ثلثيـن
ياثلـم مثلـومٍ بلاسـلام بسـكـات


مالمسلمين بدون شوفـك عزيزيـن
ولا عليهم فـي غيابـك حسوفـات


اعيونهـم مكـسـورة بالبـلاديـن
وسلاحهـم شجـبٍ وردد هتـافـات


ولا للجهـاد ابــلاد والا ميـاديـن
مافيـه تلقـا الا مسـارح وبـارات


مير انتظر واصبر على العسر والين
وتبي بعـون الله تـدور المـدارات


ياقـدس والله ودي اجيـك هلحيـن
لكـن مالـي حـول والا حــوالات


نعيش فـى ذلـه ونعمـه محاطيـن
ريش وغوزيـات دسمـه وكبسـات


ناكل وفيك نطالـع الجـرح لاهيـن
بالصحف ظهر وعصر نقرا المقالات




عبدالله باتل الرشيدي

الموضوع الأصلي: مقتطفات الشـــاعر : عبدالله باتل الرشيدي | | الكاتب: بدر حيي | | المصدر: شبكة بني عبس

[ذبحني غروركـ]

صح لساااانك واعتلى شااانك الله يسعدك

[بدر حيي]

يسلموووو
على
المرور
العطر

[ناصر الخياري]

تسلم يابدر .,,...

[شداد المظيبري]

صح لسانه ابن باتل
في قمة الابدااع
يعطيك العافيه بدرحيي ع التقــل

[محمد بن سعيد]

مشكوووووووور اخوي بدر وربي يعافيك

[بدر حيي]

مشكورين ع المرور

[ابو ياسر]

مشكور يابدر حيي
وصح لسان ابن باتل