[قسورة الغاب]

ياعقيد النجايب صاحبك قسوره = كل ماساق زمله لانت في دربها
ماسرح مرةً مداد فأباعره = غير عرض لها شاوي وفكربها
الماجاهيم ماهي ياخلف مغتره = وش بلا عينك الي ما تناظربها
ياخلف لون راس مليح وش تنظره = لابليت العيون الي تبحربها
مابك امن العقايل يالنقيص شعره = ابك راع البويضا مايخاشربها
نادرة عوص الانضا كنها الجوهره = انت تفخر بها والليث يفخربها
واما انا زملي العقيل مانتكره = ولاتعرض وراعيها الاسد دربها
ول لاعاد اخوو وضحا ولا فطره = يوم مرت زواملنا وقصربها
وردوها حيام وراحت مصدره = ماعدت في قراح ام القري شربها
تهترش وتواكل غيظ مستسعره = بعد قب الهدير وزايلت قربها
شربت حيامها وابطونها مظمره = واستكنت وجظت من عنا كربها
وصكت جنوبها بجنوبها محدره = ماتقدم بعير ولا توخربها
كنها في يدين الشاكرين اعشره = صف كفوفها تشكر ثنا ربها
هجهجت مع مغيب الشمس مستنفره = والحتايف شماليها ومن غربها
كل ما حدها ضف الجبل تدحره = لين عنها الحتيفه ينقلع سربها
العراقيب سالت والسبيل احجره = طاوعت قلة مليحان وادهربها
ذبت الحزم والدمان متنثره = كل ماحولت في قاع تثربها
لين بانت علي المشراف متكدره = ليلها اوحش وناب الخوف كشربها
واستدارت علي مليحان مستبشره = كل مااستنشق الغربي تعبربها
لين لاح البشير ودرهمت تنحره = مدلهم الخيال الي يبشربها
وول لاعاد اخووو وضحا ولافاطره = يوم مرت زوملنا وقصربها

الموضوع الأصلي: قصيده الي المهم1 والعمده وعبد الباري عبد العزيز | | الكاتب: قسورة الغاب | | المصدر: شبكة بني عبس

[خاتم سليمان]

الله يالشاعر قسووووووره قصيده طويله تشكر عليهاااا ....

تقبل مروري...

[الاســد]

صح السانك بارك الله فيك يابن عمي قصيده جزله من شاعرجزل تقبل تحياتي

[المرتكز]

صح لسانك يابا المناصيرشاعر وشهدتي فيك مجروحه

[قسورة الغاب]

اقتباس من مشاركة خاتم سليمان الله يالشاعر قسووووووره قصيده طويله تشكر عليهاااا .... تقبل مروري...

فــرقــتــنـا ...

[قسورة الغاب]

اقتباس من مشاركة الاســد صح السانك بارك الله فيك يابن عمي قصيده جزله من شاعرجزل تقبل تحياتي

صح
ابــدانـــك
وبيض الله وجهك
اسعدني مرووورك يالاسـد

[يعقوب العبسي]

صح الله لسانك ياقسوره انت شاعر لاكن مالك بينه هالايام وش السالفه

[عبدالباري عبدالعزيز]

قصيدة رائعة ياقسوووووووووورة الغاب
احييك على القصيدة هذي