[ذبحني غروركـ]

إيه { ضامي } وقلت أرجع في شظَايا : أرتوي ..



من سما الزرقا أبشرب .. دام أنا قلبي " شظَاوي " !



لأني أفهم بالمواقع . . . ولأن لي : عقلٍ سوي ,


أدري إنْ بس الشظَايا راح يظلمها التساوي !



ما طَعَنِّي شخص عادي الغدر جا من ( خوي ) !


صرت مَـ أسْتغرب تجي الطعنات من كف المداوي !



الضعيف : اللي يسولف من ورى ظهر القوي !


قال : آسف ..



قلت : يكفي " ما أبي أسمع رجاوي " !



صفحه سوده في حياتي ،


وصار لازم تنطوي !


معرفة بعض الأوادم ..


ما وراها ..


إلا البلاوي !



إيه أنا واضح ولا لي . . . . بالطريق الملتوي ..


و " الخبيث " اللي بدربي راح تتعِبْه الخطاوي !



ايه أنا فكري حضاري ،


بس لي قلب " بدوي " !


حيل مرتاح بحياتي ..



بس لي حظٍ شقاوي !


من كثر ما شفت غيري . . . من وجودي / منكوي ..



كنت بكتب هالقصيده حصري في ( قسم الشكاوي ) !!



جيت مو قصدي نصايح ماني مُرْشِد تربوي ..


ما أقول إنِّي مِثالي .. وإسمعوا منِّي الفتاوي !



جيت .. , للي كان ودَّه يلوي

ذراعي لوي


مات في عيني وجوده والبقى براس الهقاوي !



لا يسوّي نفسه بارع في جروحي " الفهلوي "


وإن طروا إسمي أمامه لا يزوِّد بـ الحكاوي !!



هذي لك مني رساله رغم إنِّي منطوي


ما أحب أكتب رسايل أو ألَمِّح بـ الغناوي ....



( يا تصير إنسان ناضج وعقلك إنتَ


يستوي


وإلا صير إنسان غايب ولو بتتكلَّم حياوي ) ..!

الموضوع الأصلي: ماطعني شخص عادي,,الغدر جا من (خــوي)!!! | | الكاتب: ذبحني غروركـ | | المصدر: شبكة بني عبس

[سالم الرشيدي]

اخ ــتيار ذوق
صح السان شاع ــرها
وتسلم يمين ناقلها

[ذبحني غروركـ]

الله يسلمك منور

[شداد المظيبري]

كلمات رائعه

يسلمو ذبحني غرورك ع الابداااااااااع

[وحيد]

ما طَعَنِّي شخص عادي الغدر جا من ( خوي ) !


صرت مَـ أسْتغرب تجي الطعنات من كف المداوي !
صح السان راعيها ويسلم ذوقج يابنت الرجاااااال
وتقبلي مروري

[نوماس5]

صح لسانك يسلموو علي النقل الرائع

[وشلون مغليك]

صح اللسانك وعتلى شانك

والف شكر على القصيده الرائعه

تحياتي وتقديري

[ذبحني غروركـ]

منورين الله يسعدكم