[ابو غنيمان]

الطنايا الطنايا والفخر منهم يجود

كن في صدري جيوشٍ الها دبكه وطردي,,,,وكن في راسي مهارٍ جافله ولا شرود

لاطلبت البنت هاذي اختها مني تعدي,,,,ولامسكت البنت ذيّه شفت من دونه عنود

يعني لاهاذي كفتني ولابذيّه تهتدي,,,,وش عليها دامني باسعى على وصف الاسود

صح ان الكتب اشول بس من شانه يدي,,,,درتها يمنى عشانه الوفى منهم يعود

ويش لو قلت الثريا او بعد فوق الجدي,,,,قدرهم آخر حدوده صاير بلّيا حدود

شمر اللي في غلاهم كل مدّي ومددي,,,,الطنايا الطنايا والفخر منهم يجود

الرجال اللي على صفق الملاقى تفتدي,,,,الجنايز بصمة التاريخ من وقت الجدود

الشهامه الشجاعه لابةٍ مابه ردي,,,,طيبهم كنه بنودٍ ينشرح تحته بنود

الكرم فيهم سجيّه كنّهم حلو المدي,,,,من زمن حاتم ولين الحين ياتيهم وفود

لالفاهم ضيف غنّى من اجاها يابعدي,,,,واطربت سلمى تحيه زفّته بريح الورود

شمريٍ في عيونه مرحبا بك ياسعدي,,,,فرحته بالضيف بانت من ورى بيض العقود

النعم اسهل دروب الشمري والها قدي,,,,السناعيس الشليه النعم منهم يزود

من سما وائل اهلّه ماطري وصوت رعدي,,,,والصواعق ماتعانق الا راسٍ من سنود

لابةٍ تاريخها حيٍ وعزٍ سرمدي,,,,الزمن والارض والعليا ترا الها شهود

وايليٍ بيت شعري سيف هندٍ ابجدي,,,,,ولا على المحكوم مني غير ماحوله صمود

احتمي لعداي ولاعمري نطقته سيدي,,,,لعنبوا راس المذله هامة ماهي تفود

حشمة الرجال سلمي وبالشريعه مقتدي,,,,وعطرة الاشناب مجلاسي على حد النفود

وايليٍ من حروفي دم خالي المسردي,,,,وايل وقحطان لابه لابتي بين الحشود

وشمر انتم من صميمي دمّكم فيني ندي,,,,صادق الخوه غلاكم باحت لسيله سدود

ياسند وصل تحيّة مطرّزه بالعسجدي,,,,,لحايل وشمر عليهم من سلام الله ورود

الموضوع الأصلي: الطنيا الطنيا | | الكاتب: ابو غنيمان | | المصدر: شبكة بني عبس

[ناصر الخياري]

صح لسانك ..

[شداد المظيبري]

ياسند وصل تحيّة مطرّزه بالعسجدي,,,,,للشمال وشمر عليهم من سلام الله ورود

صح لسانه
بس المفروض تمدح ربعك باخر القصيده علشان تبين القصيده لك

[ابن الخميلي]

صح لسانك ابو غنيمان 000 الطيب يستاهل 00والطنا يا كفو للمدح

على طاري الطنايا اذكر بيت للشاعر عبد الله الاشرم في ابن طواله

صكت على ابواب منا ومنا000 ولا باقي الا باب ضاري طواله