[ابو راشد العبسي]

السلام عليكم
اخوانى الاعضاء اولا كل الشكر الى الاخ الغالى سعد الرشيدى على هذا الموقع المبارك ولايسعنى الا ان اضع امامكم قصائد من شاعر لايحب الظهور والشهره وقد استطعنا ان ناخذ منه هذه القصائد التى ارجو ان تنال على اعجابكم


قيلت هذه القصيده اثناء تواجد الشاعر جازى البغيلى فى رحلة علاج فى لندن واثناء فتح التلفاز سمع الخبر المدوى بوفاة امير القلوب الشيخ جابر الاحمد طيب الله ثراه ورثاه فى هذه الابيات

فز الخفوق اللى سمع بث الاخبار =وتحمل الصدمه وهزت ثباته
والدايم الله والقضاء صاير صار =ومافات فات ولاعجب فى فواته
مات الامير الصالح العادل البار =وعزيت نفسى بالامير وفاته
مرحوم يامن له معزه ومقدار =وعلى طريق الخير قضى حياته
شيخ على حمل المهمات صبار =رمز الوفا والجود هاذى صفاته
موصد ابواب الشر للخير مغوار =ومقابل سيئاتها بحسناته
غيث على شعبه وغيث على الجار =واللى يبى مثله يسوى سواته
يشهد له التاريخ من كل الاقطار =ويشهد له اللى عمهم ببركاته
الله يبعد منزله عن حضاء النار =ويزلفله الجنه ويكتب برائته
يادارنا ياكويت يادار الاحرار =سيرى على نهج بذرلك نواته
وسيرى على خط رسمه الك الاخيار =وتزودى بالخير من منجزاته
رعيلنا الاول دفع عنك الاخطار =وعز الكويت وضمها فى عباته
وكم واحد جتبه صواديف الاقدار =جا للكويت ميبساتن شفاته
فقير حال ومن عنا الدين محتار =ولقى بها الراحه وحصل غناته
الله يبعد عنك ظالم وعيار =ويبعد اهل الحسد واهل الشماته
ولاتامن الدنيا ترى الوقت غدار =والدهر مايخبرك بمغيباته
دوراتها تسقيك من كاس الامرار=وليدبرت ماعاد فيها التفاته
ونبذه من التاريخ تكشفلك اسرار =وتخبرك بالارض الخبيث ونباته
والحذر واجب من حفيد اهل الاشرار =عسى الدبا مايلتحق بمهاته
وخساير الدنيا بها اكبار وصغار =والخاسر اللى معرض عن صلاته

الموضوع الأصلي: صفحة الشاعر جازى البغيلى عنوانها شواهد من التاريخ | | الكاتب: ابو راشد العبسي | | المصدر: شبكة بني عبس

[ابو راشد العبسي]

قيلت هذه القصيده فى موقف المملكه العربيه السعوديه وعلى راسها الملك فهد طيب الله ثراه

يقـول اللـى تطـرق للمثايـل؟؟؟وحضار المـلا تسمـع جوابـه

يجود ابها الفواد اللـى يحيطـه؟؟؟محاديب مثـل قـوس الربابـه

الـى منـه طرالـه ماجرالـه؟؟؟ماجاب الحمـام الـورق جابـه

الى قلت المثل ماحـد عقرنـى؟؟؟سليم العقل واللـى فـى ثيابـه

وانا ماقول قول بـدون شاهـد؟؟؟هذا التاريـخ يعطيـك الاجابـه

زمـان العـام يـوم انـا بلينـا؟؟؟بشر الخلـق لاسقـا الله ترابـه

وعلينا خيلـت سـوو المخايـل؟؟؟بنـو حالـك يــردم عقـابـه

وتعاقبـت الاهـاوى بالبـلاوى؟؟؟وكثـرات العـدا منهـا مهابـه

حـشـى لله مافيـنـا جبـانـه؟؟؟لكـن الجـو غطانـا ضبـابـه

وركبنا اللى ملكنا مـن رحايـل؟؟؟وحر القيـض ينحانـا سرابـه

وزبنـا الله ثـم اخـوان نـوره؟؟؟دعاة الحق على اثرى الصحابه

لهم حـق ولنـا حـق عليهـم؟؟؟الا قضب المهنـد مـع نصابـه

عيال الحرجو من بطـن حـره؟؟؟موازين الدهـر يـوم انقلابـه

مقادمهم فهـد ذخـر العروبـه؟؟؟يعرف المجتمع حضرت جنابـه

صمت يوميـن والثالـث تكلـم؟؟؟وعرفنا الصدق من نطقت خطابه

بذل حالـه ومالـه دون جـاره؟؟؟ابو تركى سنـد منهـو لجابـه

سحب ثقل المراكب من بحرهـا؟؟؟احد بالطيب واحد المال جابـه

من البحر الحمر دارت رحاهـا؟؟؟وصلطها على رووس العصابه

عليهم ضيق الارض الوسيعـه؟؟؟وسقاهـم علقـم مـر شرابـه

ابوه اللى ستـر نجـد العذيـه؟؟؟وامنها مـن مساعيـر الذيابـه

واهو من عقبه البسهـا حلاهـا؟؟؟وتزخرف نجد ومزبر هضابـه

وصلاة الله على الهادى محمـد؟؟؟عدد ماخط فـى محكـم كتابـه

[ابو راشد العبسي]

هذه القصيده قيلت فى موقف المملكه العربيه السعوديه مع شقيقتها الكويت

يقول مـن يلعـب بديـع المثالـى؟؟؟ماقالها منشان تعزف علـى العـود

اقولها واذكر عـن اللـى جرالـى؟؟؟ولى ذكرت الصدق مافيـه منقـود

يوم البحر موجه غطانـا الشمالـى؟؟؟وجانا مع الامواج زلزال ورعـود

ودارت علينـا دايـرات الليـالـى؟؟؟فى تالى الاضعان حاوى ومـردود

وتعاقبن سـوو المنايـا العجالـى؟؟؟وشفنا وعفنا موقـف مامنـه زود

لذنـا بديـرت محتميـن التوالـى؟؟؟لطامت العايل سلاطين آل سعـود

اخوان نـوره مدركيـن المعالـى؟؟؟؟الى زما العايل زمو كانهـم طـود

ارسو كما ترسى رواسى الجبالـى؟؟؟وقاموا بحمل اللى من الحمل مظهود

وتحظنو شعـب الكويـت بكمالـى؟؟؟حشا ولاننسى مواقف هـل الجـود

وقف فهد وقفت فحـول الرجالـى؟؟؟وقدم لها المجهود واثمر له جهـود

فهد الى عض الرشـى بالمحالـى؟؟؟فعل يبى شاهد وفعـل لـه شهـود

يوم الكويت انزاح عنهـا الظلالـى؟؟؟افتكها من شـر طـارد ومطـرود

ورجع لنا امير على القلب غالـى؟؟؟ابو مبارك مانقضنـا لـه عهـود

اميرنا قلبـه مـن الحقـد خالـى؟؟؟ومستارثين الجود من جد وجـدود

ومرحوم يامن حط للمجـد جالـى؟؟؟وخر فهد ومع الفهد جملـة فهـود

حول على مجرى الخطر بالحبالى؟؟؟مايحمـل الا صنعـت العـم داوود

عبد العزيز الا ذكـر لـه مجالـى؟؟؟ممن رعايا نجد من كـل نمـرود

وصلاة ربى عـد وبـل الخيالـى؟؟؟وعلى نبـى ثبـت الحـق بحـدود

[ابو راشد العبسي]

قيلت هذه القصيده بمناسبة زيارة صاحب السمو امير البلاد الشيخ صباح الاحمد حفظه الله ورعاه الى اخيه الملك عبد الله ابن عبدالعزيز ملك المملكه العربيه السعوديه حفظه الله وسدد خطاه وهى تتكلم عن المواقف الطيبه بين البلدين

السيف للى تايه عن طريقه

يادارنا يـاارض الكويـت العريقـه؟؟؟ياديرة الاحباب عربيـن الانسـاب

دار مبانيـهـا جـديـد وعتيـقـه؟؟؟عمرانها من عصر ابا زيد وذيـاب

يادارنـا ونجـال بالصـدر ضيقـه؟؟؟حكامهـا ماسكـرو عنـا الابـواب

للشعـب يبنـون البيـوت الانيـقـه؟؟؟يسكن بها الشايب ويسكن بها الشاب

والشعـب معطيهـم عهـود وثيقـه؟؟؟ولابين حاكمهـا ومحكـوم حجـاب

ويـوم ابتلانـا الله بمـا لانطيـقـه؟؟؟بجيش غزانـا ماخذينالـه حسـاب

والنار شبت مـن وهجهـا حريقـه؟؟؟حتى الحديد الصللب من نارهـا ذاب

بيوم قوى الصبـر يشـرق بريقـه؟؟؟والصبر مفتاح الفرج يااولو الالبـاب

وعدونـا بيـن وبـيـن صديـقـه؟؟؟واشتدت الهيجا ء وجات ام غصـاب

وجتنا الفزوع مع الفجـوج العميقـه؟؟؟والله نصرنا وانهزم جمع الاحـزاب

جونا اهل العوجا الوجـوه الطليقـه؟؟؟يوم ان تالى الجمع جاء فيه ضبضاب

ويا أخوان نوره تعرفـون الحقيقـه؟؟؟والنصر عند الله وله طرق واسبـاب

خفض الجناح الى الضعيف وشقيقـه؟؟؟ولاتغمدون السيف عن قطع الارقاب

السيـف للـى تايـه عـن طريقـه؟؟؟حتى يدل الدرب غيره الـى هـاب

وقفاتنـا يـوم السنيـن السحيـقـه؟؟؟وقفاتنا معكـم علـى جـد وكتـاب

وقلوبنـا لكـم مصغيـات ورقيقـه؟؟؟وانتم قمرنا يوم نور القمـر غـاب

وصلو على اللى شـرف الله فريقـه؟؟؟والله يعفى عـن مسـىء الا تـاب

[ابو راشد العبسي]

قيلت هذه القصيده فى المعارك التى دارت فى اثناء الغزو العراقى الغاشم على دولة الكويت الحبيبه والنصر من الله عز وجل وهى تشرح بالدقه ماحصل من تلك المعارك ومن مواقف الامير الراحل صاحب السمو الشيخ جابر الاحمد الصباح امير دولة الكويت فى ذلك الوقت وعن حكمة سموه

يقول من جاب المثـل مـن صميمـه؟؟؟امثـال ماقيلـت علـى ظـن ووهـام

وقتـا علينـا البحـر يلطـم لطيمـه؟؟؟ومن خاف من هالوقت مهـوب يـلام

وقـت تحيـر بـه العقـول الفهيمـه؟؟؟اللـى يحثـون المسـيـره بـالاقـدام

ويالله يالـلـى معطيـاتـك كريـمـه؟؟؟ياعالمـا بالغيـب ياخـيـر عــلام

حكـم الصبـاح انـك علينـا تديمـه؟؟؟اللى رعـو حـق الارامـل والايتـام

وقلوبهـم نحـو المواطـن رحيـمـه؟؟؟تشهد لهم ماضـى الليالـى والاعـوام

وعوجا تجى مـن شعبهـم مستقيمـه؟؟؟وعلى حقـوق النـاس ماهـم ظـلام

حكامنـا علـى العصـور القديـمـه؟؟؟وذخرا لنـا يومنهـا صـارت الـزام

والعـام يـوم استدرجتنـا الهزيـمـه؟؟؟وهبت علينا ريح صرصر من الشـام

وضاقت بنا البيـداء وشبـت جحيمـه؟؟؟يـن لنـا ماكـان يخـفـن الايــام

وعرفت مـن لـه بالموازيـن قيمـه؟؟؟وترفع له البيضاء على روس الاعـلام

لبومبـارك نخضـع الـراس شيـمـه؟؟؟قايـد سفينتنـا مثـل ماجـرى العـام

اداء لنـا الواجـب بصبـر وعزيمـه؟؟؟وقت الضروره والضروره لها احكـام

واياأميـرنـا دام النـوايـا سليـمـه؟؟؟يجعلك الله نور فـى وقـت الاظـلام

واخطاك سوء اللى مشـا ء بالظليمـه؟؟؟جحادت المعـروف وحقـوق الاسـلام

وصخـر لنـا الله الجنـود العظيمـه؟؟؟تجاوبـو معنـا علـى روس الاقـلام

وخيـل علـى بغـداد نـوا رزيـمـه؟؟؟يوقظ صداه اللـى بحلـو الكـرا نـام

خيل خيـال المـوت ودنـا حطيمـه؟؟؟سيلـه حقـوق وتالـى السيـل هـدام

وركز علـى المطـلاع نـوه وغيمـه؟؟؟ومن منفذ الخفجى الى اقصى ابو رضام

تشبع بـه الضبعـا وتصبـح مقيمـه؟؟؟ويركع لها طير الخضيرا الـى حـام

وياذيب اكل طـاح العشـا والوليمـه؟؟؟محاصلللـك دوم خـيـرات وانـعـام

ذيـب العذيبـا والركـى والوخيـمـه؟؟؟يشبع ثلاث سنيـن مـن جنـد صـدام

صـدام عقـب لـه عواقـب وخيمـه؟؟؟من سوء فعلـه جـر شعبـه للاعـدام

خـلا العـراق مـرمـلات حريـمـه؟؟؟وبثبهـم الفرقـا وقطعـا بـالارحـام

وكم طمعـت منهـا السلامـه غنيمـه؟؟؟وكم من صبيـا طـاح فيهـا ولاقـام

ولايامـن المنعـم بـازالـة نعيـمـه؟؟؟ولايامـن الظالـم تزلزيـل الاقــدام

وصـلاة ربـى عـد ذارى نسيـمـه؟؟؟؟وعلـى نبـى ثبـت الحـق باحكـام

[ابو راشد العبسي]

قيلت هذه القصيده وطنيه ولها شواهد من الماضى والحاضر

يقـول اللـى تطـرق للمثايـل؟؟؟ولاابـاع المثايـل واشتـراهـا

تجود ابهـا صناديـق الضمايـر؟؟؟ويترجمهـا لسانـى لمعنـاهـا

الا منـه طـرالـه ماجـرالـه؟؟؟حلات الروح جابـت ماوراهـا

على طول الزمن تجرى الجوارى؟؟؟وتسير السفـن لـو دوق هواهـا

تسيـر بغبـة يلطـم بحـرهـا؟؟؟حداهـا المـوج ولا ماحـداهـا

وعلـى الظالـم يـدور الدوايـر؟؟؟عليهـا الدايـره دارت رحاهـا

ولا يالله يـاقـابـل دعـانــا؟؟؟تعـز بلادنـا واللـى رعـاهـا

رعوها اهل لها من عصر كسرى؟؟؟شجرة الخير والشعب ارتضاهـا

ولاحكمت على سـاس الخيانـه؟؟؟ولدها من بلدهـا مـن حشاهـا

بـلاد السلـم وحكومـه محبـه؟؟؟وعطشات الكبود اروت ضماهـا

ولاخانـت مواثيـق العـروبـه؟؟؟سجلات الشرف فـى محتواهـا

بـلادى يابـلاد العـز جـودى؟؟؟بلاد الخيـر مانجحـد عطاهـا

بلاد طيبهـا مـن طيـب اهلهـا؟؟؟الا جاها الضعيف اونس دفاهـا

فديناهـا بــالارواح الزكـيـه؟؟؟وشهيد الـدار هـو لبنـة بناهـا

وفديناهـا بصعبـات المواقـف؟؟؟وحثينـا الركايـب مـن فداهـا

وطرقنا ابوابهـا شرقـا وغربـا؟؟؟حتى ان اهل الوفـا لبـو نداهـا

عسى الله ينصر اللـى ساندونـا؟؟؟اهل المعروف مانلحـق جزاهـا

وكل عايـش مـن فضـل ربـه؟؟؟على ارض مايحـب الا فضاهـا

وانا احب ارضى اللى عشت فيها؟؟؟والا مت ادفنونـى فـى ثراهـا

سكناهـا وهـى قفـر عـذيـه؟؟؟وحماها الله وعشنا فـى حماهـا

منازلنـا علـى البيـدا قديـمـه؟؟؟وشربنا المـر واطعمنـا حلاهـا

والا ياطامـع بـارض لاهلـنـا؟؟؟تراهـا ماتحـل المـن بغـاهـا

مادامنا علـى ظهـر البسيطـه؟؟؟هذى ارض والسما هـذا سماهـا

وانا عينى من الفرقـى حزينـه؟؟؟تهل الدمع مـن كثـرت بكاهـا

يراودهـا البكـى مـره ومـره؟؟؟الا مرة على الشمس وضحاهـا

واجاهد مـن تجاهدنـى جنـوده؟؟؟جهـاد النفـس بـذا لله خفاهـا

والاياغافـل عـن طـاعـة الله؟؟؟ترى نفسك عـدوه لـك تراهـا

تـزود قبـل لايدنـو رحيـلـك؟؟؟ترى الايـام عجـلات اخطاهـا

وصلاة الله على الهـادى محمـد؟؟؟عدد ماهـل مـن وابـل حياهـا

[ابو راشد العبسي]

قيلت هذه القصيده اثناء علاج الامير الراحل الوالد الشيخ جابر الاحمد االصباح امير دولة الكويت رحمه الله وطيب الله ثراه بالخارج وقد فاضت قريحة الشاعر بهذه الابيات

الله يحفظ البلد ويرد غايبها

يالله يـاواحـد ماصـكـت ابـوابـه؟؟؟ياعالـم مـاب مشرقهـا ومغربـهـا

يامنزل الغيث علـى الارض تحيابـه؟؟؟ويامنشى السحـب يامـذرى هبايبهـا

يالله تقبـل دعانـا اللـى دعينـابـه؟؟؟ويالله اتحفـظ البلـد واتـرد غايبهـا

ويالله تمـد بحياتـه وانـت ادرابـه؟؟؟دعـوات الاجـواد ربـى مايخيبهـا

وعساه يرجع على دسمـان وترابـه؟؟؟ويمشى على الارض يسعى فى مناكبها

اميرنـا اللـى لقيـنـا ماهقينـابـه؟؟؟يـوم الايـام صكتـنـا مصايبـهـا

المـال فـى عـز شعبـه ماتغالابـه؟؟؟ويدراء المخاطر ويخشى من عواقبها

محبوبتـه مهرهـا در البحـر جابـه؟؟؟ومن كثر حبـه لهـا لبـى مطالبهـا

اضفى عليها لباس الستـر وحجابـه؟؟؟يوم انتخت به وشالت عـن ذوايبهـا

وقفلها ليـن عـاد الحـق لانصابـه؟؟؟بحومت صقور تصافق فـى مخالبهـا

ودار بهـا عاشـو اهلنـا وعشنابـه؟؟؟واللى يجى من بعيد الـدار عاشبهـا

كم مـن عـدو غزاهـا والله اسفابـه؟؟؟وكم من صديق ذكرهـا واستجاربهـا

الشـر ماتضمـره والخيـر تسعابـه؟؟؟ونحو العروبه تقـوم بقـدر واجبهـا

حكامها اهل الوفـى ماهـم بنصابـه؟؟؟الله يخون الشعـوب اللـى تخونبهـا

واللـى عرفنـاه قلنـاه وشهدنـابـه؟؟؟وامعلمتنـا الليالـى مـن تجاربـهـا

وصلو ا على اللى انزله محكم كتابـه؟؟؟مهد الرسالـه وحافظهـا وصاحبهـا

[ابو راشد العبسي]

قيلت هذه القصيده اثناء فتره علاج ولى العهد بالخارج انا ذاك الشيخ سعد العبد الله رحمه الله وطيب ثراه وفيها بعض النصائح العامه

يقول من هـو صـادق فـى كلامـه؟؟؟ادلى بصوته يوم كثـرن الاصـوات

مايختفـى بــدر بليـلـه تمـامـه؟؟؟يطلـع جلـى للعيـون السليـمـات

وعينى تشوف بشوف زرقـا اليمامـه؟؟؟واذنى تسمع لطم مـوج المحيطـات

وارقبتى اطول من ارقبـت النعامـه؟؟؟دام الصباح النا حصـون ومنيعـات

مـع شعبنـا اللـى وافـى بالتزامـه؟؟؟حافظ على عهد الوفا ء طيب الـذات

وصنـا العهـود ولاعلينـا مـلامـه؟؟؟هيهات ياباقى علـى العهـد هيهـات

لـولا المعـزه بالوطـن والكـرامـه؟؟؟تلقى الدروب مع الفجوج الوسيعـات

وصلى المصلى مقتـدى فـى امامـه؟؟؟ويرجى من المعبود تخفيـف سيئـات

ومن حـج بيـت الله يحلـل حرامـه؟؟؟مع ركعتيـن مـن بعدهـن تحيـات

ولاكـل مـن يعهدلـه الحـق اقامـه؟؟؟الحق لـه ميـزان واقـرار واثبـات

ولاكـل راسـى يستحـق العمـامـه؟؟؟ولاتندفـع سـوو المنايـا الا جـات

يـادار هـنـى عـايـد بالسـلامـه؟؟؟هنيـه يـادار الوفـا كـل الاوقـات

دار السعد هنـى سعـد فـى مقامـه؟؟؟الله لايجـعـل ليالـيـه عـجـلات

شيـخ اذخـره الله يحلـل عظـامـه؟؟؟اللى بنـى للجـود رسـم وعلامـات

واغدق على شعبه بحكمـت نظامـه؟؟؟وعاش الضعوف اللى ولى امرهم مات

واميرنـا الحالـى علينـا احترامـه؟؟؟الله يصد اخطاه عـن كـل عثـرات

يوم الزمـان اسـدل علينـا ظلامـه؟؟؟وتبدلـن بيـض الليالـى بظلـمـات

وقامت علينـا مـن قريـب القيامـه؟؟؟وتقطعـت فينـا عراهـا الوثيقـات

ابـو مبـارك ماهتنـا فـى منامـه؟؟؟لينه رفـع عنـا الحمـول الثقيـلات

ادى لنـا الـواجـب ورد لجهـامـه؟؟؟بمساندت مـن ينطحـون المهمـات

هبواعلـى نصـره وشـدو حزامـه؟؟؟اللى لهم فى ماضى الوقـت وقفـات

ورفع لنا فى مركـز المجـد هامـه؟؟؟وخلا الكويت بحجمها عشـر مـرات

وصلوا علـى مـن ظللتـه الغمامـه؟؟؟وركب البراق وزار سبـع السمـوات