[العور]

ياكثر مانسمع من الناس الاهوال=في وقتنا التالي قرينا وشفنا
ناسً على طرد الاماني والامال=راحت عن الواقع وخلت هدفنا
الجيل يفنا وعاقبه عدت اجيال=وخير جيل الي بذكره مايفنا
نسمع عن الاسلاف في كل منزال=لن الحقايق صادره من سلفنا
ولو تاجد التحريف في بعض الاقوال=اقوللك خير الحقايق قطفنا
مير البلا وش باقي لجيلنا الحال=الي نحسبه خير منهو خلفنا
اصبح لكل الناس مضرب للامثال=وحنا عليه من المقادير خفنا
يكذب ثم يصدق علومه باالاقبال=ويقول للمقبل تبسم وشفنا
لو كان مامن فعل سموهم ابطال=وحنا من علوم المقاريد عفنا
الضاهر ان التال يبقا هو التال=ان كان عنهم ياعرب مانكفنا
والله هو العالم بتصريف الاحوال=حسيبنا في كل شي اقترفنا
هو الذي بيديه تحديد الاجال=وهو الذي من قبل ناتي وصفنا

الموضوع الأصلي: وش سالفة العمده 1 والعمده 2 | | الكاتب: العور | | المصدر: شبكة بني عبس

[صميدع راس]

صميدع رس نائب اخو صلفه العمدة الثاني حضرررررررررررررر:

ياكثر ماشافت عيوني من انذال=تكذبك لوكان بالله حلفنا
قدام عينك طيب العم والخال=ولاغاب عنا بالشتايم حذفنا
لكن مدري وش بلا بعض الافعال=لاوالله المعبود ماهي شغفنا
الجيل جيل محمد ومن معه صال=صحابة علوا وزادوا شرفنا
واللي بعدهم من فعل زين الاعمال=على نهجهم لين للموت يفنا
بعض العرب لوكان بالزول رجال=لامن هرج وابدا علومه عرفنا
تصفق به ايامه من الجال بالجال=ان كان صارف قبلكم قد صرفنا
الله من وقت على القلب ولوال=وقت نشوفه قام يلعن جدفنا
خلا الحصاني نارها تشعل اشعال=ونار الذيابه ماتضوي كنفنا

[ناصر الخياري]

لاهنتم فتل رائع ونقض اروع ....

[اخوصلــــفه]

صح لسان عجرمه

صح لسان صميدع راس مشكور على المجاراه بالرد لاهنت وبيض الله وجهك كفيت ووفيت

[وضاح اليمن]

احسنت يابو الروس رد كافي وشافي

[المرتكز]

يكذب ثم يصدق علومـه باالاقبـال

ويقـول للمقبـل تبسـم وشفـنـا

هذا صحيح ولا يوجد عمده في هذا الموقع غير المرتكز والي عنده شك يجي يشوفني هههههههه

[صميدع راس]

اقتباس من مشاركة اخوصلــــفه صح لسان عجرمه صح لسان صميدع راس مشكور على المجاراه بالرد لاهنت وبيض الله وجهك كفيت ووفيت

صح بدنك يالعمدة2 ولاهنت على المرور وحنا تحت امرك في اي وقت

[صميدع راس]

اقتباس من مشاركة وضاح اليمن احسنت يابو الروس رد كافي وشافي

مشكور وضاح اليمن على المرور لاهنت وانا مالي الا راس واحد تعرفه يابعده