[..روحي شمريه..]

\

\

أنآ يعجبني الرجآل الأصيل الشهم عآلي الشآن
عزيز النفس ,, كسب الطيب عآدهـ مآ يخليهآ

و أحب اللي بوقت اللآزمه يصهل صهيل حصان
وتعجبني رجاجيلٍ بعيــداتٍ هـقــاويهـــآ

و احب اللي ليآ منه علآ في جوه الدخآن
يوردها حيآض الموت روحه ما يدآريها

الا منه قعد سلطآن والا منه ركب شيطآن
قوي البآس عرب السآس خيله ما يعفيهآ

و احب اللي ستر وجهه شراه بغآلي الأثمآن
الا من بآعوا الشيمه بغآلي الروح يشريهآ

و احب اللي يخآف الله يجيك من العقل رويآن
يشيـر بخير وأهـل الخير للخيـرهـ يدلـيهـــــآ

و احب الشهم ممدوح السجآيآ صآفي الوجدآن
الا من جــوه ضيـفـآنه على نفسه يبديهـآ

و أعز اللي يهلي بالضيوف ويشعل النيرآن
و أبي قولة هلا من قلب والعشيآت ما ابيهآ

ابي الدله وابي الفنجآل ابي الترحيب بالضيفآن
ابي جلسة نشـآمى راعي المجلس يقهـويهآ

ابي لي سآلفة عدله معآهآ من الشعر قيفآن
تشدك حكمة الأجدآد يشدك صوت رآويها

ابي النخوه وابي الفزعه واحب مجآلس الشجعآن
هـل الـعــآدآت و الفزعــآت نِـعم لا حــل طآريـهـآ

هل الشيمه هل القيمه هل المعروف و الاحسآن
هل الـتـقـدير و التـأثير واللـي بيض اياديـهــآ

و احب اللي ليآ جوه النشآمى يفتح البيبآن
كريــمٍ من قــديم الوقت ليآ صكت لياليـهـآ

احب المرجله واصحآبهآ واقدر الفرسآن
بخيصٍ في معانيهـا قبل لابحث خوافيهـآ

و اعرف اللي يخوض المعركه لآ صار بالميدآن
يمشيهآ على رآيه ويآخذهآ ويعطيهآ

و احب اللي سوالفهم ذهب موزون بالميزآن
مـهـو خبلٍ يخم السآلفـة بعـديـن يخـطيـهــآ

و احب اللي رفع نفسه وجنبه مجلس الحقرآن
حشيـمٍ ما لقـى حشـمـه تـركهـاآ مــا يدانيهــآ

عرف نفسه لزم حده ولا هآين ولا ينهآن
الى من زادت اللجه يجنب عن بلاويـهآ

و احب من الرجآل اللي يسمى شمعة الديوآن
الآ مـنـه تـحـدث كــل كـلمآتـه ينـقـيهـآ

ولا احب اللئيم اللي تصيد زلةٍ بلســآن
الى منه سمع زلـة رفيقه مـا يغطـيهــآ

و احب اللي ليآ سوى غلط قال العفو غلطآن
~[حلاة الرجآل لا منه جـرح روحن يـداويهــآ]~

ترى اللي يشد في رآيه على طول المدى خسرآن
يـضـيـع ولا يـطيـع ولا بغـاهـآ ما يلاقـيهآ ..

\

\

ممآ إستهوآني ....| آمـــلة أن يستهوي ذآئقتكم ..|

الموضوع الأصلي: .. حلآة الرج ـــ’ـآل لآ منه جـ,’ـــرح روحن يـــ,’ـــدآويهــآ ..} ! | | الكاتب: ..روحي شمريه.. | | المصدر: شبكة بني عبس

[نايف ابن عليثه]

قصيده جزلهـ .. تدل على روعة ذآئقتكـ الشعريه

وصح لسآن شآعرهآ ,,,

وسلمت يدآكـ ...

[..روحي شمريه..]

اقتباس من مشاركة نايف ابن عليثه قصيده جزلهـ .. تدل على روعة ذآئقتكـ الشعريه وصح لسآن شآعرهآ ,,, وسلمت يدآكـ ...

هلا وغلا حيآآآآك الله نورت الصفحهـ..
شآآآكره مرورك العطر يالغلا..

[بنت الطنآيآ]

تسلم هالذآإآئقه

وصح الله منطوقه وسلم راااسك

لاهنتي مليآإآر

[..روحي شمريه..]

هلا والله بالغاليه شاااكره مروركـ..
لاعدمتكـ..

[عاشق الذكرى]

عرف نفسه لزم حده ولا هآين ولا ينهآن
الى من زادت اللجه يجنب عن بلاويـهآ

مشكوره روحي شمريه على هذا الطرح الرائع والراقي
والله لايحرمنا جديدك وإبداااااااعك

[..روحي شمريه..]

ياهلا والله عاشق ..
شآآآكره مروركـ لاعدمت الطله..

[ناصر العمير]

روووعه

اختيار ونقل موفق..
سلمت يداكـ علي هذا الأنتقاء المميز