[عبدالرحمن هليل]

ياكثرماسويت في ناس من طيب
لاكن ماحدن شاف طيبي بعينه
جوا يشتكون من الزمان المقاصيب
كلن شكالي ماحصل في سنينه
ومعهم وقفت بموقفي دون تجنيب
ولهم دفعت الغاليه والثمينه
وراحو وانا موفي جميع المطاليب
كلن عطيته حاجته في يدينه
واليوم عقب الفقر كلن ملى الجيب
له بدلت عسر الليالي بلينه
واحدن ركب له فرت واحدن ركب جيب
وكلن يطالع في من نص عينه
ماتقل يعرفني ولا يعرف العيب
صدونسى ماصار بيني وبينه
ناسن تحسب المال راس المناصيب
ماله غدى اغلى من حدى والدينه
اغتر في ماله وخلى المواجيب
اخطى السلوم وضيع الخبل دينه
خبلن يحسبنه وصل للمراقيب
مايدري انه طب له في دفينه
عزاه ياوقت الشقى والتعاجيب
ياوقت جلاب الطبوع اللعينه
من عقب مانته وقت عكف الاشانيب
اهل الكرم واهل العقول الرزينه
اليوم تدهلك البني الخراعيب
اللي على هرج النمايم فطينه
لاكن رجاي بجاه من يعلم الغيب
علام ماتخفي القلوب الدفينه
يفرج لقلبن فيه مثل المشاهيب
من حر مايونس تقطع وتينه

الموضوع الأصلي: وقت الشقى | | الكاتب: عبدالرحمن هليل | | المصدر: شبكة بني عبس

[رعد الرشيدي]

صح لسانك ولاهنت على القصيده الرائعه

[الصااامت]

صح اللسانك
قصيده جزله ومن شاعر جزل
ولاتحرمنا من جديدك بعد
ودمت بود

[((.الأمير .))]

صح لسانك علــــــ القصيده ــــى

ومشكور على القصيده الراااائعة

وتحياتي لك...

[عبدالرحمن هليل]

شكرلكم ومن عيوني بالجديد

[ذبحني غروركـ]

صح لسان شاعرهاا

وسلمت يمينك عـ النقل الرائع

يعطيك الف عآفيه

لا عدمناك

[المشعل]

صح لسان شاعرهاا

وسلمت يمينك عـ النقل الرائع

يعطيك الف عآفيه

تحياتي لك

[عبدالرحمن هليل]

شكر للجمبع