[صادق الوعد]

عيد ؟؟؟؟؟؟


سلام يا أهل الفرح وابغى صفوف تشجعني

ونا دو لصياف ياأهل الحفل يثبت في مكانه

اللي يقابل وسيع المعرفه ما يستمعني

لأن المعاني مع أهل المعرفه مثل الأمانه




صياف .......


قلب المولع تولع فيك ياصوت المغني

لكن أبو زيد لولا الفيد ما عذب حصانه

انا تبعت الليالي و الليالي عذبني

والرجل يطلق لسانه لين يتعب في زمانه




عيد؟؟؟؟؟؟؟؟؟




ليا غزيتوا ( عوايدكم) سباع يكسبني

وذا الليل قدامك جبل يابن العرب ماهو لبانه

انا مورى بكم يوم السوالف يا صلني

وحاولت اقلد مسير الذيب واسوي مشيانه




صياف.......



بعض العرب يحرق الطبخه ونجره مايدني

مدري يبيها سياسه خافيه والا لعانه

اسمع كلامي وعلم به ورد العلم عني

لا شفت خاين بوسط الدار قل خل الخيانه





عيد؟؟؟؟؟؟؟؟



نجورنا قالطه يوم النجور يقلطني

واهل القلوب الذهينه طيبها بس الذهانه

انا احسب ان المهندس قبل بالتصميم فني

واثره يبوز مسامير التريله بالسبانة





صياف.........



شعيل يهدر ومن بعد الهدير اصبح يحني

حذرا يكبر سنامه ينقطع حبل البطانه

ابلشتني ياطويل العمر وانت بعيد عني

عساك مسلم مع الا سلام وتعرف الديانه



عيد؟؟؟؟؟؟؟


شعيل يهدر ونيبانه بلحيه يضرسني

وليا هدر من بوجهه محرمن باقي حنانه

كانك تحدث بوسط المجتمع (......)

وبعض من الناس مشيه مثل مشي العقربانه




صياف.....



راعي الغنم يزرع الحنا ويعرف للتحني

يشوفه أصفر يحسب انه عصير البرتقاله

ومن راح زعلان لعله يروح ولا يثني

حنا لقيناك يالبارود وسط الجبخانه




عيد؟؟؟؟؟؟؟؟؟


الله يسامحك واللي غابنن قلبك غبني

ومن لحقه الحف يدهن شاربه باخر دهانه

ليت الليالي عن أهل المعرفه ما بعدني

اظني اكسب من أهل المعرفه عرف وحصانه



صياف.........


قابلت شهب السباع مع الطريق وقابلني

واللي قليبه صخيف كيف يشري له متانه

لعل قلب العنا يصل البخور ... ويرجهني

اما صحا القلب والا امرحت فيه الجنانه




عيد؟؟؟؟؟؟؟


أنا قريت الحيايا الرقط حتى صاحبني

ولقيت درب الشجاعه خير من درب الجبانه

قطعت سبع البحور بقدرة الله ما أغرقني

والعرف ماهو ياراعي المعرفه بالخيزرنه

الموضوع الأصلي: محاورة ... عيد بن مربح ,, وصياف الحربي | | الكاتب: صادق الوعد | | المصدر: شبكة بني عبس

[عبدالعزيز الخياري]

صادق الوعد،،،



الله يعافيك على النقل وحسن الاختيار

والحقيقه مجهود تشكر عليه

نقلك لمحاورة الشاعرين
صياف

وعيدبن مربح

اشكرك من قلبي..
:p :p :p
تقبل تحياتي

[صادق الوعد]

هلااااااا ومرحبااااااااا

اخوي عبدالعزيز اشكرك على المرور من كل قلبي

لاهنت يالغالي على الكلام الراع


لك كل احترامي

[أنكسارحلم]

صادق الوعد

مشكور على نقل هذه المحاوره بين عمالقة الشعر

الله يكثر من امثالك

[صادق الوعد]

الاخ ناصر .....اشكرك على المرور الرائع مروريشرح الصدر


لك كل احترامي

[المغرم اليائس]

نقل جميل لمحاورة العمالقة00

تقديري واحترامي لك

[بدر الحشية]

مشكور على لنقل الجميل

[الاجهر]

اشكرك اخي الكريم


ماننحرم منك