[بنت الطنآيآ]

لو ما اطربت هـ الـجرح تـرنيمه بْكاي
ما حـسّت قْـلوب الـبـشـر في كلامي

وما كان شـعـري لـ انـسكـب كنّه الماي
لـو ما سـقـاهـم ما فـقـدت احترامي


ادري دمـوعي تخـتـنـق فـي مراياي
وادري طـعـونـك مـثل قسـوهـ نظامي

لي طـيـشـي.. ولـي حكمتي .. لي خطاياي
لي أسم غيـر الـنـاس .. غـيـر الاسامي


صـحـيح محـتاجك وابي شـخص ويّاي
فـي غربـتي.. فـي وحـدتي.. فـي ظلامي

والبارحـه مـرّيـت وتـثاوب الناي
كانـت سوالـيفك مطر كـنـت سامي


ما قـلت لي في أول الـسـالفـه :جاي ؟!
وما قـلت لك في آخر الـوعـد :ضامي ؟!

رتـبّـت لك موعـدلـقـا فـي حناياي
وزيــنّت لك صـدرٍ ..أنــينـه عصامي


ذبـلت مـواعـيـدك وذابـت وصاياي
وللـحـين " كـذبه" جـيـّتـك ...جـرح دامي

لـيـه انـتـظـرتك ؟! تسـأل العيـن ..شـالراي؟!
وآغـص.. واشـرق.. واصــرخ بـغيـض.. نامي


وحدي اسـولف لي ولا اســمـع حكاياي
واتــخـيّـل انـك جـيـت واقـف أمامي

عمـرين اصـب الـدمـع فــي كـاسـه الشاي
واشـرب غـيـابك لـين تـثمـل عظامي


شقـول للغــرفه ؟! شـ جــاوب هداياي؟!
شقول ؟!! وشموعي طفت !..كيف احامي ؟!

هـذا الـشـتـا .. وشـ قـصّــتـه فــي خلاياي؟!
يـامـا تـوسـلـت الـمـسـا.." كـون حامي"


ابـيك تـلمـس لهـفـتـي فـي شفاياي
وشـلـون ما حــسـيـت حـرقـة سلامي؟!

كــتـبـت لك كـل الـحكايه مـع اشياي
وضـاعــت رسـايـل هـ المـسا من حمامي


كــتبـت لك يـا بـعـد لـيـلي ومغناي
اشـكـثـر ابـيـك ...ومـا يـهـمـك غرامي

وأنك سبـب حـزنـي وتـرنـيـمـه بْكاي
واني بـسـبـب جــرحـي كـسبت احترامي

الموضوع الأصلي: واشـرب غـيـابك لـين تـثمـل عظامي | | الكاتب: بنت الطنآيآ | | المصدر: شبكة بني عبس

[آهــذريــبــك]

صح لسان شاعرها

وسلمت ايدي من نقلها

الف شكر

[بنت الطنآيآ]

وعسآإآإكـ سآإآلم

ولاهنت ..

[وحيد]

ما قـلت لي في أول الـسـالفـه :جاي ؟!
وما قـلت لك في آخر الـوعـد :ضامي ؟!
الله الله عليك
ذوق عالي وسلوووب راقيه
بارك الله فيج
وتقبلي مرورررررررررري

[بنت الطنآيآ]

تسلم يالطيب

ولاهنت

[ولد حايل]

الله الله
قصيده رائعه
صح لسان القائل والناقل

[..روحي شمريه..]

ادري دمـوعي تخـتـنـق فـي مراياي
وادري طـعـونـك مـثل قسـوهـ نظامي..

الله الله تسلم يدينك يالغاليه..
ذويقه يالغلا..ايه طالعه لبنت عمك(انا)..ههههه
تسلمين يابنت الطنايآآآآآ..

[بنت الطنآيآ]

ولد حآإآيل

وصح بدنك وصحت ايآإمك

ولاهنت