[أبوفيصل الجولان]

امي الحنون الغاليه احيا وأمـوت بقربهـا

هي جنتي في دنيتي والآخـره بأسبابهـا

ان سيرت أو سافرت في بالي وافكّر بهـا

يضيق صدري عقبها ولا أطيق يوم غيابها

يوم ٍ تقدّم عمرها ونوى الزمـن يغدربهـا

رهنت نفسي كلّها لأمي وهـي أولا بهـا

شفت المرض بعد الكبرأمي الحنون اثّر بها

وخلّيت نومي عندها من دون كل احبابهـا

بيديني اعطيها الطعام اللي تبيه وشربهـا

ولي الشرف كم مرةٍ قمت وغسلت ثيابهـا

حاضر لها باللي تبي واي حاجةٍ تامر بهـا

أي حاجةٍ تفرح بها افرح بها وأرضا بهـا

روحي فدى للغاليه لو تنعطى تبشـر بهـا

ياليتني من دونها عن كـل شـيٍ صابهـا

ياربي طول عمرها وأبرّهـا وأفخـر بهـا

خادم لها طول العمر هي جنتي وأحضابها

خادم لها ولي الشرف اقولها وأجهر بهـا

الله عطاني برّها رحمـه وربـي جابهـا

طول العمر لجلي عطت كم ليلة تسهربهـا

عانت معي وتحملت والظيم كـم سوابهـا

مهما فعلت من اجلها رب العباد أمر بهـا

يرضى الأله ليا رضت والمصطفى وصّا بها

امي الحنون الغاليه احيا وأمـوت بقربهـا

هي جنتي في دنيتي والآخـره بأسبابهـا

الموضوع الأصلي: أمي الحنون الغاااليه احيا واموت بقربها............ | | الكاتب: أبوفيصل الجولان | | المصدر: شبكة بني عبس

[العريض]

الله الله

اشكرك اخوي ابو فيصل على النقل

[بركه الداموكي]

اشكرك اخوي ابو فيصل

[سند الداموك]

أخوي أبو فيصل شكرا لك ألف على هذا النقل الذي تتكلم عن الام التي قال الرسول صلى الله عليه وسلم ((الجنه تحت أقدام الامهات ))
تسلم يمينك وجزاك الله خير

[أبوفيصل الجولان]

شكرا لمتبعة شبكة بني عبس ونهنيكم بحلول شهر رمضان المبارك وكل عام وانتم بخير... أخوكم أبو فيصل الجولان.........

[الهقاوي]

لاهنت ابوفيصل علىالقصيدة