[ذيبان الرشيدي]

بسم الله الرحمن الرحيم

السلاام عليكم ورحمة الله وبركاته

واسعد الله أوقاتكم بالخير واليمن والبركه

مصافحه جديده
أتمنى
أن ترتقي لذائقتكم
وأن تجد منكم القبول والأستحسان

لا إطاله .. فالخير دوماً ..في إيجاز المقاله
إليكم ماكتبت

دن الفكر حبكه .. على غير ميعاد = في ليلةٍ قمرى .. تجلت طويله
في ليلةٍ .. فيها تباشير وأنكاد = ليلٍ تغرهد.. والحنش ترتكيله
ليلٍ تمصهر .. والهواجيس تزداد = حتى تبين لي .. نحره وشليله
ساحت به أفكاري .. على راعبٍ جاد = غرواً .. حسبني بنثني وأرتخيله
غرواً حسبني .. للدنافيس وراد = مايدري أني .. كاسبٍ للنفيله
بقول له كلمه .. على روؤس الأشهاد = وعل وعسى .. يفهم كلامٍ يجيله
يومي دخلت النت .. يابنت الأجواد = وأفنيت أنا وقتي .. وسقت الجزيله
ماجيت أدور .. عرف غضات الأنهاد = وأرجي وراء .. قرب العذارء حصيله
جيت أجلي الضيقه .. مع الخلق وأستاد = وأسلي الخاطر .. بفرحه قليله
وأناظر علومٍ .. مضى فيها الأجداد = وأوثق أفعالاً .. بنتها القبيله
وأصادق الي .. صار سمٍ للأضداد = وأجنب .. أصحاب الدنس والرذيله
لاشك أنا ماني .. شفوقاً وطراد = وش لي على قرب .. الجفول الهزيله
مالي على جالك .. مداهل ومقعاد = منك الحنايا .. والنواظر عليله
جاك الكلام .. الي من الرأس منقاد = هرجٍ مقفى .. ماعسرني ثقيله
والرب يأمر بالملاء .. كيف ماراد = آمنت به .. وأسلمتله يالكحيله
ولاعاد هرجٍ .. ماحكمناه لاعاد = هرجٍ نطقته .. كيف أدور بديله
والختم أصلي .. عد ماهل رعاد = على شفيع الخلق .. راع الفضيله

هذا
ودمتم
بخيراً وستراً وعافية

الموضوع الأصلي: ماجيت أدور عرف غضات الأنهاد ... وأرجي وراء قرب العذارا حصيله | | الكاتب: ذيبان الرشيدي | | المصدر: شبكة بني عبس

[البعيد الهادي]

ذيباااان
صح اللسااانك وتعلا شانك
وبيض الله وجهك على هذه الدرر الجزله
وتقبل فائق الاحترام والتقدير

["وقفة صديق"]

يومي دخلت النت .. يابنت الأجـواد //وأفنيت أنا وقتي .. وسقـت الجزيلـه
ماجيت أدور .. عرف غضات الأنهـاد//وأرجي وراء .. قرب العذارء حصيله
جيت أجلي الضيقه .. مع الخلق وأستاد//وأسلـي الخاطـر .. بفرحـه قليلـه
وأناظر علومٍ .. مضى فيها الأجـداد//وأوثـق أفعـالاً .. بنتهـا القبيـلـه

دائمـآ وابدآ مبـدع..
يتجلى من شعرك.. الحكـمه.. والرأي السديد... والمبادئ..

أخي فـهد.. "ذيبان"
رغم غـيآبي..
وابتعآدي عن النـت والمنتديـآت..

لايـشدني لـها..
الا قصيـدهـ مثل قصيـدتـك هذهـ...!!

عفـوآآ..

لقد وصفـتها بالقصيدهـ..؟؟!!

بل ان كل بيـت فيـها عن قصيدهـ...
وكل شـطر فيـها عن معلقــه...

""شهآدتي فيك مجـروحـه""

والى الامـــــــام ياشآعـر عبس ..وقول وفعــل..

وتقبل مروري الاكثر من متوآضع
اخيـك
وقفة صديق

[ألمــــاس]

صح لسانك شاعرنا
ولاهنت

[مبارك الشويلع]

ابن ناوي

’, مافيك حيلــــه ,’

صـــح لسانــــك

ولي عوده إن شاء الله

[الهنوف]

ذيبان

صح لسانك ولاهنت
وكل عام وأنت بخير

دمت بخير
.
.
.

[ولد حايل]

الله الله على هذه الذائقه الفذه
الله على الابداع
على التنسيق الجميل في الابيات
ذيبان
كل ما تكتب يشدني
ويجذب انتباهي

دائما الابداع هو سر جذب الانتباه
صح لسانك على هذه الجزله واعتلى شانك وقدرك

لاشك أنا مانـي .. شفوقـاً وطـراد//وش لي على قرب .. الجفول الهزيلـه

بيض الله وجهك
بيض الله وجهك

اسمحلي بالمرور المتواضع

[مروان الرشيدي]

ذيبان


خير الكلام ماقل ودل



سجل الأعجاااب وبقوووه




جيت أجلي الضيقه .. مع الخلق وأستاد//وأسلـي الخاطـر .. بفرحـه قليلـه