[برد ودفأ]

.
.
.

ياكثر مبني بالأماني مشاريع
وإذا صحيت تضيع كل الأماني

كل مارقيت بريع يطلع بعد ريع
ارقى وكني واقفٍ في مكاني

متجمعه جتني ما تحتاج تجميع
جرت بعضها مثل جر السواني

أنهي مواضيعٍ وتبدأ مواضيع
حسبي على اللي للشقاوه حداني

شفت الدروب العوج مثل المسانيع
عجزت اميز بين قاصي وداني

وشفت العوافي يجهلون المواجيع
وشفت الصخر من قو مابه يعاني

وبعض الوجيه اشوفها وسط تلميع
تظهرملامحها وراء شكل ثاني

والبعض الآخربين الأشكال مايضيع
لو يختفي لحظات بالعين باني

والبوم شفته يآمر الصقر ويطيع
آخر زمانه صار للبوم عاني

الفرق مابين الحدأ واللاعاليع
مثل الجدي وإلا سهيل اليماني

اشري بسوقٍ من دخل فيه مابيع
وأنا شريت اللي من الله عطاني

والله لو خدي غرق بالمداميع
من عالي المرقاب مارجع طماني

طبعي كذا مخلوق من غير تطبيع
عزيز نفس وما رضيت الهواني

الموضوع الأصلي: المـــــــــــــــــشاريع... | | الكاتب: برد ودفأ | | المصدر: شبكة بني عبس

[سبع الغداري]

صح لسانك يابرد ودفاء
وتقبل مرور
رئيس حزب السباع المؤقر سبع الغداري

[ذيبان الرشيدي]

صح بوحك يالامير
واعتلا شانك على ما اجزلت
لاتحرمنا جمال ماتكتب

و
دمت
بخير وعافية

[برد ودفأ]

اقتباس من مشاركة سبع الغداري صح لسانك يابرد ودفاء وتقبل مرور رئيس حزب السباع المؤقر سبع الغداري

حياك الله ياسبع الغداري
وصح بدنك
تقبل تحياتي

[برد ودفأ]

اقتباس من مشاركة ذيبان صح بوحك يالامير واعتلا شانك على ما اجزلت لاتحرمنا جمال ماتكتب و دمت بخير وعافية

الله لا يهينك ياذيبان
وجعلك سالم وغانم

[كاتب الرشيدي]

صح لسانك





ابداع وعزك الله بطاعته


تقبل مروري




تحياتي

[بدر بن محمد]

صح السانك





ابداع وعزك الله بطاعته


تقبل مروري

[أمـ الشوق ـير]

صح لسانك .قصيده جزلة