[النمر1012]

إذا على المكتوب زعلان منّي
لاباس ياسِيد المزايين لا باس


تعال وأنقش فالحشا نقش فنّي
القلب ثابت والغلا كله الساس


أحسب زوايا الطول والعرض منّي
أكبر مساحه فاضيه بأكبر اقياس


أرسم ,وشخبط ,واعزف احروف وغنّي
أبيك تملا القلب ياقوت وألماس


مابي مساحه فاضيه تمتحنّي
خذني على بعضي نقى بيض قرطاس


خذني دقايق بالغلا واحتظنّي
أو خذني واجب تكتبه وسط كراس


خذني غلا,,, خذني ولو بالتبنّي
خذني دموع إنسان مرهف وحساس


أدري بقلبك ماسأل يوم عنّي
وأدري ولا لي وسطه أيات مجلاس


حلال غيري,, مايجي بالتمنّي
لو كان نكسب من سنا العز نوماس


ليت الهقاوي ماتهقوى بظنّي
وليت القدر ماجابلي دم جساس


يارحمة الله في دروبن رمنّي
وش عاد باقي من مخاسير الافلاس


سود الليالي بالبخت ماعطنّي
لو طاحت الغتره,, بقى ثابت الراس


أمشي ورى حظي لعد(ن) قتلنّي
أطرد ورى طيفه والارياق يبّاس


لا ياقراح البير لا تحسبنّي
أورد على الما,, ورد جيزي من الناس


لو كان ماك العذب شربه فتنّي
مايجتمع فالبير سابح وغطاس


دونك متاهات الغرام أحتدنّي
وأقفيت أدوّر في دجى الليل نبراس


ولامن ذكرت اللي خذاك وطعنّي
تطيح دمعة عين,, ما طاحلي باس


وأقول شفت الحلم,, كنك وكنّي
هذا اللي جاني منك ياعود ميّاس


أحب وصلك,, وأنت ماتحتملني
تحسبني قطة وجه ماعندي إحساس



ناصر الغضروف

الموضوع الأصلي: خذني غلا | | الكاتب: النمر1012 | | المصدر: شبكة بني عبس

[محمد الراشد]

مابي مساحه فاضيه تمتحنّي
خذني على بعضي نقى بيض قرطاس


خذني دقايق بالغلا واحتظنّي
أو خذني واجب تكتبه وسط كراس


خذني غلا,,, خذني ولو بالتبنّي
خذني دموع إنسان مرهف وحساس



اكتفي بالتصفيق لك

[النمر1012]

الله يسلمك ابو راشد منورنا بالمرور

[الهنوف]

النمر

صح لسانك ولا هنت
ماشالله قصيدة متكاملة ورائعة ( :

يعطيك العافية ودوماً نحن بانتظار الجديد
دمت بخير
.
.
.

[النمر1012]

منقولللللللللللله اختي الهنوف مووووووووو انا مشكوره علي المروررررررررر

[خيال وسمي]

قصيدة جميله
سود الليالي بالبخت ماعطنّي
لو طاحت الغتره,, بقى ثابت الراس


أمشي ورى حظي لعد(ن) قتلنّي
أطرد ورى طيفه والارياق يبّاس

اعجبني ما اقتبسته واله لايهينك اخوي

[النمر1012]

لاهنت اخويييييي مشكورعلي المرور