[مشعل الخياري]

أهديكم هذه االمحاورة بين هامور و صنفرة الشعراء رشيد الزلامي وشاعر الوطن تركي 200
في مهرجان الغاط السنوي بمناسبة عيد الأضحى المبارك وبحضور محافظ الغاط الأمير / سعد السديري.









رشيد:





إسمحوا لي على تركي خليفة مطير&&ودّي أمزح عليه بكل حشمـة وأدب
تركي الفين تالي الوقت وضعه خطير&&يالله إنك تفكّه من عيـون العـرب





تركي:





أنت مزحك مع الشعار مزح ٍ كثير&&مير صاحبك ماهمّه ولا أطلق شنب
فيه للشر شر وفيه للخيـر خيـر&&إنتبه ياوسيع المعرفـه واحتسـب




رشيد الزلامي:






عدّل العوجه اللي في رقبة البعير&&ثمّ تعطى قلادة كلها مـن ذهـب




بالزمان القديم وبالزمان الأخيـر&&قيل من قارب الجربا يجيه الجرب




تركي:





أنت رجل ٍ ذهين وبالسوالف خبيـر&&مير في تالي أيامك عليـك العتـب
إقضب إقضب حدودك لاتجي لي مغير&&قدمك النار وأنته من حساب الحطب




رشيد:






تسبح الباخرة فالبحر لو هو غزير&&والتّروكي ليا جرَّوا عليه انقلـب





لك مع العسر يسر وكل شي يصيـر&&ما أحسد اللحية اللي تستحق الشبب .






تركي:





أبشر إني على هوني وسيفي شطير&&وأذبح العقرب اللي سمّها فالذنـب
مير قدّم حبوبك والرحـا يستديـر&&مايفوت بجماد تحصله فـي رجـب




رشيد:





لو نصدقك مالك فالمراجـل خشيـر&&مير بالعكس تبت يدك يابـو لهـب
صاحبك رجل شايب وانت توّك صغير&&خلها ترتفع جوختك فـوق الركـب




تركي:





كل طيرٍ ليا رفرف جناحـه يطيـر&&غير ذيك الطيور اللي تجي بالخشب
إقصر السالفة قدام علـم ٍ يصيـر&&لاتعرّض عيونك للشقـا والتعـب




رشيد:






ما أقدر أكسر جناحك عند وجه الأمير&&طير ياطير وآخـر مرحلـة تنّكـب
روح ياتركي اسحب فوق دربك حظير&&مير لاتنتهي رحلتك وأنـت السبـب

.




تركي:





أنت ودك بكسره مير كفك قصير&&لاتعرّض طريق مطوّعين الصّعب

الموضوع الأصلي: الشاعر رشيد الزلامي والشاعر تركي 2000 | | الكاتب: مشعل الخياري | | المصدر: شبكة بني عبس

[مشعل الخياري]

ارجو التفاعل

[(*العرعري*)]

مشعل الخياري بيض الله وجهك على النقل
اشكرك على جهدك يالخياري

[صقر ابن عبس]

مشعل الخياري بيض الله وجهك على النقل
اشكرك على جهدك يالخياري

[مشعل الخياري]

لا لا لا لا لا لا لا لا شكر علي واجب