[كاتب الرشيدي]

اخواني وخواتي
هذه قصيدة فيها أسمي وعنواني
هل منكم من يعطيني
أسمي وعنواني
وله جائزة من مدير الموقع

كتبت اسمي بمضمون القصيد موضحه بأشعار

................. احــب اكـــتـب بمضمون القصيد اسمي وعنواني

ترى مابه قصيدٍ دون اسم شاعر من الشـــعار

................. . بعد مايموت يبقى الشعر واسمه طول الأزماني

صواديف الزمن خلتني اكــتـب كـل شـيٍ صـار

................ . ووضــح بالقـصـــــيد ان الــزمـن قـام يتحـداني

يلـــومــوني مـهـابيـل القـلـوب بكثرت الأفكار

................. . لصــاروا دالهــيـن بنومـهــم والـنـوم مـاجـاني

حداني حضي اللي حطني في موقع الأخـطـار

.................. . غــديــت بســكـةٍ يافــرحـة حسودي وعدواني

احـس بقــســيـت الأيــام لكــن ربي الســـتـار

.................. . نعــم طــشــيـت نفســي بالظلام وربي اذراني

مقــادير الــزمن ماتعترف بكبار والأ صـــغار

...................... على كل البشر والله له الحـكــمه باهأشــاني

وردّت وورد من قــبـلـي عـلى بيراً من الآبار

.................... ضويت اطفي ظما كبدي ولكن جيت ظــمياني

اشوف الماء بجنبي مير صرت بموقفي محتار

................... شحب وجهي وراع الماء وطاه اللوم ماسقاني

وقفت وصـــارت الدنيا بعيني مثل حــضــؤ النار

................... يورالي لو اني مت قــبــل الــيــوم كــســــباني

لو اني ماني مؤمن بالإله ومســـلــمـاً صــــبار

..................... عــلــى اللــي كــاتـبـاً رب العباد وكل ماجاني

يمر الصيف مع فصل الربيع وتنزل الأمـــطار

...................... اشـــد العــزم واكـيد المعادي واعطي العاني

رفعت الراس في دروب المعالي وافي الأشبار

....................... شديد الباس في وقت الشدائد عز من جاني

يشين الوقت والله مابجــاز الطــــيب بالانكـــار

........................ دروساً با الحياة وورث عن اهلي وجداني

يقال الغانمـــين دروبهم ليـــمين ماهي يــســار

..................... حشا ماضرب ياغير دروبهم لو الزمن شاني

اعــد الـطـيـب لـن الـطـيـبـيـن من الشجاع تغار

....................... يحاول كل رجل انه يصير اطيب من الثاني

لون المرجله تــشــرى بكــثر المــال والديـــنار

........................ احد مايشتري من راس ماله لوهواهداني

لكن المرجله تعرف بها الشــيمــات والمـقـدار

..................... وتعرف بالشهامه والكرم مع ساس شجعاني

ســلايـل مـن يعـيـنون الضـعيف يقدرون الجار

..................... على الشـــــــدات كلاً قالها عندي وانا افلاني

هـذيه اســــمـي وعــنواني كــتبته باقياً تذكـــار

..................... احب اكتب بمضمون القصيد اسمي وعنواني

الموضوع الأصلي: (((مسابقة وجائزة وين الهمة ... أسمي وعنواني ))) | | الكاتب: كاتب الرشيدي | | المصدر: شبكة بني عبس

[المشعل]

هلا وغلا كاتب

يعطيك العاافيه

ابيااااااااااات راائعه صح الساااااااااانك ولاهنت

وان شاء الله الشعار مايقصرون ويجبون اسمك وعنوانك والجائزه مغريه نتمنى لهم التوفيق
ونتمنى لك التوفيق

تحيااتي لك

[اخوصلــــفه]

السلام عليكم ورحمةالله وبركاته

حياك الله اخوي كاتب

اخوي اخذ الجواب من اخو صلـــــــــــــــــــــفه:

الاسم/ كاتب صويلح غانم عوض الشويلعي الرشيدي
العنوان/الوسعه

وباقي الحل يجيك بالرساله الخاصة

صح لسانك ايها المبدع والنعم فيك يابن شويلع

بس عجل علي بالجائزه خخخخخخخخخخخ

[الجلاد]

الحل الحرف الاول من كل شطر والسلام

[صقر ابن عبس]

نعم حل مسري صحيح لكن تذكرني ايام الدراسه بالشويمس

[سالم الرشيدي]

اقتباس من مشاركة الجلاد الحل الحرف الاول من كل شطر والسلام

عزالله انك جبتهااا

وبيض الله وجهك يابو صويلح

حايل الوسعه ياروحي



أبـــدااااااااع + جزززززززل = الي الامااام من التميز

وابشر بالي تبيه

وفاااالك التوفييييييق

يــــابو عزووووووووووووووز

[كاتب الرشيدي]

هلالالالالالالالالالالابك اخوي المشعل


يشرفني مرورك وصح بدنك





تحياتي

[كاتب الرشيدي]

هلالالابك مسري


والله انك دغدغة الجائزة وخطير لكن الحل العنوان ناقص ؟
وبيض الله وجهك وابشر بالجائزة ألا ربع ؟؟؟ هههههههه



تحياتي