[صقر ابن عبس]

يسعدني ان انقل لكم هذه المحاوره التي جرت بين الشاعرالكبير /

فهادناصر الرشيدي و والشاعر الشاب/ زايد ابن عدله الرشيدي في حفل زواج عبيد متعب الرشيدي في قرية انبوان في يوم الجمعه ليلة السبت1430/8/1

اليكم المحاوره

زايد ابن عدله

يامرحبا في محل مكرمين الرجال = اللابه اللي تعزوي من تعزوابها

فهاد فاول زمانه صار مضرب مثال = يوم ان سود الليالي هايشً دابها

فهاد ناصر

فيك البقا يالمرحب يوم جالك مجال = ان انفتح بابها وان انقفل بابها

في قدرت الله قمرعشرين يرجع هلال = لكن عدّ الحقيقه واحسب احسابها

زايد ابن عدله

يالمفتي اللي فرقت من الحرام الحلال = البنت عندك وانا يالشيخ خطابها

حنا نعرفك جبل واللي وراكم جبال = والكلمه الواحده منك انت نرضابها

فهاد ناصر

مادامها عندنا ماظن فيها جدال = ماتقبل البنت غير اللي تعزوابها

ياللي تشيل وتوطي من جنوب وشمال = والله ماني من الشيعه ولاحزابها

زايد ابن عدله

في سد وجهي يابن قعبوب لاخذ وصال = واثبت عليها الشهود اثنين بكتابها

ياصاحبي مايشيل الحمل غير الجمال = والشيعه اللي تقوله ويش انا ابغابها

فهاد ناصر

لو جيت ابرضي عمامي يزعلون الخوال = سوالف لو تجنب كيف مجنابها

الموضوع الأصلي: محاورة الشاعر زايد ابن عدله والشاعر فهاد ناصر القعبوبي | | الكاتب: صقر ابن عبس | | المصدر: شبكة بني عبس

[مرشدالمظيبري]

مشكورررررررررررررر
صح لسان الشاعرين

[صقر ابن عبس]

شرفني مرورك

[(ابوعواض)]

اللـه يوفقك والله امتعتنا بها





ونعم بالقعبوبي وصح اللسآنه ولا يهون زآيد
كلهم شعآر وفحــول



دمت بخير وعآفيـه ^_^

اخوك ابوعواض

[العالم الفلكي]

بيض الله وجهك على النقل وصحت السنت الشعار

اخوي صقر ابن عبس زايد بن عدله وينه عن الاعلام ماعمري شفته في القنوات ؟

[صقر ابن عبس]

اخوي العالم الفلكي الشاعر زايد ابن عدله مشغول الان في الحفلات وسوف انقل لكم جميع محاوراته وقد سجل عضو لديكم

واحاول اكلمه اذا هو فاضي الليله اقوله يلعب الليله بالمنتدى

[شاعر الوطن]

صح اللسان زايد بن عدله.. ولسان فهاد القعبوبي

شكرا على النقل

[بدر حيي]

الله يبيض وجهك ولاهنت