[الـدولار]

لا والله ألا شـدو البـدو يـا النـون
مرحانهـم تـذري عليهـا الـذواري
وأنا هقيت أن العـرب مـا يشـدون
وأثر العرب طاري عليهـا طـواري
قلبي عليهم صـار جمـره وغليـون
مانيـب لا بايـع ولا نيـب شـاري
وين أنت عني يا بعـد كـل مزيـون
الـدار مـا خليـت فيهـا مـواري
ما قلت لهلك يا وليفي علـي هـون
لي صاحب(ن) غايب ولا هوب داري
لو قلـت بالله ريحـو لا تروحـون
كـان المسـاري تقتفيهـا مسـاري
مير البدو من طبعهـم مـا يطيعـون
لا صنفو يتلـون سفـن الصحـاري
العام أنـا وأنتـه نفـر الدرقسـون
والكـل منـا فاالمحـبـه يـمـاري
واليوم أنا في كون والزين في كـون
حسبي علي راع الطريـق الجبـاري
مـا دايـم ألا الله والخلـق يفـنـون
هذا صحيـح الترمـذي والبخـاري

وســــلامتكم

الموضوع الأصلي: الــبــدو للشاعر الكبير سعد المحيش | | الكاتب: الـدولار | | المصدر: شبكة بني عبس

[مروان الرشيدي]

صح لسان الشاعر سعد المحيش


ولاهنت يامبدع على النقل


"
"
"
تحياتي

[هديان الرشيدي]

صح لسان الشاعر سعد المحيش


ولاهنت يامبدع على النقل

[بدر حيي]

صح لسان الشاعر سعد المحيش


ولاهنت يامبدع على النقل

[محمد الهبله]

صح لسانك المحيش

مبدع طول عمره

ولا هنت يالدولار

[الـدولار]

مروان الرشيدي لا هنت على المرور المشرف وبيض الله وجهك

[الـدولار]

هديان الرشيدي لا هنت على المرور المشرف وبيض الله وجهك

[الـدولار]

بدر لا هنت على المرور المشرف وبيض الله وجهك