[الـدولار]

حبيبي روح

حبيبـي روح لاتقعـد عشانـي لابغيـت تـروح..... اذا ماعـاد لـك حاجـه بوجـودي لا تجاملنـي

عشاني .. لا عشان الملح والعشره ياروح الـروح..... اذا دمـي ثقيـل اصبـح بعينـك ماتحملنـي !!!

تخيّـر بالـدروب وكـل دربٍ يعجبـك مفتـوح..... وانا لا رحت عن عينـي ابلقـا اللـي يوصلنـي

تعـذر لا بـلاش انـك تعـذر ابتعـد مسـمـوح..... تراضينـي سنيـن البعـد كـان البعـد يزعلنـي

علي لا ينشغل بالك ولـو كلـي غديـت جـروح..... تهملـنـي ربــع واحـبـاب والله مايهملـنـي

ترى اصعب شي بالدنيا اذا صار الغـلا مذبـوح..... بقلـب اللـي تحبـه وعاملـك باللـي تعاملنـي

احبك شي .. وشي ثاني خطاك ان قلت لك مدموح..... تجاهلني وتبي ادمـح خطـاك انـك تجاهلنـي ؟

احبك لو علـى قلبـي دلالـك ترتكـي وتفـوح..... هـذاك اول زمانـن فـات قبـل انـك تبدلـنـي

بحب اللي تحبه صرت تنطـر شوفتـه مشفـوح..... انا ادري مـن عيونـك تفضحـك لـوّك تظللنـي

اشوفه في عيونك .. ياعيوني فـي سمـاك يلـوح..... اخذ نفس المكـان اللـي لجـل يوصلـه نزلنـي

حبيبـي روح لا تقعـد عشانـي لابغيـت تـروح..... انا ادري منت في حاجة وجودي لاتجاملنـي !!!

للشاعر : ثامر شبيب الدقباسي

الموضوع الأصلي: من قصائد الشاعر ثامر شبيب الدقباسي | | الكاتب: الـدولار | | المصدر: شبكة بني عبس

[قـرنـاس]

الله الله


مشكور اخوي على النقل وصح لسان شاعرها المبدع دائما ثامر شبيب تقبل مروري