[مشعل الخياري]

من هو الشاعر
بندر بن سرور بن خضير القسامي العتيبي
ولد وترعرع في القراره بمدينة الدوادمي سنة 1360 هجري
تفي والده وهو صغير السن وعاش مع عمه بعد زواج والدته من رجل أخر
عاش الحرمان منذ صغره وربما السبب فيما وصل اليه بندر من موهبة شعره
درس حتى المتوسطه وتوظف في الجيش السعودي



البارحه زل اكثر الليل واعي ........... سهران واللي راقدِِِِ مادرى بي
أشري وابيع بحسبةِ ماتباعي . .......... خطرِِِ من التفكير راسي يشيبي
تحسّني كلمة خطاة ألدناعي ... .......... اللي ينم بغيبتي وش يبي بي
يستر عيوبِ ماسترها القناعي ............ مسترِ عيبه ويحكي بعيبي
لوكان مازوّد علينا ذراعي ........... ولاقدّمنا باج الطريق الصعيبي
ماغير بين مفصلات الجزاعي .......... طول السنه عن عشقته مايغيبي
وان كان في البندق معاشه قطاعي .......... والا انثبر بين أملته والقليبي
والامشى بامر الحليله واطاعي .......... يطيب له ولاعلى غير طيبي
وان كثر مالك صرت رجل اجتماعي .......... لوكنت بالماضي تعصر الزبيبي
حطوك رجلِ وزوّدوا فيك باعي .......... ناسِ تعصر الضرع تبغى الحليبي
وان قل مالك جيت من غير داعي .......... تجلس بدون فراش كنّك غريبي
افواههم وسط المجالس وساعي .......... وأزين حصيلك قول كلمة يهيبي
في فيّة الجدران دايم مقاعي .......... مخطين درب الوارده والعزيبي

.................................................. ................................................
الله من عين طرقها صواديف 0000 عميت ويبسن بالعروق الصخافي
شفت الوزا بالعين من عرض ماشيف 0000 شفته وغيري من فطن له وشافي
وقت تغير فيه حتى العواصيف 0000 جا في عواصيف الرياح اختلافي
شره قناطير وخيره مقاطيف 0000 يفطن له اللي يرضع الديد غافي
كم واحد جاله زمانه على الكيف 0000 واغترته نفسه يبا الجود وافي
يطلع مطاليع العلا بالسواليف 0000 بين العذارى عد روحه سنافي
يفرح بهرج بالقفى يكره الضيف 000 قتات والقتات بالنار هافي
يعلق قصيره علقة النار باليف 0000 عي ولد عي زنوده ضعافي
ان رخصت الحذوه توفي عن الحيف 0000 وان غليت الحذوه مشى اللاش حافي
يرقد ويلحق والدينه تخاليف 0000 دايم ومرقد ميت النار دافي
هو مادرى ان الجود يبغى تكاليف 0000 سهر الليالي مقبلات مقافي
يبغى يدين للعطايا مغاريف 0000 ويبغى رجول ماتمل الوقافي
والصبر بنحور السنين الشواحيف 0000 اللي قساها مثل حد الرهافي
مايقدرون الجود سود الآطاريف 0000 مشاركة بيض النساء بالحافي
يقدر عليه اللي حكم نجد بالسيف 0000 واودع مباغيض القبايل ولافي
عبدالعزيز اللي يبث المصاريف 0000 يجدع قناطير الذهب بالفيافي
يمشي على دربه جموع مراديف 0000 نو تحدر ماه والجو صافي
يشدي لواقيط الزبيدي بعد ريف 000 ومما كسى البيدا تفيد الضعافي
.................................................. .....................................


القصيده:ماني وانا بندر

يالله ياجال الامور المهمــــــــه = تجلا وهـــــج قلب برا حال راعيـــــه
البر دجته والبحر رحت يمـــــــه = يقطعك ياحظ على الله مساعيـــــــه
يوم ان ولد اللاش رزقه على امه = رزقي على اللي ميت القشع يحييـه
يامل قلب كل مامات همـــــــــه =دارت دواليب الدهر لين تحييــــــــــه
فراق شمل الناس عيا يلمـــــــه =وقت يشيب الـراس من شاية فيــــــه
احد ينام وحاط راسه بكمــــــه =واحـــد تخم النوم عيـــنه وتخطيــــه
واحد يحاول بالردى بنت عمـه = واحد يحاول ستر عذرى عوانــــيــه
ماني وانا بندر ببياع دمــــــه = يقطعك يابيــــاع دمــــه ومهفيــــــه
اللي يبيع لابسات الازمــــــــه = ثور يــبابيض الرعــــابيب تغنيـــــــه
يزعل ليا جت ليلة الدور يمــــه =يرضى بسوق المال فخوه وفابيـــه
خطو البخيل اللي يكبر معمــه = يقرا الكتاب وواجب الله يخليـــــــــه
إمر هرج لك في رفيقه بنمــه =والا عطا وامه تضـــيع هقاويــــــــه
أنشدك ياللي كل فرض تتمـه = تقرا الكتاب وكل فـــرض تصليـــــــه
ويش القليب اللي غميق مجمـه = مافاد غرسه ماه وعطشى سوانيــه
تخالف الانظار شرق ويمــــــه = وكل هدف رآيه من الناس مرضيـــــه
سم السبب ياعارف عنه سمعه =سم السبب ياعارفه قبل اسميــــــه
:
000000000000000

الموضوع الأصلي: ديوانالشاعر : بندر بن سرور < رحمة الله> | | الكاتب: مشعل الخياري | | المصدر: شبكة بني عبس

[مشعل الخياري]

ارجو التفاعل لاهنتم

[شداد المظيبري]

صح لسانه( الله يرحمه)

شاعر معروووف

موهبته الشعريه

[(ابوعواض)]

مبــــبدع ع ع ع بمعني الكلمه

احدن ينآآم وحط راسه بكمه *** واحدن تخم النوم عينه وتخطيه

مآني وانا بندر بياع دمه *** يلعنك يابياع دمه وشاريه
لاصار ولد الاش رزقه علي امه ** رزقي علي اللي ميت القشع يحيه

الف عآآفيه ولاهنت

[الشامخ العرعري]

الله يعطيك العافيه مشعل الخياري

ع هذا الإبداع لا عدمناهـ

شاعر لا تكفيه الكلمات بالتعبير لأنه من كبار شعار المملكة