[ابن سعيد]

بسم الله الرحمن الرحيم

السلام عليكم ورحمة الله وبركاته

أعضاء وقراء وزوار منتدى عبس

يسرني أن أقدم لكم هذه القصيدة

والتي أطلق عليها كثير من الشعراء بمفاجأة الموسم

وهذا شرف لي والقصيدة بعنوان ( ضجيج الجمر )

وأتمنى أن تنال اعجابكم

وإليكم القصيدة


اسْمَع ضجيج الجمر من بين الاضلاع =
=وشلون يعلن سلطته وانتصاره
من بعد ما دارت معه حرب ونزاع =
=شيخ الجمر يملك زمام الإمارة
ويهشم ضلوعي على أشكال وأنواع =
=ويشعل حطبها نار في صدر داره
متغطرسٍ يجلس على عرش الاوجاع =
=ويأسس أمجاده بفن الإدارة
سجل شامل بين صفحات الابداع =
=لو يمتلي يحذف بقايا شراره
والحين توّه وأدري الجمر طماع =
=من بعد تكوينه لمليون حاره
ناوي يمارس بي غريبات الاطباع =
=حتى يصير الجسم رهن الإشارة
في عاصمة جسمي علا نوره وشاع =
=في كل شارع شب ضو الإناره
ونغمات قلبي ثبتت سير الاوضاع =
=الوضع صامت ما تغير مساره
هذي تفاصيل الصدر دوم ملتاع =
=تقرأ ملامحها وتلقى الإثاره




أخوكم / ابن سعيد

الموضوع الأصلي: مفاااااااااااااااااجأة الـــمـــوســــم | | الكاتب: ابن سعيد | | المصدر: شبكة بني عبس

[الاجهر]

صح السانك الشاعر / بن سعيد وبيض الله وجهك

[برق الوسم]

صح لسانك يابن سعيد
قصيده رائعه تستحق هذا القب
تقبل مروري

[يوسف الاسود]

صح السانك يالشاعر / بن سعيد وبيض الله وجهك وقصيده جميله

[ابوديما]

صح لسانك يابن سعيد
ولاهنت

[ابن سعيد]

صح بدنك أخوي الأجهر

ومشكوووووور على مرورك الرائع

[ابن سعيد]

صح بدنك برق الوسم

مرورك شرف لي

وبيض الله وجهك

[ابن سعيد]

يوسف الأسود

صح بدنك مرورك كريم

بيض الله وجهك