[الذيابي10]

عز الأكابــــــر


ياشينها لامات.. حلم المثابر= اللي تعلق فيه من يومه أصغير


يبكي بصمت ومستصيب و يكابر= على جروحه.. ما يبي يجرح الغير


بضحك وقلبه للمواجع مقابر = صمته أنين وضحكته لونها غير


مطعون من غالي ويجحد وصابر = للجرح نزف ويقتنع بأي تبرير


مخدوع يحسب للمناظر. مخابر =وأثره وهم يرجيه بالواقع أيصير


وليا تذكر و أجمل العمر عابر=والعمر مره والليالي مدابير


تضيق في عينه جميع المعابر= و كن الحياة بنظرته تالي أعصير


مر الندم. والحب. ملعون ثابر = مره حلا وأشواك دربه نواوير


يا صاحبي.. لو جبت كل المحابر= ما تكفي.. أشتات المعاناة تصوير


هذا الزمان اللي يقولون.. غابر= تقتلني الحسرة وأنا حي وأسير


من يسألك قله على ما نت خابر= ضلع(ن) تصافق به رياح المقادير


به صمت(ن)ابلغ من جميع المنابر= وفي داخله سر وحكايا وأساطير


واقع.. تجلى فيه عز الأكابر= مير الزمن.. من طاوله ما هو بخير


شعر : نشمي الرشيدي

الموضوع الأصلي: قصيدة ( عز الأكابر) ارجوا أن تنال اعجابكم. | | الكاتب: الذيابي10 | | المصدر: شبكة بني عبس

[شداد المظيبري]

صح لسانه

شاعر وابيات راائعه وكلمات جميله

الذيابي 10

ابدعت بحسن الاختيارر

[برق الوسم]

صح لسان شاعرها ولاهنت ع نقلها لنا تقبل مروري

[الذيابي10]

صح بدانك وشكرا على نقلها للمكان المناسب

[سالم المظيبري]

صح لسان شاعرها ولاهنت ع نقلها لنا تقبل مروري

[البااارونه]

تسلم ايدك اخوي الذيابي

ويعطيك الف عافيه على القصيده الروعه