[رشيديه و أفتخر*]

" مدخل "
يموت غصن الوفاء وأذبل مع أوراقي
.......................هذا العطش يبّس عروقي وأنا أحبك
ضعيت طعم الهوى يوم أنت ترياقي
...........................رح ردّني لي لا تتركني بقلبك

كل ماضاق صدري سولفن الضلوع
..........................سولفي ياضلوعي في ليال التعب
_
أسهري فوق جرحي وأشعلي هالشموع
..........................وأن بغيتي حقيقة جرح قلبي عطب
_
سولفي وأن تعبتي صوتي للدموع
..........................دمع عيني حلالك مالنا بالعتب
_
أستبيحي عيوني والشقا ألف نوع
..........................وأمسحي دمع عيني في كموم النصب
_
آه ياحزن ليلة في حساب السبوع
.......................... آه ياطول ليلي يوم همي ضرب
_
كنّ ساعات حزني أبتدت بالرجوع
..........................كنّ سيل الثواني والدقايق نضب
_
كنّ ماعاد باقي شي وأموت جوع
..........................وأتجرع مرارة قلب خل ٍ كذب
_
كان ميعاد وصلي في نهار الربوع
..........................فات يوم الربوع وفي عروقي لهب
_
ولعي ياعروقي وأحرقيني بطوع
.......................... من جحد يوم وصلي واللقاء مرتقب
_
ذنبي اللي جنيته بالزمان القطوع
..........................التجافي وهجري بعد قطف العنب
_
أسكتي ياضلوعي مالنا بالخضوع
..........................ومالنا بالسوالف دام موتي قرب
_
_

" مخرج "
ياسطوة الجرح لا جاء من ورى خلي ..!
تنزف شرايين قلبي وأبكي عروقي..)
_
لميت بعضي ولا فكرت في كلي..!
ومابين هذا و هذا ضاعت حقوقي...).

الموضوع الأصلي: كل ماضاق صدري سولفن الضلوع!! | | الكاتب: رشيديه و أفتخر* | | المصدر: شبكة بني عبس

[(ابوعواض)]

WOoOoOoOoOW


ولا ارووع بــووح وابيات مليانه احاسيس




أهنيك ع الذووق

[نايف ابن عليثه]

صــح لسآن شآعرهآ

وسلمت يمين من نسقهـآ ونقلهـآ

دمتــي بخير ..

[رشيديه و أفتخر*]

مشكور على المرور الرائع

[عايد2001]

صح لسانه واعتلا شانه شاعرها

[محمد الراشد]

مشكوره رشيديه
تحياتي لك

[مروان الرشيدي]

_
أسكتي ياضلوعي مالنا بالخضوع
..........................ومالنا بالسوالف دام موتي قرب


صح لسانك

ولاهنتي على الطرح

[رشيديه و أفتخر*]

مشكورين على المرور الرائع



مشكوره اختي شكر خاص