[عبدالله عوجان]

هذه القصيده كتبتها بمناسبة تخرج وزواج الملازم أول الأخ نايف معتق الرشيدي وتشرفت
باإلقائها في حفل زواجه
(( كم كانت قصيدتي أقصر من قامتك أيها النايف ))

ياهجوسي كان للشعر ميعاد وحضور=والله إن هذي وعوده وهذا ملتقاه
وياقصيدي لا تغني سوى وقت الظهور=والشجاع اللي على العز لا تقصد سواه
والرجال اللي لهم بالمهمات ألف دور=ياعسى شعري يجمّل معاهم ياعساه
توّ جاء للشعر ميقاف وإحساس وشعور=توّ زان القاف من مبتداه لمنتهاه
هاك يانايف قصيدي مبخر بالبخور=يعجب اللي كاتبه قبل يعجب من قراه
فزلك هاجس قريضي على كلّ البحور=لين صار البحر هذا هواه ومبتغاه
إرجهني يالقصايد وسمّي يالسطور=وإذكري في طيّب الذكر كلّ اللي جناه
إكتبي ياأقلام وإشهد ياتاريخ العصور=وإحتوي ياصفحة المجد تاريخٍ بناه
ياإبن معتق حفلك أزداد بــ .. أفراح وسرور=والتخرّج زاد الافراح وإستبشر معاه
مجدك الزاهر تليدٍ من أجداد النمور=صيتك الشامخ تذعذع هبوبه من صباه
ليه مانفخر بنايف ولد صقر الصقور=والنجوم اللي على المتن تفخر في سماه
أنت ونجومك ومنصبك كلٍ بك فخور=سلّم الأمجاد يانايف أنت اللي رقاه
القمر لا غاب ماللنجوم أيّات نور=بسّ لامنه حضر شع ضوّه في فضاه
ماوصلت القمّه إلا بتفكيرٍ وشور=من خذى الشورى من الأب ماخيّب رجاه
ياجماعه حيّو القرم غوّاص البحور=واثق الخطوه ملك وهو واثق في خطاه

الشاعر
عبدالله عوجان

الموضوع الأصلي: ميعاد الشـــــــعر و نايف معتق | | الكاتب: عبدالله عوجان | | المصدر: شبكة بني عبس

[أنكسارحلم]

صح السانك يابن عوجان قصيده جزله من راس جزل

والاخ نايف ابن معتق يستاهل .صاحب نخوه وكرم

والقصيد ماهو خسره عند مثله وشرواه


تحياتي

[عبدالله عوجان]

اقتباس من مشاركة ناصر الشويلعي صح السانك يابن عوجان قصيده جزله من راس جزل والاخ نايف ابن معتق يستاهل .صاحب نخوه وكرم والقصيد ماهو خسره عند مثله وشرواه تحياتي

صح بدنك ياأبا خالد
يسعدني بل يشرفني تواجدك في صفحاتي
شكراً لك ياناصر

[ابواثنين]

صح اللسانك اخي عبدالله عوجان
ونايف معتق رجل يستاهل

[عيد بن عبيد]

" جزله من راس جزل "

اخي العزيز عبد الله العوجان
بالفعل شاعر الشباب
هل لي ان اتكلم عن شاعريتك
هل لي ان اصف كم من عسجديه نظمتها
هل وهل ؟؟
اخي الشاعر عبدالله
دائما تنظم لنا القصائد
عودتنا على ابدع الفرائد
இ ابيات كذهب இ

இ نايف معتق ...اسماً تلالاء في جوانج قصيدتك இ
இ تتزن به القصيدة ويسمو بها المعنى وترسي به القوافي இ
இ نايف عالي الهمه ... دائما بالقمه இ
இ كتبت فقط عن اسمه في حالة كتابتي عن شخصة سوف اكتب واكتب...
حتي تغلق صفحات التصفح في عالم الشبكة...
حتي تنتهي الكلمات بكل اللغات இ

اخوكـ
عيد الرشيدي

[سعد بن عادي]

صح صح لسانك وبيض الله وجهك

دمتم كما تحبون

[محمد بن معيوف]

صح لسانك يأبو نايف ويستاهل نايف من الافضل للأفضل

[ابواثير]

صح لسانك يابن عوجـــــــــــــــــان ونايف يستاهل :p