[عبدالله الراشد]

واقــلبي اللي تـقـطع مــن كثر غـيضة=واعـيني اللي من التركيز مـنفـوضة
الوقـت خــيل شرود وزان تـرويضة=والنفس مهرة رسنها الذنب وعروضة
الدين ساس العمر ، وأعمل بتفويضة=والذنب قــطاع رزق ، ولا اقـدر اخوضة
والعلم يرفع مــقامك عـن مــباغـــــيضة=والجهل كلة بكلمة ( ناس محظـوظة )
وللدين واجـب ، وانا من باب تـنهيضة=تحـرم علي صحبة اللي يترك فروضة
زرت المدينة وذنبي زار تـعــويضة=وقبر النبي كان حـول دعاي بالروضة
والمسلمين الاجانب ، كــنهـم فـــيضة=كــل دعــاوي عــيونة مالية حــوضة
ماشفت من لابسين الشمغ تعـريضة=ياخوفي ان الدعا والذنب لة مـوضة
يابن ادم : (اسود ذنوبك)سهل تبـييضة=بس انت فارق ابليس وفارق عروضة
مايساوى العمر نقطة من عـرق قيضة=والكـون كلة مايسوى شعـرة بعـوضة
خــذ لك قـرار إفتلة واسعى لتنقـيضة=واكرف ضميرك يالين ترتب الفـــــوضة
دون خواطر طريقك في معـاريضة=واطلق حجاجك وخل النفس منهوضة
لاحـظ وسجل جهلك ، وحاول تغـيضة =غير مسارك ،، وراجـع كل ملوحـظة
الذنب قـطـاع رزق ،، وكل يهـيضة =واللي عـلى الله توكل ،، الله يـعـوضة

الموضوع الأصلي: الوقت خيلً شرود وزان ترويضة | | الكاتب: عبدالله الراشد | | المصدر: شبكة بني عبس

[رشيديه و أفتخر*]

قصيده في قمة الروعه

مايساوى العمر نقطة من عرق قيضة

والكون كلة مايسوى شعرة بعوضـة

تحياتي لك اخوي عبدالله الراشد

[الاجهر]

صح السانك وعلاء شانك لاهنت

[سعد الرشيدي]

الدين ساس العمر ، وأعمل بتفويضة
والذنب قطاع رزق ، ولا اقدر اخوضة

الله الله قصيدة رائعه وتحمل من الحكم الكثير

صح اللسانك شاعرنا عبدالله

[أمـ الشوق ـير]

الله الله عــــــليك ياعبد الله قصيدة في قمة الجزالة والروعة

ومايسعني قولاً الا صح لسانك يامبدع وأستمر في أبداعاتك

منتظرين جديدكـ الجزل دومــــاً

تقبل مروري المتوواضع

[مروان الرشيدي]

صح لسااانك


قصيده وافيه من شخص غني عن التعريف



وتسلم اياديك ياشاعرنا المميز


"
"
تحياتي

[برق الوسم]

الذنب قطاع رزق وكلٍ يهيضه
واللي على الله توكل الله يعوضه
/
عبدالله الراشد
صح لسانك
قصيده راائعه وانت مبدع
تقبل مروري

[ريتال الداموك]

الوقت خيل شـرود وزان ترويضـة والنفس مهرة رسنها الذنب وعروضة الدين ساس العمر ، وأعمل بتفويضة والذنب قطاع رزق ، ولا اقدر اخوضة والعلم يرفع مقامك عـن مباغيضـة والجهل كلة بكلمة ( ناس محظوظة ) وللدين واجب ، وانا من باب تنهيضة تحرم علي صحبة اللي يترك فروضة

قصيدة جميله جداً وبها معاني أجمل
عبدالله الراشد ...لاهنت وصح لسانك وعلا شانك