[شاعـ ع ـر]

الاخوة الكرام
هذه محاورة جرت بيني وبين الاخ الغالي صميدع رأس ، اطلب رأيكم بالمحاورة حيث ان الاخ صميدع اعتقد اخذ المعنى بمنحنى اخر
ارجو منكم ابدآ الرأي والتعليق
صميدع رأس

مرحبا ترحيبة تقدح مثل برق السحابه=قلتها في قلعة التاريخ والنية مطية
المواقف ماتبى الا واحد ياقوم لابه=مايخلص بالمواقف واحد نفسه شقيه

شاعـ ع ـر

البقا بك يامرحب في متاريس الذيابه=ربعي اللي يفعلون الطيب في صبح وعشيه
المواقف عندنا والسيف عزه من نصابه=هات علمك ياعميلي لاعليك ولا عليه

صميدع رأس

ياعميل الخار وردها على هاك الشعابه=ودنا نقضي على رأس الحنش قدام اخيه
غاب نور البدر طول ياعميلي في غيابه=راح من عند الرجال اللي يعرفون الحميه

ملاحظة : اخذت كلمة وخليتها هي معنى المحاورة من البيت (ياعميل الخار وردها على هاك الشعابه=ودنا نقضي على رأس الحنش قدام اخيه)

شاعـ ع ـر

ياصحيبي شفتي كلمة على عكس الكتابه=المعارك ياجماعه ماتعرف المرحمية
لو يغيب البدر يظهر من جديد وفي حسابه=كل رجل في الحياة يعيش مايزعل خويه

صميدع رأس

لو يضيع صاحبي ماقلت له خش الاجابه=والمعارك شب نار المعركة والنار حيه
البعير اللي هدر ياصحابنا طشش زهابه=مادرى ان الحبل معقود وليه فوق ليه

شاعـ ع ـر

والله ان الكلمة اللي كأنها قوس الربابه=ماتجمل ياعميلي في حروف الابجدية
البعير اللي تقوله لو لمسكم بس نابه=مالقينا بعضكم ياصحابنا بنجد العذيه

صميدع رأس

اصبر اصبر خل عندك ياولد حلم ورحابه=الله انه لايبارك فيك يالنفس الدنيه
البعير اشتال حمله فوق ظهره ثم سرابه=راح يرغي يمته مدري جنوب او حايلية

شاعـ ع ـر

صاحبي لو راح فكره ياجماعه وانتحابه=مانلومه يوم عرفه ضاع مع خط الحويه
والله انا عارفين الرأس الاول في العصابه=ماعلينا من الجمال الجرب وايضا الساحلية

صميدع رأس

صاحبك يعرف جميع العلم من ماضي شبابه=وانت تلعبها على الحبيلن لا هاذي وذيه
الصقر يفزع بجنحانه ولو شاف الذبابه=مار ياشاعر تعال اسقيك من جال الركيه

شاعـ ع ـر

عرفكم ياصاحبي ضيع عليكم كم جابه=ماتضحك بالحياة الا قصص شر البليه
الغشيم اللي تدلى بالرشا ثم التوابه=علومه ان الدواء معروف كيه فوق كيه

الموضوع الأصلي: عمالقة الشعراء مطلوب رأيكم للاهمية ارجو الدخول | | الكاتب: شاعـ ع ـر | | المصدر: شبكة بني عبس

[المعزب]

شعار مافيكم حيله بدون تعليق؟؟

لأنه لايوجد معنا غامض من الطرفين؟؟

المعزب

[صدام]

[العالم الفلكي]

صحت السنتكم مافيكم حيله

[صميدع راس]

السلام عليكم ورحمة الله وبركاته

اخوي شاعر اول حاجة مشكور على تنسيق المحاورة وانا تشرفت باللعب معك.

ثاني حاجة اسمع تعليقي على المحاورة:
الكل يعرف ان الشعار يجب ان يكون بينهم معنى اثناء لعب المحاورة وان لعبت معك على المعنى وكان المعنى في البيت اللي ذكرته بالاحمر بس انا لاحضت من ردك الله يبارك فيك انك بوادي وانا بوادي وانجرفت المحاورة الى منحنى اخر وكثير من المحاورات الشاعر مايعرف المعنى الذي يقصده خصمه ولكن الواحد اذا لم يعرف المعنى المقصود فليس له سواء انه يسدد ويقارب ويرد على الابيات بطريقته وانا ماني مجبر اني اقولك وش اقصد في المعنى لانك شاعر وانا افضل ان يكون المعنى مدفون يعرفه من يعرفه ويجهله من لايعرفه وانا والله كان ودي اني اكمل معك بس انا لاحضتك تلعب مع شاعر اخر في نفس الوقت مع ان هذا الشي يعتبر خطاء لانك تاكل فرصتك وفرصت غيرك فكثير من الاعضاء يبحثون عمن يلعبون معه فكيف تستطيع ان تركز باللعب معي ومع الشاعر الاخر بدون قصور بشاعريتك وبالشاعر الاخر
هذي وجهة نظري اتمنى منك اخوي انك تتقبلها بصدر رحب.

وننتظر تعليق الشعار مثل ماتفضلت مع ان مافيه داعي للتعليق لانه لوكان بعد كل محاورة تعليق لما كان هناك وقت للعب المحاورة

وتقبل تحياتي .

[شاعـ ع ـر]

اقتباس من مشاركة صميدع راس السلام عليكم ورحمة الله وبركاته اخوي شاعر اول حاجة مشكور على تنسيق المحاورة وانا تشرفت باللعب معك. ثاني حاجة اسمع تعليقي على المحاورة: الكل يعرف ان الشعار يجب ان يكون بينهم معنى اثناء لعب المحاورة وان لعبت معك على المعنى وكان المعنى في البيت اللي ذكرته بالاحمر بس انا لاحضت من ردك الله يبارك فيك انك بوادي وانا بوادي وانجرفت المحاورة الى منحنى اخر وكثير من المحاورات الشاعر مايعرف المعنى الذي يقصده خصمه ولكن الواحد اذا لم يعرف المعنى المقصود فليس له سواء انه يسدد ويقارب ويرد على الابيات بطريقته وانا ماني مجبر اني اقولك وش اقصد في المعنى لانك شاعر وانا افضل ان يكون المعنى مدفون يعرفه من يعرفه ويجهله من لايعرفه وانا والله كان ودي اني اكمل معك بس انا لاحضتك تلعب مع شاعر اخر في نفس الوقت مع ان هذا الشي يعتبر خطاء لانك تاكل فرصتك وفرصت غيرك فكثير من الاعضاء يبحثون عمن يلعبون معه فكيف تستطيع ان تركز باللعب معي ومع الشاعر الاخر بدون قصور بشاعريتك وبالشاعر الاخر هذي وجهة نظري اتمنى منك اخوي انك تتقبلها بصدر رحب. وننتظر تعليق الشعار مثل ماتفضلت مع ان مافيه داعي للتعليق لانه لوكان بعد كل محاورة تعليق لما كان هناك وقت للعب المحاورة وتقبل تحياتي .

الغالي صميدع راس

هلا وغلا فيك وتشرفت باللعب معك طال عمرك

اما بخصوص ان ردي كان بوادي فهذا مع احترامي لك غير صحيح والشعراء يحكمون بالشي هذا لاني في الرد حاولت أكد لك على المعنى بصورة اوضح وكان ردك انت في مسار ثاني او كان بالك خارج المعنى هذا من ناحية والدليل ردك في البيت التالي

اصبر اصبر خل عندك ياولد حلم ورحابه=الله انه لايبارك فيك يالنفس الدنيه

اما بخصوص اني بنفس الوقت لعبت مع شاعر انا ارسلت لك وقلت لك هل انت موجود وانتظرتك اكثر من 20 دقيقة حتى اني لاحظت اسمك غير متصل فتوقعت انك طلعت من المنتدى

مرة اخرى شاكر ومقدر لك حضورك

[(*العرعري*)]

وجهة نظري انكم شعار كبار ولاعندي تعليق آخر واترك المجال للشعار الكبار للتعليق

[الـدولار]

وجهة نظري انكم شعار ونعم فيكم وبيوت جزله من شعار كبار