[عبدالرحمن هليل]

باسم الله المعبود قافي بديبه
باسمه كتبت اول شطر من قصيدي
رب الملا ماخاب منه حسيبه
مقسم الارزاق بين العبيدي
الدايم اللي كل خافي دريبه
محيي العظام الهامدات الرميدي
استغفره واعوذبه والتجيبه
من كل شر وكل حاسد مريدي
يفرج لمن عينه لنومه حريبه
لاقبل عليها الليل عييت تهيدي
والقلب شبة فيه نار اللهيبه
كنه يقلب فوق جمر الجريدي
اسباب قل المال مردي نصيبه
راع الفقر بالوقت هذا زهيدي
وديون وقتي زودتني غليبه
عجزت اسددها وقامت تزيدي
ومرتبي باجر العمل مااقتضيبه
واسعار زادت والمتاجر تبيدي
واجار بيت وكهربه والطليبه
مابينهم وزعت كامل رصيدي
يارب عبدك شاب قدام شيبه
ضاقت عليه ولا لقى له مفيدي
ابك الرجاء وانا رجاك ارتجيبه
مابين كاف ونون واصيح سعيدي
ادعيك ودعاي اطلبك تستجيبه
يارب ضاقت وانت كن لي عضيدي
وفي لابتي عبس الرجال اللبيبه
اهل الكرم واهل الكلام السديدي
ليا انتخيت ابهم تهون الصعيبه
ولهم عبرقوقل اسطر نشيدي
في جاه عبس مروضين المصيبه
فزعاتهم منها يفك الحديدي
هذا الكلام اللي لساني حكيبه
مني وياصل كل فارس رشيدي

الموضوع الأصلي: العين عيت تهيدي | | الكاتب: عبدالرحمن هليل | | المصدر: شبكة بني عبس

[العريض]

تسلم ع النقل

تحياتي

[فلاح الرشيدي]

مشكور على القصيد ه أخوي عبدالرحمن
لك مني كل الود والتقدير

[بدر بن محمد]

صح اللسااااااااااااااااااااااانك اخوي عبدالرحمن
على القصيدة الرااااااااااااااااااااااااااااااائعه
ودمتم بالف خيررررررررررررررر

[مروان الرشيدي]

صح لسانك

:
:
:

[عبدالرحمن هليل]

*** اخواني اعضاء المنتدى ***
السلام عليكم ورحمة الله وبركاتة
ان هذه القصيدة ليست نقل بل نخوه لبني رشيد عزوووووتي




........ ارجو قراءة القصيدة قبل الررد عليها .....
نخوت الشاعر _ عبدالرحمن هليل الرشيدي
وشكراَ.........

[حب الغموض]

يديك الف عافيه