[مرشدالمظيبري]

** نواف :





ياسـلام الله سـلام مـا يبـور
في مساميع الرياجيـل الحضـور
والله الوالـي بتصريـف الامـور
الوعد قـدام وافهـم يالاديـب

......

الليل ياضيفان في حكمة معازيب
الله يحييكم على طيب وكرامـه

......
الطرادي يوم جونـا مـن بعيـد
يفعل الله مـا يشـا ومـا يريـد
الكلام الزين مـا ينقـص يزيـد
الوعد قـدام وافهـم يالاديـب
......
واللي يبى يلعب على زين الهناديب
يمشي على هونه ويبشر بالسلامه





** الحضرمي :





مرحبا ترحيب يبدي كل زين
يالعـوازم يالرجـال الغانميـن
بعد جيتونا عسى البيـن يبيـن
الوعد قدام وافهـم يالاديـب
......
يامرحبا ترحيبتن تقضي مطاليب
يالشاعر اللي ما تغير عن نظامه
......
المعاني كنها بـرق السيـوف
شب نارك بعد زينا الصفـوف
والجماهير الغفيـره باللالـوف
والوعد قدام وافهم يالاديـب
......
حنا تحالفنا على قوم المتاعيـب
بعد البعير الزين داوينا عظامـه





** نواف :





بارك الله فيك شاعـر ومعـروف
وان راع العرف يجـزى بمعـروف
والخبر بيـن المعـزب والضيـوف
والوعد قـدام وافهـم يالاديـب
......
انا ادري انك حضرمي ماتعلم الغيب
مير الكلام الزين تبدي لـه علامـه
......
ما تعذرب فـي ردودك فالطريـق
كيف في صدرك بداه السرع ضيق
كان شفت تشجعـون ايـا فريـق
الوعد قدام وافهـم يـا الاديـب
......
يامكثر اللي يخطي الاهداف ويصيب
واللي يلوم الناس تاطـاه الملامـه






** الحضرمي :





انت يانـواف شاعـر فالكويـت
جابني الداعي وللواجـب لفيـت
والخناذف بعد فيهـم واشتريـت
الوعد قدام وافهم يـا الاديـب
......
الصقر يعرف من جناحه والمخاليب
هذي وصوف الصقر لي يوم القيامه
......
نعرف الميقـاف ونسـد اللـزوم
والعوايـد كلهـا ويـا السلـوم
بعـد ماقالـو وردينـا الهجـوم
الوعد قدام وافهم يـا الاديـب
......
حنا تحزمنا بعد جتنـا المناديـب
يومن بعض الناس ما جود حزامـه





** نواف :





صاحبك لازادت الشـده يـزود
((والكويت والصدار بن سعود))؟
وان صبرنا كل صبر له حـدود
والوعد قدام وافهم يـا الاديـب
......
اللي يلد العين يم الشك والريـب
عساه يجلا الليل من جرف بعدامه
......

جيتك ماهي غريبـه للكويـت
لين بعد شوي تنشد وش لقيـت
اعرف المكسب ليا بعت وشريت
والوعد قدام وافهم يـا الاديـب
......
لا دارت الدنيا وفتشنا الدواليب
كلن يبى يعرف حلاله من حرامه





** الحضرمي :





لاتوهق فـي غزيـرات البحـور
وان مزحتك لا يجي فيك الغـرور
ثم اجيب لكم مفلقت النحـور؟؟
والوعد قدام وافهم يـا الاديـب
......
يالعازمي خلك على روس المراقيب
والا يجيك السيل من نو الغمامـه

الموضوع الأصلي: نواف العازمي و بكر الحضرمي | | الكاتب: مرشدالمظيبري | | المصدر: شبكة بني عبس

[ناصر الخياري]

مرشد لاهنت ..
الله يرحم الشاعر نواف..
وبكر الحظرمي من اروع الشعااار ..
تسلم يابن مظبر....

[صقر ابن عبس]

مرشد لاهنت ..
الله يرحم الشاعر نواف..
وبكر الحظرمي من اروع الشعااار ..
تسلم يابن مظبر....

[مرشدالمظيبري]

يعطيكم العافية على المرور

[المشعل]

يعطيك العافيه مرشد

محاوره راائعه بين شعرااء راائعين والله يرحم نواف ويرحم اموات المسلمين

مشكوور على النقل ولاهنت

تحياتي لك

[مرشدالمظيبري]

يعطيكم العافية على المرور