[الاجهر]

لوحسبت الارض..والكـون بمعمّـه=قيمة القطب الجنوبـي .. والشمالـي
ماتساوي ريح عطرك .. يـوم اشمّـه=ياحبيبٍ مشغـلٍ فكـري .. وبالـي
انت لامن جيت للناقـص .. تتمّـه=كامـلٍ زينـك .. ولله الكمـالـي
ودي اوصفك .. بس الوصف ذمّـه=ماخبرنا واقعي .. يوصـف خيالـي
بك (لسانٍ) يخطـي الحكـي ويخمّـه=والحروف تقـول دوّرلـك بدالـي
و(النواعس) .. كالليـال المدلهمّـه=(وغرتك) .. تكشف مجاهيم الليالـي
و(اسودٍ) .. لامـن نثرتـه ماتلمّـه=غيـر بالكـف اليميـن وبالشمالـي
و(عودٍ) اطرق لاتمايل .. ملـت يمّـه=بري حالي لاتمايـل .. بـري حالـي
ودي اشدّه على صدري .. واضمّـه=انحني لك غصب .. لو الراس عالـي
انت قمه .. كان بـه للزيـن قمّـه=وانت الاوّل .. كان به للزين تالـي
لو يشكّل للمزيّن .. (مجلـس امّـه)=كان ماجا للبنـيّ .. غيـرك مجالـي
انت خال الزين كله .. وانت عمّـه=وصرت في دنيا الهوى عمي وخالـي
منك شري لانخرعت وقلت (( يمّـه))=يحفظك من شرف العشـر التوالـي
عاشقـك كـان الرياضـه ماتهمّـه=شفتك تشجع .. وضيّعت اعتدالـي
قمت اطالع فالصوّر .. من كل يمّـه=انت وجهني .. وانـا افـرغ هبالـي
كانك تشجـع نصـر .. اروح يمّـه=وكانك تشجع هلال .. اطلع هلالـي
بـس لايبطـي ضمـا وراد جـمّـه= اروني ياجمي .. العـذب .. الزلالـي
مثـل ماعيفتنـي كـل (الازمـه))=والله ان اعيّفك كـل ((الرجالـي))
انت ابو قرب الحبايب .. وانت سمّـه=وابرك الساعات .. ((جوّك لاصفالي))

الشاعرالمبدع / عبدالعزيز الفراج

الموضوع الأصلي: عبدالعزيز الفراج - انت وجهني وانا | | الكاتب: الاجهر | | المصدر: شبكة بني عبس

[فلاح الرشيدي]

أنت خال الطيب كله وانت عمه ==== يحفظك من شرف العشر التوالى
كانك تشجع نصر ......بروح يمه ==== وكانك تـشـجـع هلا أطـلـع هلالي
خالي بيض الله وجهك على النقل المميز
لك كل التقدير والأحترام

[منارة الذئاب]

مشكور على النقل الجميل يالاجهر تقبل تحياتي
دمت بود
............

[الاجهر]

تسلم فلاح لاهنت بيض الله وجهك

[الاجهر]

تسلم عشوق لاهنت

[The monsoon]

صح لسان السبيعي

[فهد العوضه]

اخوي الاجهر نقلك الرائع يدل على ذوقك الراقي




تسلم على النقل الجميل

تحياتي لك

[بدر بن محمد]

مشكوررررر الاجهر على النقل المميز
وصح اللسااااان عبدالعزيز الفراااج
ودمتم بالف خيررررر