[أمـ الشوق ـير]

هذه القصيدة للشاعر/منيف زايد الخياري الرشيدي في قبيلة بني رشيد :-

الاوله مني سـلام وتراحيـــب ... ترحيبـــةٍ مــاينهــزع مستواهــا
ترحيبــة ٍ عنوانها العز والطيب ... مايقنـع الظميان من شـرب مـاها
ترحيبةٍ مايردها الشــك والريب ... آصـل بها انجوم السماء في سماها
والثانية مدحي لربعــي ماهو عيب ... العيـب في ذم الرجال وشـناهــا
مدحـي لربعي مايـــذم الاجانيـب ... في كل دار رجال تحمي حماهــا
ومادام هذا الراس ماطشه الشيب ... والله لاخل النفس تلحـق هواهــا
واجب عليه من كبار المواجيب ... افخر بربعـي يوم ربي عطاهـا
ربعي عضودي بالليال الشلاهيب ... زبن الدخيل اليا تضايق وجاهــا
بني رشيد مطوعين الاصاعيب ... لاثارت الفتنـة ودارت رحاهــا
قومٍ ليا قامت تصف المشاريب ... سمٍ ذحــاح ونــار يوضــي سنــاهــا
عاداتها تثني ورى شمخ النيب ... لاثارت الهيجة تــقــف مــن وراها
لاصوتن بيض العذارا الرعابيب ... ياويــل من له عــزوةٍ ماحتماها
بالعزم وسيوف المنايا المحاديب ... تقدم على اعداها وتطعن اعداها
تشهد لهم بالفعل عوج العراقيب ... فــج النحور اللي بعيـدٍ مــداها
ولاهو قصورٍ في حقوق أهل الطيب ... كـل القبايل برضــها اللي كفاها
والعلم موجود ٍ ببيض المكاتيب .. والشــك ماهو برضهــا ولا سماهــا

الموضوع الأصلي: قصيدة الشاعر منيف زايد الرشيدي في قبيلة عبس | | الكاتب: أمـ الشوق ـير | | المصدر: شبكة بني عبس

[خاتم الرشيدي]

صح السان الشاعر وبيض الله وجهك على النقل

[مرشدالمظيبري]

صح السان الشاعر وبيض الله وجهك على النقل

[محمد الراشد]

صح لسانه منيف
وتحياتي لك

[عاشق الطيب]

صح لسان الشاعر منيف الخيارى

وتسلم على نقلك

[بدر ابو فهد]

عافاك الله ياامير الشوق على كتابتك لهذه القصيدة وبيض الله وجهك وصح الله لسان منيف زايد على هذه القصيدة الاكثر من رائعة ويستاهلون قبيلة عبس وشكراً

[مروان الرشيدي]

صح لسانك

"
"

[الجارح]

صح لسان منيف الخياري