[مرشدالمظيبري]

(( نديم السهر ))



نديم السهر كم رافقت سيرتك مسراي *** مع الليل والكلمه ومع وصلك الوافي

تسولف وكن بصوتك العذب بحة ناي *** يلامس مشاعر شاعرك صوتك الدافي

غذاالروح صوتك وانت مقطع لحن لغناي *** حروف القوافي فيك تافي وتستافي

حبيبي لانك سلوتي عن شقا دنياي *** من الغيظ مال القلب غير انت ميلافي

معك ذقت طعم الغيظ وادركت معك ارضاي *** تحملت قسوت ودك اللين الخافي

اقول القصيدة وانت فيها نقا معناي *** وبها من جمالك نفحتن تيقض الغافي

يمينك تهز الروح لاصافحت يمناي *** اجل كيف لاصفحت بوصافك اوصافي

حبيبي ترا حبك بقلبي وصل لقصاي *** من الوجد ياخلي عسى عندك انصافي

ولابد مايكشف مدانا الزمان اللجاي *** من اللي يخون العهد منا ومن يافي

جرحت الخفوق ومنك جرحي ومعك دواي**نقا الوصل وانت الجرح والبلسم الشافي

علا الهون لاتصبح بخيلن علا سلواي *** مودك ولاتقطع نقا الوصل بنافي

ارى في عيونك عن عيون البشر منفاي *** ليا شفت في وجه الزمن نضرت الجافي

ليا ابحرت في حبك بصدق الوعد مرساي **وهمسك يصير لمركب الشوق مجدافي




الشاعر الكبير / سعدان عابس الرشيدي

الموضوع الأصلي: من قصائد الشاعر ((العبسي)) / سعدان عابس القعبوبي | | الكاتب: مرشدالمظيبري | | المصدر: شبكة بني عبس

[البعيد الهادي]

الله يشفي سعدان عااابس
ويحسن خاتمته وهو السميع العليم
الشاعر سعدان شاعر كبير ومن شعراء بني رشيد
وهو له بصمه رائعه بتاااريخ بني رشيد من مواقف وفزاعاااات وكرم
نسأالله له الشفاء العااااجل
وبيض الله وجهك يااامرشد المظيبري
على هذا النقل الرائع
دمت بخير

[منارة الذئاب]

الله يعطيك العافيه يامرشد المظيبري على النقل الجميل والله يشفي لشاعر الكبير شاعر بني عبس سعدان بن عابس الرشيدي الله يشفيلك يابو وليد ارجوكم ادعوله بشفاء......

[مرشدالمظيبري]

يعطيكم العافية على المرور

[حب الغموض]

مشششششششششششششششششششششششششكور

[مرشدالمظيبري]

يعطيكم العافية على المرور