[الاجهر]

قصيدة بالقبيلة

ياموترى تقطـع طويـل المسافـات=ومفللـك بنزيـن والخيـر زايــد
ابيـك لآمـن الضلـوع المهيفـات=اونس وسطهن مثل قـص الحدايـد
والصدر ضاق وقرب(ن) البعيـدات=والراس يجزع عن لذيـذ الوسايـد
اخذتلي فـي نقـرة الصيـد لفـات=ونصيت ربعي بالرخـاء والشدايـد
منصاك شيخ ما حسـب للخسـارات=مضف(ن) على ربعة هدوم(ن) جدايد
ملفاك ابو ناصـر زعيـم المهمـات=ستـر العـذراء بالنشـب والنكايـد
من ساس قوم(ن) ينطحون المغيرات=عدوهـم بالحـرب مالـه شـرايـد
من ساس عبس مسطرين المـروات=ولاهو قصور(ن) في جميع البدايـد
ما ينجحد فعـلا" عليـه الشهـادات=مـا ينكـرة ياكـود راعـي نكايـد
ياشوق من تلبس رهاف(ن) خفيفات=من طيب ابوهـا تستحـق النشايـد
يامسنـدي لاتلتـفـت للحكـيـات=ياشيـخ ترضخلـة جميـع النوايـد
انتم لكم في هامـة المجـد وقفـات=وانتـم اليصـاح الرشيـدي سنايـد
انتم لنا في العاصمة ذخـر وحمـات=وحناء لكم بالراس الابيـض زوايـد
وآيضا لنا في قصر دسمان عزوات=ربعي هل العطفاء تحـوش الفوايـد
وفي السلطنة ربعي لهم فعل وصوات=ويضا" لنا في البحر الاحمـر مدايـد
وايضا" لنا في المجمعة ربع وابيات=قبيلـة وحـدة وديــن وعـوايـد
حاسينهم لآمن غشاء الوقت شدات=الله يديـم النـاء الحكـم والسعايـد

اخوكم / الاجهر

الموضوع الأصلي: قـصـيدة.. بالـقبـيـلـة ,,, | | الكاتب: الاجهر | | المصدر: شبكة بني عبس

[الولهان]

صح السانك اخوي الاجهر

على هذه القصيده الجزله

تقبل تحيااتي

[بدر نوران]

::

::


الاجهر


صح لسانك وبيض الله وجهك على هذه الرائعه الشامخه


تقبل احترامي


اخوكـ

الوافي

::

[أنكسارحلم]

الاخ الاجهر صح السانك على هذه القصيده الجزله من راس جزل

وبيض الله وجهك يابن العم.


تحياتي

[صادق الوعد]

صح السانك الاجهر على القصيد الرائعه

بيض الله وجهك

تقبل تحياتي

[مبارك الشويلع]

لافظ فووك



جزله من راس جزل

واللي قلتها فيهم يستااهلووون

ننتظر جديدك الجزل المفيد


وتقبل فاااااااااائق احترامي وتقديري

[الاجهر]

الولهان
اشكر مرورك

[الاجهر]

اقتباس من مشاركة بدر نوران :: :: الاجهر صح لسانك وبيض الله وجهك على هذه الرائعه الشامخه تقبل احترامي اخوكـ الوافي ::

وجهك ابيض
اشكر مرورك