[خليف الوهيداني]

مسؤل كبير بالدوله ومنها لارجل عمال ولم يتغير وهنا لي وسام كبير
في ومجاراته زودن على معرفته القديمه وافتخر في حرف من حروف قصيده
البحر هو الشيخ زيد راجح البقمي حفظ الله وكثر من امثاله

بديت بسم اللي يعَلْم الغيب والخلـق وخفـاه=رافع سماه بْلا عمد والارض تحت امره تـدور
الواحد اللي يخلق الانسـان ويـدوّر رضـاه=ماهو بحاجه للشكر ويـدور العبـد الشكـور
في ثانيه يقدر يبيـد الكـون لـو انـه بغـاه=ويبدّل الاحيا بمـن مواتـو وذابـو بالقبـور
شديد بعقابه غفور لمن رجع لـه فـي خطـاه=بيديه ملك الكون والارواح ولعبـده غفـور
كم من سجين بدم ميئس من رجوعه للحيـاه=ويوم القصاص الفا عليه ولارجا عقبه ظهـور
وجاته من الله قبل ضرب السيف بشوي النجاه=جاته من المعبود رب الخلـق دفـاع الشـرور
بديت باسمه قبل ماقـول القصيـد ومبتـداه=واكيد ماقلت القصيد الا عقب ثـورة شعـور
لولاك انا يالشعرضاق الكون فيّه مـع فضـاه=اغليك مثل اهل الصقور اللي يحبون الصقـور
ماتغيب عني غير في وقت العبـاده والصـلاه=يامبدلن همي وضيقاتـي بساعـات السـرور
سـلام يابحـر الخليـج ويابحـر جـده وراه=ياللي علومك بالكرم والطيب والفزعه ابحـور
يافزعت المظيوم لا منـه علـى الفزعـه نخـاه=يابن الرجال اللي تعوم الطيب من ماض العصور
رجل التواضع والمواقـف والمهابـه والوجـاه=اللي بنا للمرجله والطيب فخمـات القصـور
من رافقه لوهو دقيقـه فـي حياتـه مانسـاه=ماغيـره وقت(ن)تغيربـه قصيريـن الشبـور
زيد بن راجح عز من بالضيق والشده نصـاه=ابن البقوم اللي لهـم تاريـخ بالعـز مخبـور

رد زيد

هب القصيـد ولاح برّاقـه وداعبنـي هـواه=وانا اتحرى الدره اللي تبتهج منها الصـدور
اسقي منابتها عنايـه ليـن تخضـرّ النـوّاه=واستصلح من ارض القصيده بالعنايه كل بور
ارقي لها قمة طويق وقمـة جبـال السـراه=واتعب لها تعب هوّاة الشرد واسراب الطيـور
حتي يصير إلها بعين اللـي يقيّمهـا حـلاه=والآّ يذعذع ريحها لا قدمـت مثـل العطـور
لعلها تكبـر بعيـن اللـي مشرفنـي ثنـاه=النادر اللي له مع أهل الطيب والوقفـات دور
سليل عبس أهل المرؤه والصناديـد الدهـاه=أهل السيوف اللي تشيل الرؤس وتفج النحور
فيما مضى يوم الزمن قاسي يضدون القساه=واليوم تحت الرأيه الخضراء يحرسون الثغور
وأفين فالخوه وفي الجيره وأهل نخوه وجـاه=لوباروا اصحاب الرخاء يبقى الرشيدي مايبور
ياخليف راع الطيب يلقى مثل ماقـدم جـزاه=ونمد للطيب يمانينـا لجـل طيبـه جسـور
وبيوتك اللي عطرها الفوّاح صافحني شـذاه=وش لون أحصل مهرها اللي مايشابه للمهور
نقيتها من وسط روض ٍ ماحد ٍ يدخل حمـاه=ورسمتها في لوحة الابداع بأفكارك سطـور
هداج تيما لو نحـاول ماحـد ٍ يلحـق مـداه=ترده طروش البدو وتصدر وهو جمه يفـور
واسلم ودم ماذعذعت في نجد واطرافه صبّاه=والعذر يانسل الكرام ان كان جاء فيها قصور

وترحيب برد زيد

مرحبابك مرحبابك عـد مـن كبـر وصـلا=يابحور الشعر وبحور المراجـل والكرامـه
والله ان الضيق والهاجوس مـن ردك تجـلا=جعل من عقبك يالمطنوخ للجنـه عضامـه
والله ان خليـف كنـه ياولـد راجـح تـولا=كل مال الخلق يوم انه لبس شعرك وسامـه
من يلوم شعر في مدحك مـن قرابـه تبـلا=بالجفا اللي يحرم عيونه من همومه منامـه
ولويقال ستغفـر الله قلـت ومـن الله يـذلا=ومن يلوم خليف في مدحك تلبس بالملامـه
مادرن الطيب واصلني منك فـي وقـت زلا=يحسبن خليف مدحه فيـك تخميـن بكلامـه
عل ربي يسعـدك بالعمـر ويعيونـي تحـلا=باعث الارواح عقب الموت في يوم القيامـه
والله ان الشعرفي مدحـك يطـول ولا يمـلا=لويمل بغيرك انـت يزيدبـك عـز وفخامـه
وجعل من مثلك بافعل الطيب والسمعه تعـلا=جعل دربه سمح بالدنيا ولا يشوف الندامـه
ياخوي العز تـدري بالوصايـف وش تحـلا=في شروق الشمس لاطلت على الليل وظلامه

الموضوع الأصلي: صوت وصدى مع زيد بن راجح | | الكاتب: خليف الوهيداني | | المصدر: شبكة بني عبس

[الاجهر]

بيض الله وجهك وصح السانك وعلاء شانك ولاهان الشاعر البقمي

[برق الوسم]

شاعرنا خليف الوهيداني صح لسانك ولسان الشيخ زيد راجح البقمي
ماشاءالله
صدى بقوة صوت
تقبل خالص الود والتقدير

[مرزوق العجوني]

صح لسانك يابو فيصل ولا هنت على الرائعه ويستاهل زيد بان راجح وتقبل مروري وتقديري

[مرشدالمظيبري]

بيض الله وجهك وصح السانك وعلاء شانك ولاهان الشاعر البقمي

[حب الغموض]

صح السانك وتقبل مروري

[ابن صقعان]

امير الشعر خليف الوهيداني بيض الله وجهك على القصاائد الجزله وكذلك بيض الله
وجه الشاعر الكبير زيد بن راجح البقمي تحياتي لكم وانتم من عمالقة الشعراء
وبنتظار جديدكم والسلام عليكم

[كاتب الرشيدي]

حيا الله ابن خزيم

والله هذي الساعة المباركة

وبيض الله وجهك على هالقصائد الجزله والوافيه

بينك وبين الشاعر البقمي

والنعم فيك وفيه

من كبار الشّعار

صوت وصدى يطرب مسامعنا

صحت ألسنتكم