[صالح مخلف المظيبري]

اضع بين يديكم هذه القصيده النصيحه لوالدي الشيخ\مخلف بن صالح المظيبري

بديــت باللي خلقــــــنا ثـــم سـوانا

اللي فطــرنا وكـــونا بعــاليـــــــها

اللي جعل كل شــي حــي من مانا

محي هشيم الشجر والارض محيها

من فوق ارضه تساوت مشيت خطانا

من تحت عرشه مانعلم وش خوافيها

ولولا الرسل ما عرفنا وش معناها

مـــاندري ان العبادة هـــي مراسيهـا

يالعبد لا تنخدع في حــــــــلو دنيانا

نصــيحة من صــميم القـــلب مهديها

وش عذرنا بالعمل والموت لا جانا

كلن نشـــد عن ســـوه اللـــي يـسويها

احدن بجنات خلد اشكـــال والوانا

احـــــدن بنار تلظـــى من يـواليـــها

لا تقول تو صغير بـــشبة صبانا

محدن عرف منتـــهى عمره وتاليها

وبنصح اللي لعبوبه ضحكة عدانا

من الـجهل يبغي الدعوى ومخطيها

ويحسب ان الوناسة دوم سكرانا

مـــــــــايدري انه يكــحلها ويعميها

وان قاد سيــارته في دربه اوذانا

قواعد امن الســـلامه مايراعـــــيها

يــــعطيه من لايوده لـــــو تذرانا

صـــحبة اهل السوء دايم سمها فيها

واللي وقع في حبال السوء لاجانا

نبـــبذه ونخلي الصــــــحبه لراعيها

اهل الشاكل لا تقرب داير احمانا

شوف المــحاكم كثــيرا بــــــلاويها

ياطالب العــــــــــلا اياك واــيانا

لاتماشــي اللي يدنسـك بممشــــــتيها

هذه نصيحه وعسى خــلاق ياقنا

والنــفس تامر وتـــــنهى بامر واليها

الموضوع الأصلي: وش عذرنا بالعمل | | الكاتب: صالح مخلف المظيبري | | المصدر: شبكة بني عبس

[KAKA]

صح لسان والدك ولاهنت على نقلها لشبكة عبس ويعطيكم العافية

[صالح مخلف المظيبري]

صح بدنك
ويعطيك العافيه على المرور

[The monsoon]

صح لسان والدك ولاهنت على نقلها

[مرشدالمظيبري]

صح لسان والدك ولاهنت على نقلها

[ابورغد المضيبري]

يعطيك العافيه

[مرزوق العجوني]

صح لسانه ولا هنت على النقل الرائع اخوي

[وشلون مغليك]

صح السان والدك ولاهنت على نقلها