[مرشدالمظيبري]

بين ثنيان الرشيدي وغازي الميموني



هذي محاوره جرت بين الشاعرين

ثنيان الرشيدي و غازي الميموني

في الكويت

اليكم


ثنيان:

في محل العزوه الـي تسـد بكـل نـوب
ياسلام الله سلامـن سـرى ليلـه سـرى
خابرن غازي من مطير شاعر ومحسـوب
بانين له بيتن ابيـض عـل طلعـة كـرى

غازي:
في محل العـزو الـي معاديهـا يتـوب
مرحبا ترحيب يدري بـه الـي مـادرى
ندري انـك ماتـدرج شمـال وبالجنـوب
ميـر وصلتـك الهبايـب ولاعنـدك ذرى

ثنيان:
الزمان يدور والنـاس غالـب ومغلـوب
ماعليها شجرتن تشرب الما مـن الثـرى
اخذينـن مانبـي بالسـلام وبالـحـروب
مير سـج الرجـل قـدام لاترجـع ورى

غازي:

ياثنيـان الرشيـدي علـى كـل الـدروب
ان بغيت الايمنـى وان بغيـت الايسـرى
ماتغيب الشمس لن كان ماحـل الغـروب
مير اشوف السوق مافيه بيـع ومشتـرى

ثنيان:

ابتلشنـا فـي خطيـب الاوادم والكـذوب
وانت ياغازي تشجـع بليـس الاعـورى
البلد محكوم والراس واضـح ومعصـوب
وش نسوي في صميل المسيّـر لانفـرى

غازي:

ياطويل العمر ماحدن على الكذب مغصوب
صاحبك بالحرب مالـه رهايـن ويسـرى
عاصبن راسك ولاكن عرضـه الهبـوب
مير خلـك فالقـرى لاتجـي لام القـرى
ثنيان:

انت ياغازي زمانن مضى كنت محبـوب
صورتك في كل شـارع تلـزق بالغـرى
والله اني مانويتـك بذنـب مـن الذنـوب
لاتـروع ثـم يجريلـك الـي مـاجـرى
غازي

ماغدالي شي واجيـك وازيـد الشبـوب
وانت جرحك لو تداويـه يبطـي مابـرى
الله اكبر يازمـان المعـارك والحـروب
احد يهرج خابرن فعـل واحـدن مـادرى
ثنيان:

الجنيه جنيه مافيـه عيـب مـن العيـوب
شارب الدخان جـاب السبيـل وعمـرى
في زمانن فاات مالك يديـن ولا جنـوب
قطعوها اصحابك اهل الركاب الضمـرى
غازي:

لا تخيل البرق والبرق من فوق النصـوب
والله انا نعرف الـي كتـب والـي قـرى

الموضوع الأصلي: محاورة للشاعرين غازي الميموني و ثنيان الرشيدي | | الكاتب: مرشدالمظيبري | | المصدر: شبكة بني عبس

[صقر ابن عبس]

مشكور يامرشد على النقل

ولامبراطور دايما" مبدع

[مرشدالمظيبري]

يعطيك العافية على المرور

[(*العرعري*)]

شكرا لك يامبدع وماقصرت

[مرشدالمظيبري]

يعطيك العافية على المرور

[مرزوق العجوني]

صحت السنتهم ولا هنت على النقل اخوي

[سعد بن عادي]

محاورة قويه ورائعه وتجل فيه امبراطور الشعر بكل ثقه

شكرا لك على نقلك أخي الكريم .


ودمتم كما تحبون

[مرشدالمظيبري]

يعطيكم العافية على المرور