[مرشدالمظيبري]

اقدم لكم هذه القصيده للشاعر الكبير/عبدالله بن شااايق ,,,,,

ألاجـواد واجـد والمراجـل لهـا كسـاب

لكن واعد العشـرة ليـا صـرت جمالـي

يطير الشـرار وكـل نـارٍ لهـا شبـاب

ومن ولع النيران يصبـر علـى الصالـي

تجارب حياتي معجـزة وادروب أصعـاب

ولقيت الرجال انـواع والـوان وشكالـي

صديق الشدايد ما خذا منك علـم وجـاب

وسيع الصدر يضحـك ولا هـو بزعالـي

صديـق الشدايـد لا ينافـق ولا يغـتـاب

يدلـه غريـب الـدار ويزيـن الجـالـي

وصديق الرخى عقاب ومصادقـه عقـاب

شجاع الحكي والمـدح بالقيـل والقالـي

وصديق الرخى ما غير صورة ولبس ثياب

يا ليته يبرقـع مالـه شمـاغ وعقالـي

وعنـدي نصيحـه جـد ماقلتهـا لعـاب

أقول الصحيـح ونايـم القلـب يصحالـي

ترا خوة أهـل الطيـب يالطيبيـن أطبـاب

يطيـب السقيـم وخـوة الاش سـلالـي

تغانم شبابك يا بيض الوجه دامـك شـاب

ترى البدر لو يطلع قمـر عـود أهلالـي

فلا تهجر المسجد وخلـك ورى المحـراب

ترى روضة المسجد لهـا منـزلٍ عالـي

ولا تترك اللي يزهمـك خايـفٍ مرتـاب

ترى الذل ما نجـى الثعـل بـا لتحيالـي

ولا لندى غير الفدى لـو تـروح أرقـاب

ومن ضاع شوره يا خذ الشـور ويمالـي

ومن با شـرك بالعـذر لاتلحقـه بعتـاب

ولا تشوف نفسك شيخ والنـاس عمالـي

ولا تهين نفسك لو تجي بين ضرس وناب

وهيبتك لا تنقـص ولـو ربـع مثقالـي

وبنت الـردي لا يعجبـك زينهـا الجـذاب

تراهـا كمـا المخيـال خيـل وتخيالـي

ولو شفت حمر خدودهـا وثمـان أعـذاب

لا بدك تمنـى ليـت مـا جالـك أعيالـي

ولدها لا ياشاف النقـى والملاقـى هـاب

ذليـلٍ بخيـلٍ فيـه خفخـاف وجفـالـي

أخذ بنت قرمٍ طيـبٍ ساسهـا مـا عـاب

تنومسك بنـت الشبـل ويجيلـك أشبالـي

أعيال الذياب تصير مثـل الذيـاب أذيـاب

وعيال الثعالـب مثلهـا زهـر الاذيالـي

وفرخ الصقر مثله وفرخ الغـراب غـراب

وبـوم الخـراب ايقابـل العـش ويلالـي

الي صار راسك فوق يا طيـب الا نسـاب

فـلا ينحنـي لقـدام رجليـن ونعـالـي

لكن الله اللي يكتـب الـرزق يـا خطـاب

هو اللي يفك البـاب ويقـص الا قفالـي

ولا يهمـل الا واحـدٍِ عايـفٍ الاشـبـاب

ولا ضيع أحقوق البشر غيـر الا همالـي

وترى للقصايد كيف والكيف لـه شـراب

وانا ما مشرب الا كيف راسـي بفنجالـي

ولا طاوع الجاهـل ولا جامـل النصـاب

أقـدم يميـن الحـق واحــط معـذالـي

ولا ني بو الله طيبن له مـع مـن طـاب

ومن طاب لي برخص له الحال والمالـي

أكذب وانـا خابـر واجامـل وانـا كـذاب

سنين مضـت هـي صـدق والا يورالـي

تلخبط جهاز المـخ وانهـارت الاعصـاب

وفورت دمـي وارتفـع ضغطـه العالـي

لكن في رجى اللي من رجى رحمته ماخاب

هـو الواحـد العالـي وهـو ربناالوالـي

وهو الخالق الرازق وهو المعطي الوهاب

لـه الملـك كلـه والكمايـل والاكمالـي

رئوفٍ رئيـفٍ رحمتـه تنقـذ المنصـاب

يغيث الديـار الممحلـه عقـب المحالـي

شديد العقاب ويعتق المذنـب اللـي تـاب

عسـى مـا يوخذنـا بسيـات الاعمالـي

كما قالـه الله فصبـروا يأولـي الالبـاب

ترى الصبر زين وكلمـة الحـق تنقالـي

واصلي واسلم عد مـا تنبـت الاعشـاب

وما لاح بـراقٍ سـرى يشعـل أشعالـي

على المصطفى اللي وحد الدين والاحـزاب

شفيع أمتـه يـوم الهوايـل والاهوالـي

الموضوع الأصلي: عبدالله بن شايق ـ نصيحه | | الكاتب: مرشدالمظيبري | | المصدر: شبكة بني عبس

[سالم المظيبري]

صح اللسان الشاعر الكبير/عبدالله بن شااايق
وشكرا اخي مرشد المظيبري
على النقل
تقبل مروري

[ابو ريتاج]

صح السان الشاعر والله يعطيك الف عافيه اخوي مرشد على النقل مششششششششششششششششششششكور

[ابو بيان]

الاخ مرشد المظيبري
لك الشكر والتقدير على نقل قصيده الشاعر الكبير عبدالله بن شائق قصيده طيبه وفيه نصيحه طيببه وانت طيب ماتجيب غير الطيب
وتقبل مرووووووووووووووووري

[مرشدالمظيبري]

يعطيكم العافية على المرور

[الاطلسي]

صح اللسان الشاعر الكبير/عبدالله بن شااايق ومشكور اخوي على النقل

[مرشدالمظيبري]

يعطيكم العافية ع المرور

[المشعل]

صح اللسان الشاعر الكبير/عبدالله بن شااايق
وشكرا اخي مرشد المظيبري
على النقل
تقبل مروري