[عايض بن صالح]

بسم الله الرحمن الرحيم

سلام ياذروة نبا ضلع الاكليل=اللي على راس القرى تقل قاره
مقلوزاً من فوق سود الغراميل=يسبرك شرق الراس الابيض حماره
يعطيك عن ماضيه طابع وتآويل=من مجريات أسمه ونقش الحجاره
وعن ساكنين الدار يعطيك تحليل=اللي لهم سلفان في كل قاره
يوحيلك أنه كان فالمنطقه جيل=على البسيطه ماخذين الصداره
قوماً على الكفه تحط المعاديل=وسََامة الكفه عيون النماره
بني رشيد أحفاد عبس المشاكيل=بعروقهم دم الظفر والصطاره
عشاقة المعدال حرابة الميل=يموت راع الدار ميضام جاره
صرَة سيوف وهمهمه وادبكة خيل=وعيون فرساناً تقادح شراره
برق المزون منصبات المخاييل=اللي برد وبله يهل الزباره
ألهم على وتار المعارك مواويل=يومنها مابين غاره وغاره
واليوم ماهي بالسيوف المصاقيل=الوقت والتاريخ غير مساره
العلم تاجاً فوق روس الرجاجيل=مثل السليم بعين راع الجباره
مصباح ياضي في دجى حالك الليل=يزيح عن وجه الطريق الستاره
عليه من شخص الدويله تماثيل=في جلسته في وقفته في مداره
ابو معاذ اللي طلع طلعة سهيل=شيخاً فرض فعله علينا وقاره
من بيت شيخاً للنشامى مداهيل=دايم يكض أمن الورايث أوجاره
ماقال كفو بالمبيت المعاميل=تصبح وتمسي دلته فوق ناره
يفوح داخلها العويدي مع الهيل=يرفع غطاها عودها مع أبهاره
على طريقه ولعي ياقناديل=خلي دجى ليله يساوي نهاره
ومعه البغيلي والليالي مقابيل=الريس اللي مايهاب الخساره
الارض تنبت لامشى فوقها السيل=شعيبها المسني يرد أعتباره
اليا طلع فيه النشاء والذبحليل=تشوف بالعين البصيره خضاره
والنفس للخضره وماشابه اتميل=ياللي تبى تصلي صلاة أستخاره

الموضوع الأصلي: قصيده (الاكليل) تتحدث عن القبيله وعن أحد رموزها | | الكاتب: عايض بن صالح | | المصدر: شبكة بني عبس

[العقاد]

قصيدة من القصايد التي تبقى للتاريخ والقبيله وابو معاذ يستاهلون اكثر
تسلم يمينك يابو صالح الشويلعي
وناطرين جديدك ايها الشاعرالمبدع

تقبل تقديري واحترامي
اخوك ابو جابر

[ابن رجعان]

صح السانك يأبو صالح على هذه القصيده الجزله والحقيقه هذه القصيده اعجبتني كثير ومن يوم الرسلتها لي وسائط و انا اسمعها وعجزت امل من سماعها خاصتآ وهي بصوتك الجميل وانت تستاهل لقب شاعر(( عبس)) وابو معاذ يستاهل وننتظر جديدك .................................................. ....................................... وتقبل تحياتي (ابو محـــــــــــــمد)

[برق الوسم]

شاعرنا ابو صالح الشويلعي
صح لسانك قصيده رائعه كروعة كاتبها
وجزله من جزل
والقبيله وابو معاذ يستااهلون
لاهنت وتقبل مروري وتقديري

[منصور غنيمان]

شاعرنا ابو صالح الشويلعي

صح السانك

[ابو ريتاج]

صـــــــــــــــــــــــــح السان الشاعر وبيض الله وجهك ابوصالح

[مرزوق العجوني]

صح لساااانك يابو صالح ولا هنت على الرائعه وتقبل مروري

[خالد العويمري]

صح السانك يأبو صالح