[ميلاس]

كثر ماعشت أنا الفرحه بقربك واضحكت لي عين
وكثر ماعشت متهني وكثر ماابتسمـت اشفاتـي

وكثر ماقلت في حبـك قصايـد جمّعـت قلبيـن
أشوف الوقت من دونك جمـع همـي ومعاناتـي

غدا وقتي مثـل ليـلٍ طويـلٍ ماانتهـى للحيـن
سواده امتلى بصـدري وسالـت منـه دمعاتـي

حشا من يوم ماغبتي وربي ماغفت لـي عيـن
طغى همي على عيوني ولعب في حسبتي وذاتي!!

أنا من رحتي بفالك وتلعـب بـي همـوم البيـن
وتاهت خطوتي بعـدك وتاهـت بـي مساراتـي

وأنا وشلون أصور مامضى ويّاك فـي سطريـن
وست شهـور ياعمـري تغنـي فيـك أبياتـي

قضيت شهور في وصلك مضت لي كنها يوميـن
فداها سنين من عمـري وفداهـا كـل لحظاتـي

ألا ياحبـي الطاهـر أبيكـي دائـمـا تـدريـن
بأن طاريـك إذا مرْنـي رفـع لـي معنوياتـي

حياتي يابعـد عمـر القصيـد وخاطـر الغاليـن
أنا لخاطر عيونك بـس أضحـي بكـل رغباتـي

أضيع ليا طروا إسمـك ولـو جابـوه غلطانيـن
وأنا لاضعت مـن حبـك عساهـا دوم ضيعاتـي

وحبك من سكن قلبي أحسه فـي حياتـي ديـن
لأني بس مـن شوفـك أحقـق كـل طموحاتـي

ترى من قبل لاشوفـك لعبـت بحسبـة الباقيـن
ولاحـد ٍ عـارف ٍ قلبـي ولا يـدري بغاياتـي

قضيت الحب من قبلـك ولاأدري طريقـي ويـن
وأشوف اللي تعلق بي يضيع بصمتي واسكاتـي

وجيتي اليوم ياذوقـي ورتبتـي خفوقـي زيـن
وأنا من لمْسَتْ كفوفك رسمـت أحلـى بداياتـي

أشوفك وردة بعيني وباقي هالبشـر مـن طيـن
وأخاف إنـي أعبّـر لـك وتخذلنـي عباراتـي

وأنا في خاطري كلمه تـرى باقولهـا وتكفيـن
أبيكي تفهميهـا زيـن وأبـي تصغيـن للآتـي:

حشا مهما كتبت من القصايـد والشعـر تبقيـن
بأنك أحلـى مـن كـل القصايـد يابعـد ذاتـي
.
.
.
.
.

مع خآلص الود لكل من تلامس قلبهـ تلك الحروف

الموضوع الأصلي: ...{ حيآتي يآبعد عمر القصيد وخآطر الغآلين }... | | الكاتب: ميلاس | | المصدر: شبكة بني عبس

[آهــذريــبــك]

وأنا في خاطري كلمه تـرى باقولهـا وتكفيـن
أبيكي تفهميهـا زيـن وأبـي تصغيـن للآتـي:

حشا مهما كتبت من القصايـد والشعـر تبقيـن
بأنك أحلـى مـن كـل القصايـد يابعـد ذاتـي
/
قصيده رائعه
والاروع منها ناقلها لنا
تسلمي.

[ميلاس]

مشكوووووووووور عالمرور

دمت ودام تواصلك

[منارة الذئاب]

يسلام على القصيده الرائه من جد والاروع نقلها الرائع تقبلي تحياتي دمتي بود .......

[اسير الليل]

حياتي يابعـد عمـر القصيـد وخاطـر الغاليـن
أنا لخاطر عيونك بـس أضحـي بكـل رغباتـي

صح لسان شاعرها
وسلمت يداك على نقله0
تحياتي0

[ميلاس]

مشكوووووووووورين عالمرور

دمتم ودام تواصلكم