ضــع اعــلانك هنا
 |
الملاحظات
|
|
خيارات الموضوع | ابحث بهذا الموضوع |
|
|
آخر دراسه في فن تحليل المحاورة
أخواني أعضاء منتديات شبكة بني عبس يسرني ان انزّل هذا الموضوع الجدير بالذكر والملئ بالفائدة بتحليل المحاروات في هذا المجلس
فبإذن الله قد تساعد في فهم ألغاز المحاورة وفك شفراتها الموضوع منقوول للفااااائدة وان كان من خطأ فهو من الكاتب الأصلي وإليكم الماادة اليوم سأقدم لكم موضوع لعله ينال رضاكم ويعم بالفائده للجميع موضوعي اليوم هو دراسه عن كيفية تحليل معاني المحاوره مقدمه: اولا:- لابد للجميع ان يعرف ان المحاوره مثل الالغاز ربما ترمع اللغز بشي قريب ولكن ليس الشي الذي قصده صاحب اللغز فالمحاوره كذلك ربما تفسر المعنى بتحليل قريب ولكن ليس هو ماقصده الشاعر . ثانيا:- 60% من محاورات الساحه تتعلق معانيها بالتالي الساحه الشعريه واحداثها - احداث المنطقه سواء سياسيه او اجتماعيه - احداث قبليه مشهوره وساتطرق للامور المساعده لفهم معنى مثل هذه المحاورات في الجزء الاول من الموضوع 30% من محاورات الساحه تتعلق بالتالي حدث او امر حدث بين الشاعرين المتقابلين - مقلب او لغم يحاول كل شاعر تمريره على الاخر وساتطرق للامور المساعده لفهم معنى مثل هذه المحاورات في الجزء الثاني من الموضوع 10% من محاورات الساحه من الخطا تسميتها محاوره استطيع تسميتها (مخاوره) لان ليس كل معنى وكل شاعر يخور على الاخر واتمنى ان لاتزود هذه النسبه وتتوقف عند هذا الحد اما هذه ساكتفى عليها بمثال لانها لاتحتاج الى فلسفه فالهندي يفهم مايدور بها هذه النسب من وجهة نظري الجزء الاول وهي المحاورات التي اعطيتها 60% من محاورات الساحه المعاني المتعلقه بالساحه الشعريه واحداثها _ احداث المنطقه السياسيه والاجتماعيه - الاحداث القبليه المشهوره اهم الامور المساعده لفهم معنى مثل هذه المحاورات هي كالتالي: 1/ معرفة مايدور في الساحه الشعريه من احداث مثل معرفة علاقات الشعراء ببعضهم وخلافاتهم وصداقاتهم معرفة المسابقات الشعريه واحداثها والمشاركين بها فمثلا مشاركة القرقاح في شاعر المعنى ومشاركة تركي في المليون ومشاركة عيده الجهني في شاعر المليون ايضا فمن لايعرف عن هذه الامور شيئا لايستطيع تفسير مثل هاتين المحاوراتين (حبيب والقرقاح) حبيب : مرحبا بالشاعر اللي حط اله مركا وتكا *** يحسب انه ياخذ الشيخه على شمل القبيله نحسب انه اعصار سونامي مايرجع يما دكا *** والاكيد افلح فلاح ولاش حاجه مستحيله فهنا حبيب يقصد مشاركة القرقاح في شاعر المعنى وخسارة اللقب فمن لايعرف عن مشاركة القرقاح شي لايستطيع تفسير المعنى لاستزاده عن هذه المحاوره من هنا الشاعر حبيب العازمي و الشاعر فلاح القرقاح وهذا الطاروق بعد مسابقة شاعر المعنى يقول حبيب العازمي مرحبا بالشاعر اللي حط له مركا وتكـا مرهي انه ياخذ الشيخه على شمل القبيله نحسب ان عصار سونامو مايرجع يم دكا والاكيد افلح فلاح ولاش حاجه مستحيله فلاح القرقاح البقا للتاجر اللي مابعـد للمـال زكـا لو يدور الحول بعد الحول مرات طويله الزمان اللي يهول العقل ياما افرح وبكا ماغبنّا غير مقرود تردى فـي زميلـه حبيب العازمي الزكاه اللي بعدها يمسك الرجل ويذكـا كان مافيها ذنوب اكيد مافيهـا فضيلـه الله اعلم مار جاء في السالفه ظنٍ وشكا يمكن القرقاح عنده سر ماطلع حصيله فلاح القرقاح القوي لو يظلم وتهظم حقوقـه ماتشكـا والضعيف لو عطوه السيف مايقدر يشيله انت وش باليك تبلشنا بطاروقٍ عاى اكا والعلوم الثانيـه جـمٍ ماتغطـاه النثيلـه حبيب العازمي البلا كان القوي يظلم ويزعل ويتحكـا يتهمنا بالظليمه والظليمه فـي شليلـه انت لك قافٍ معين تملكه من غير صكا والزنود اللي تقادح ولعت راس الفتيله فلاح القرقاح انفتح بابٍ من المشروه لايمكـن يصكـا والصحيح اكثر جمال عقيل مافيها عقيلـه قالو الخيرات في عكا ورحت اشوف عكا زرتها بهون وسيله عفتها بهـون وسيلـه ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،، مثال اخر (زيد والسناني) زيد: على شان ابن متروك صعب العلوم يهون**ياويل اللحـى اللـي ماتفتـل شواربهـا والا ياجهينـه وازروا شاعـر المليـون**عسى الجايزة قـدام غيـرة يفـوز بهـا هنا زيد يقصد مشاركة عيده الجهني في المليون فمن لايعرف عن مشاركتها شي لايستطيع تفسير المعنى زيد المطيري على شان ابن متروك صعب العلوم يهون ياويل اللحـى اللـي ماتفتـل شواربهـا والا ياجهينـه وازروا شاعـر المليـون عسى الجايزة قـدام غيـرة يفـوز بهـا محمد السناني تخطط ثلاث سنين ومطير مايدرون وحالك متعبهـا وحالـي متعبهـا وياربعنا الغالين في صفنا تكفـون خسارة زمان العام سدت جوانبها زيد المطيري بعد راعي الجمره وضعها على الغليون تبعد عـن الجمـره وحـذرا تقربهـا يمثلك من مثلك فالماقـف المصيـون ولن كان تبغى فزعتي مانشـح بهـا محمد السناني اخذت الوعد منكم ليا كان ماتنسون ومنهو شرد من علة الموت مات بها هذا شاعرٍ مثلك لكن مستواه فنـون وعكف الشوارب شالها من مناصبها زيد العضيله طلعتوا على سطح القمر في ذرى المامون عساهـا تقـدم عـزوةٍ لاعتزيـت ابهـا ماهو شاعرٍ مثلي هذا راسـك المدهـون وسميتها قدوتـك وانـت أقتديـت ابهـا محمد السناني هذا أخير من تصفيق كفك ورى المجنون يجمع حـلال النـاس ومطيـر ينكبهـا لاوالله هذا مثلك بشعره وشكـل ولـون لكن كلمته في موقفـه مايغـص ابهـا زيد العضيله انا اقرنس الاحرار وان كان ماتدرون تراك تحفر لك حفرةٍ تاتطيـح ابهـا ،،،،،،،،،،،،معرفة احداث الحفلات الاخرى ليس المحاوره التي تريد تفسيرها مثل عدم مقابلة شاعرين لبعضهم رغم وجودهم في نفس الحفل او حدوث مشكله او غيرها فمثلا اعتذار حبيب العازمي عن عدم الرد على موال تركي فمن لايعرف احداث ذلك المحاوره لايستيطع تفسير مثل هذه المحاوره (السناني وتركي 2000) السناني: تعال ياتركي عطا الله جعل بقعاء ماتجيك**بعلمك في كلمتيـنٍ كـل سـاع تعدهـا الطلقة اللي ثارت من البندق اللي في يديك**نبه على حمر النواظـر لايجيهـم ردهـا هنا السناني يقصد موال تركي امام حبيب وانا حبيب سوف ياخذ حقه حسب وجهة نظر السناني فمن لايعرف عن محاورة حبيب وتركي شي لايستطيع تحليل هذا المعنى محمد السناني تعال ياتركي عطا الله جعل بقعاء ماتجيك بعلمك في كلمتيـنٍ كـل سـاع تعدهـا الطلقة اللي ثارت من البندق اللي في يديك نبه على حمر النواظـر لايجيهـم ردهـا الالفين انا ادري انك يالسناني تحتريني واحتريك والكلمتين اللي على بالك لتركي بدهـا كلمتك هذي طيبة والله يرحـم والديـك والقوة اللي ضدنا فالارض نصنع ضدها محمد السناني توك عرفت الصاحب اللي لاتبيه ولايبيـك صحبة مصالح ليش لابوها ولاابو جدهـا الحمد للفرد الصمد رب البشر ماله شريك ان كان يوم انك تكلـف للمهمـه قدهـا الالفين اللي يبيعك يامحمد في سنه مايشتريـك هذي رسالة والرسالة عن صحيبك ودها خلاصة الموضوع كله لاعليّ ولاعليـك واللي يلد العين بكره مايعـرف يلدهـا محمد السناني المشكله من صاحبك يغريك شيكٍ سد شيك خلك نبيه وكل ثغـره فالمخطـط سدهـا اطلب من المولى يعرفك الحقيقه ويهديـك سلم عليهم بالنظر يمنـاك ليـه تمدهـا الالفين لابد تلقـى لـك شبيـه تبتليـه ويبتليـك هذي طبيعه فيك تبنيهـا شهـر وتهدهـا انته تبا لاموضوع هيك وصاحبك يبغاه هيك خل القلوب بسدهـا قـدام يظهـر سدهـا محمد السناني حاولت أدورك ك فدي مافيه راس يفتديـك مدري تباها مرجلـه والا تباهـا بالدهـا نفذ ذراعك لاتجي في معمع الوضع الركيك والسابق اللي قصرت وط المهنـد خدهـا الالفين انته تبا الموضوع والموضوع خارج من يديك لكن قصر خطوتـك واحـذر تعـدى حدهـا ،،،،،،،،،،،،،،،،،،،،،،،،2/ معرفة الاحداث الاجتماعيه و السياسيه مثل الارهاب وغزو غزه والصور المسيئه من الدنماركيين وغيرها فكم محاوره جاءت على هذه المعاني فمن لايعرف عنها شي لايستطيع تحليل المحاورات المتعلقه بها 3/ احداث قبليه مشهوره لابد من معرفة احداثها لكي تستطيع فهم مثل هذه المحاورات (حبيب العازمي وفازع الصيده) المحاوره فازع حضرنا للعزيمة والعزيمة دربها سلطان عوايدنا القديمـة يعلـم الله مانخليهـا حبيب هلا يامرحبا ترحيبةٍ يرجح بها الميزان كما نقد الذهب من بين بايعها وشاريها الا ياصاحبي فازع بعدما جيت للعتبان تعين فالحقيقة والرعية عنـد راعيهـا فازع لعل ابك البقى يالشاعر اللي يوفـي الديـان وكـل يشتـري ويبيـع والطالـه لراعيهـا وراعي الشوف مثلك مايجي في قصة العميان بعدما جات العلوم اللي جليل الملـك حاليهـا حبيب منول يالمطاري ماتعدى ديرة المطـران وهالحينه تصبح في ديّر وديا ر تمسيها انامالي ومال المخطيه والفاضي المليان انا اعرفك واعرف كبار عبداله باساميها فازع منول يالعتيبي طاردينك من ورا القريـان وذالحينه تبحلقلي عيونـك كحلهـا فيهـا تقوله ياحبيب وانت في درب الغلط غلطان قتلتوا نفس والله يا وجيه الخـار محييهـا حبيب منول يالمطاري مالكم رحمه ولا غفران وذالحينه ماغار اذنيك ترفعها وترخيها لقانا عندنا رحمان وانتم عندكم شيطان واخذتواعمة الشيطان وازعلتوا بناخيها فازع تعلم عن فضيحه يالعتيبي وانشـد الشيبـان عتابـه كلهـا ماهمنـي طربـاق اذنيهـا فعلت القصة اللي مامضت في سابق الازمان عساها ماتعود مع العرب لاعـاد طاريهـا حبيب ابا اذكرك بالعصلا وعلم ربعك العصـلان عتابه حربهـا ماهـو بطليـان تخصيهـا اليا منك زعلت اضرب براسك عجة الدخان ترا الدخان يكحل عين اخو مـره ويعميهـا فازع امانه علموني وش مضالك يوم كون هدان شرايدكم ثلاث ايام ماتعـرف حراويهـا ذبحنا المرشدي يوم الملاقا طاح فالميدان حصانه في كراعه ربطت ماني مخفيهـا حبيب لعله ثم ليتـه يـوم صارت منـك فالسلمـان عسى خنذف على خنذف تجاهدهـا وتفنيهـا نسيت الفارس المشهور طاح وعمدة الضبطان واعـرف الاولـه والثانيـه مانـي بناسيهـا فازع ذبحنا قوم باسمك يوم جا للمعركـة دنـدان جنايزكم كما نطل الخشب في جوف واديهـا دماكم مع صليب الصمد تمشي سالت الوديان واخذنا بارق العتبان يـوم الله دعـا فيهـا حبيب فناجيلك شربناها وثنانا على البرهان تراحيب انتهى وانته تسندها وتنحيهـا ترى لولا علوماً ثانيه ونقدر الجيران ة فتشنا عن علوم بالغطا عنك مغطيهـا فازع ليا مريت مع قرية ضرية زاوروا قشعان تعشته السباع اللـي تروعكـم تعاويهـا بعد معرفة كل هذه الامور هناك اشياء تقربك من المعنى 1/ معرفة تاريخ المحاوره التي تريد تحليلها وهذا شي مهم فمثلا محاورة حبيب والقرقاح السابقه ان لم تكن تعرف تاريخها وهل هي قبل خروج القرقاح من المعنى ام بعده لاتستطيع تحليل معناها 2/ معرفة ظروف المحاوره المراد تحليلها قدر الامكان مثل الشعراء المشاركين بها ومكانها وهل حصل شي مهم في الحفل ينبغي الوقوف عنده فمثلا محاوره مستور والمنقره وسفر وفلاح الحنان والاعمى فالطائف حدث فيها شي مهم ان لم تعلم به لاتستطيع تفسير طاروق سفر والمنقره هذا المنقره : الظالـم اللـي يظلـم العربـان ربـي ينكبـه**بأهون سبب واصعب سبب الظلم يخسى ويعقب اليوم هو يركب ابليس ابليـس بكـره يركبـه*واليا بغينا نحرج الشايـب تعرضنـا الشبـب ورد سفر لا تظلم العربان وانت اللي ظلمت الملعبـه**انته تحسب الشعر دايم بالبقوس وبالركب الشايب الله يحفظه جنب عنـه لا تقربـه**كم واحد(ن) حده مع السكه ودحدر وانقلب هنا المنقره يقصد مستور لانه رفض اللعب معه فمن لايعرف ماجرى داخل الحفل لايستطيع معرفه المعنى ومثلا طاروق حبيب وابن مشيط الشهير (يا جاهل في عتيبه يستر الله علاك) مسببات هذا الطاروق هوطاروق قبل هذا الطاروق في الحفل بين ابن مشيط وحمدان ومن لم يعرف ماجرى في الحفل لايستطيع فهم لماذا حبيب بدأ هذه البدايه العنيفه وبعد ان تكون فكره شبه كامله عن مايدور من احداث اعتبرها خارجيه تبدا في تفكيك الشي الداخلي الذي هو كلمات الطاروق قبل تفكيك كلمات الطاروق ينبغي ان تعرف عدة امور منها 1* ان المعنى غالبا ياتي من الشاعر البادئ 2* ان المعنى غالبا ياتي فالبيت الثاني او الثالث واحيانا ياتي من اول بيت 3* احيانا من بداية البيت الاول يبدا الشاعر بالترميز للمعنى واحيانا فالبيتين الاولى ثم ياتي بالمعنى كاملا فالبيت الثالث واحيان اخرى يرمز للمعناه فالبيت الاول وياتي بالمعنى كاملا فالبيت الثاني وغالبا يكون البيت الاول ترحيب او سلام وربما الثاني ثم ياتي بالمعنى مباشره في البيت الذي يليه بدون اي ترميزات سابقه مثال لطاروق يحتوي على ترميز حبيب وزيد (المعنى قضية تركي 2000 الاخيره) حبيب العازمي : هلا مرحبا والله يمسيك بالخير *** يازيد العضيله يالسفير المحامي وانا خابرك رجال وتمثل مطير*** وهذا السنه مري تقص الحرامي لاحظوا الترميزات من البيت الاول المحامي : لانهم يقال ان تركي خرج بكفالة زيد اي انك (محامي عنه) رجال وتمثل مطير : اي ان المعنى لايخص انما يخص احد الذين تمثلهم حبيب العازمي: على شجرة الزقوم عشرة عصافير *** ولا رشها البارود من غير رامي هنا فالبيت الثالث اعطى المعنى كاملا عشرة عصافير : المطران الذين يقال انهم طرحوا في القضيه ولارشها البارود :بمعنى انه لايوجد دخان بلا نار وهكذا بدا الطاروق بترميز ثم اعطى المعنى فيما بعد مثال للطاروق بدا المعنى بلا ترميز حبيب والقرقاح حبيب : مرحبا بالشاعر اللي حط اله مركا وتكا *** يحسب انه ياخذ الشيخه على شمل القبيله نحسب انه اعصار سونامي مايرجع يما دكا *** والاكيد افلح فلاح ولاش حاجه مستحيله لاحظوا حبيب جاء بالمعنى من اول بيت بدون اي ترميزات بعد فك شفرة المعنى تكون فهمت 50% من المحاوره والباقي هو فتل ونقض في نفس المعنى اي حجه من احدهم والرد عليها من الاخر ينبغي ان انبه على اشياء مهمه وهي بعض الطواريق تبدأ بمعنى ولكن سرعان مايدخل معنى اخر في منتصف او اخر الطاروق والسبب من احد الشاعرين ربما بقصد لكي يخرج من المعنى ويمشي بالمحاوره على مايريد او بلاقصد لان جاء بيت فاصبح الرد المستحسن يخرج عن المعنى مثل هذه المحاوره فهي تحتوي على معنيين حبيب العازمي: سلام ردة وفاء في حرب ولا سلام *** والسلم ننصا هله والحرب ننصا هله ياصقر جتك السيوف اللي تقص العظام *** وانته من سليم منته باية منزله صقر سليم: يامرحبا والحقيقه ماعليها كلام*** فالسلم ولا القشر حنا هل الاوله سليم قوم نشاما مايجيهم ملام*** واللي نقوله على وضح النقا نفعله حبيب العازمي: الاوله عندنا فالنور ولا الظلام*** والثانيه لن خذوها سليم لا مشكله يا اصحابنا اهل الجمل راس الجمل فالخطام*** والوقت يزويه ويثنيه ويعقله صقر سليم: ماني على كيفكم لاتعكسون النظام *** لكن ياللي لبست الثوب لا تسبله لا تظلمون البشر ترا الظليمه حرام*** الناس كلن على كيفه يسوق جمله حبيب العازمي: الصخره اللي على راس الجبل شرق شام*** لو المطر ما غسلها جاتك محوله يامحللين الشراب محرمين الطعام*** الله جعلكم عبر للعالم المقبله صقر سليم: صل التراويح واصحابك تصلي القيام*** وكل مجازا يابو فيصل بحسب عمله منته مغير حقايق قبل تسعين عام*** الاتجاهات نعرفها بلا بوصله حبيب العازمي: انته تصلي مع المذن وانا مع الامام*** ومطوع سليم يركعها ومعها عجله يمكن تشد الديار ولا يشد الحمام*** لو راح مده لابد يعود في مدهله صقر سليم : اطيب من اللي يدس الثوب تحت الحرام*** ويلف شوطين بين جياد والمسفله لاتمشي الخط ليننك تحزم الحزام*** واياك وايا سريعه مالها فرمله حبيب العازمي: هااذي مواقف كبيره لا اهلها ياغلام*** انتم مع الريع الاخر جالكم بلبله يا قوم يا مصبغين ثيابكم بالبشام*** العز ضرب القنا والدهده مهزله صقر سليم: ارقابكم كانت اطول من رقاب النعام*** حتى قرينا عليكم سورة الزلزله حنا ليا من صار الشد فوق اللحام*** كم روؤس قوم نجندل روسهم جندله حبيب العازمي: الطول في روسنا وارقابنا ما تظام*** وانتم كما سبع حبات تجي سنبله ،،،،،،،،،،،،،،،،،،،،،،،،،،،،،،،،،،،،،،،،،، بعض الطواريق يبدأون الشعراء بابيات فكاهيه وغالبا مايستخدم هذا الاسلوب عندما يتقابل حبيب ومستور وبعدها يبدوأن بالمعنى في منتصف الطاروق ومسببات بدايتهم الفكاهيه لكي يعطون المحاوره جو اخر وتنتعش الصفوف وما الى ذلك مثل هذه المحاوره حبيب العازمي: أبو تركي يباله قاف مثل النار والبنزين = حريقه في حريقه والمطافي ماتطفيها على شان العلوم اللي نبا تفسيرها بعدين = يخربها ولد جاره ولا يقدر يسويها مستور العصيمي: ليا شبيتها نرميك فيها ياغراب البين = علاك اتشبها وأنا علي اكفتك فيها والا يالعازمي ماني بزايد فوق دينك دين = أخذ عبرة التجارب فـ( اول) الدنيا وتاليها حبيب العازمي:- أنا ماني غراب البين أنا خلالٍ يخل العين = وأنا وشلون احول وسطها وأنت متوقيها ثمان سنين زايدها ثمان سنين كم سنين = نعش الأرنب السوداء وتفتلنا باذانيها مستور العصيمي:- أنا ماني بخابر عازمي واحد طويل ايدين = ليا طالت يدينه ماتعدّا عن مخابيها سوالف ماتخالف ياحبيب بين حين وحين = لكن العازبات اللي يسرحها يضويها حبيب العازمي: لا بالله ربعك أنته كلهم شجعان وأنت دوين = تمد ايداك وحبيب على كيفه يلويها رحانا كل مادارت على حبٍ يروح طحين = نداويها ونجرحها ونكحلها ونعميها مستور العصيمي: بناناها على طول الليالي مثل صور الصين = تراكم صيدة ٍفالوقت نطبخها ونشويها ولا يارعي الحجه نبى برهانها ذالحين = ولا تغدي علينا بين كاتبها وقاريها حبيب العازمي:- حديتونا على علم الردى ياربعنا الغالين = رديه والرديه راجعه في حظ راعيها يموت الحظرمي والحبحبه حمراء على السكين = ولا يقدر يقطــــــــــــعها ولا يقدر يخليها مستور العصيمي:- عسى الله ينصر الإسلام ويقوم عمود الدين = ويكتب لك ثوابك فالصلاه اللي تصليها ابوي امحارب الكفار في غزوة بدر وحنين = وأبوك اللي مغار يسند الديره وينحيها حبيب العازمي:- يقولون الرجال الضعف دائم حيلة المسكين = وحنا أهل المروه والضعافه ماندانـــيها ابوك الله يغفر له قضاها مع رعاة الضين = ويزعل لو يشوفك فالغنم سارح مفليها مستور العصيمي:- يقولون الرجال العز ضرب السيف ابوحدين = وابا اذكرك في بعض اللحون اللي تغنيها أنا دوبي عرفتك ياحبيب بعد عام الفين = واعاين في وجيه الناس واجرحها واداويها حبيب العازمي:- ترى اللي يدفع الدرمه على وقت الشريف حسين = علاه ملاحظه عند الزكاه اللي يزكيها ليا منا تمادانا ترانا كلنا مخطين = وأنا جيتك مصيبه والمصيبه وين تغديها مستور العصيمي:- أخذها شيخنا يوم العرب بين القساء واللين = تبا تشهد لنا الأيام حاضرها وماضيها ،،،،،،،،،،،،،،،،،،،،،،،،،،،،،،،،،،،،،،،،، الجزء الثاني وهي المحاورات التي اعطيتها 30% من محاورات الساحه وهي اما محاورات تتعلق بحدث او قصه بين الشاعرين وهذه يصعب تفسيرها حتى على الشعراء الاخرين لانه شي بين اثنين ولا احد يعلم عنه شيئا وهذه نلاحظها في محاورات تركي 2000 وملفي واما محاورات لاتبدأ بمعنى حقيقي انما تبدأ ببيت يحاول الشاعر البادئ تمريره على خصمه ويستمر الطاروق على ذلك لغم ورده او ربما لايفهم الشاعر المقابل لغم صاحبه فيبدا صاحب اللغم بتنبيهه انني مشيت عليك لغم لم تعلم به مثل هذه المحاورة رشيد: إسمحوا لي على تركي خليفة مطير ودّي أمزح عليه بكل حشمـة وأدب تركي الفين تالي الوقت وضعه خطير يالله إنك تفكّه من عيـون العـرب تركي: أنت مزحك مع الشعار مزح ٍ كثيرمير صاحبك ماهمّه ولا أطلق شنب فيه للشر شر وفيه للخيـر خيـرإنتبه ياوسيع المعرفـه واحتسـب رشيد الزلامي: عدّل العوجه اللي في رقبة البعيرثمّ تعطى قلادة كلها مـن ذهـب بالزمان القديم وبالزمان الأخيـرقيل من قارب الجربا يجيه الجرب تركي: أنت رجل ٍ ذهين وبالسوالف خبيـرمير في تالي أيامك عليـك العتـب إقضب إقضب حدودك لاتجي لي مغيرقدمك النار وأنته من حساب الحطب رشيد: تسبح الباخرة فالبحر لو هو غزيروالتّروكي ليا جرَّوا عليه انقلـب لك مع العسر يسر وكل شي يصيـرما أحسد اللحية اللي تستحق الشبب . تركي: أبشر إني على هوني وسيفي شطيروأذبح العقرب اللي سمّها فالذنـب مير قدّم حبوبك والرحـا يستديـرمايفوت بجماد تحصله فـي رجـب رشيد: لو نصدقك مالك فالمراجـل خشيـرمير بالعكس تبت يدك يابـو لهـب صاحبك رجل شايب وانت توّك صغيرخلها ترتفع جوختك فـوق الركـب تركي: كل طيرٍ ليا رفرف جناحـه يطيـرغير ذيك الطيور اللي تجي بالخشب إقصر السالفة قدام علـم ٍ يصيـرلاتعرّض عيونك للشقـا والتعـب رشيد: ما أقدر أكسر جناحك عند وجه الأميرطير ياطير وآخـر مرحلـة تنّكـب روح ياتركي اسحب فوق دربك حظيرمير لاتنتهي رحلتك وأنـت السبـب تركي: أنت ودك بكسره مير كفك قصيرلاتعرّض طريق مطوّعين الصّعب الجزء الثالث وهي التي اعطيتها 10% واتمنى الا تزداد هذه النسبه رغم انني الاحظ انها تزداد باستمرار بعد ان كانت نادره (مخاورات ) او محاورات لاتمت للشعر بصله وانما ابتلي بها الشعر وهي محاورات سطحيه ولا فائده منها مثل هذه المحاوره تركـــــي قوم يا بن مشيط والمسرى طويل والعلـــوم تصــح لا صح الدليــــل وأنت رجال (ن) من الوزن الثقيل ما على الدنيا ضميــــر مستريــح ابن مشيــط وصلك ابن مشيط والمعنى كليف وانت وزنك ما نقول أنه الخفيف والمعــزب ما ترك ماجوب ضيف مـــا على الدنيا ضميــــر مستريــح تركـــــي الخـــواطر طال عمرك صافيـة وأنت تفهــــم والأشـــارة كافيـــــة والمهـــــم أنـك بخيـــر وعافيــة ما على الدنيا ضميــــر مستريــح ابن مشيــط الرسالـــة جاءت والجــــوال رن والخـواطــر صافية واللعب فن وأن حكمت اللعب خذت اللعب صن ما على الدنيا ضميــــر مستريــح تركـــــي قلتلك من سار في دربن وصـــــل وأنت تدري ويش صار وش حصل وأن شريت اللعب خذ منــي دبل ما على الدنيا ضميــــر مستريــح ابن مشيــط عزتي لك ما دريت أني جـــري أنت لو دبلــــت تأخذها ثــــــري وأن تعـادلنا يفــوز المشتـــــري ما على الدنيا ضميــــر مستريــح تركـــــي كان للبلـوت جاء فيـــــك شهــوة أنتبه قلبـــك لا يدخله سهــــوة وأخذ من فور وثري وقهــــــوة ما على الدنيا ضميــــر مستريــح ابن مشيــط تركــــي الخاســر ولا له مشترى عنــدنا مشــروع لكن ما درى أربع أمية في يدي تردف ســـرى ما على الدنيا ضميــــر مستريــح تركـــــي أخــذ لك رمز يسد أعن الرموز هـــو يجوز اللعب ولا ما يجـــوز بالحـــرام أنك عليـــه ما تفــــوز ما على الدنيا ضميــــر مستريــح منقول لتعم الفائده اخوكم/بدر الخياري 
|
|
|
بيض الله وجهك على نقل مثل هالموضوع والله يعطيك العافيه
|
|
|
يامدور الجنه ويامدور الحور,,,,تراها تبي صبروصلاه وصيامي
يهون الدواءوالداء على كل دكتور,,,,لون المرض بين اللحم والعظامي http://www.zshare.net/audio/5984972990d057b2/ شكرا لك ياخووووي على موضوعك
|
|
|
«
الموضوع السابق
|
الموضوع التالي
»
| يتصفح الموضوع حالياً : 2 (0 عضو و 2 ضيف) | |
|
|
مواضيع مشابهة
|
||||
| الموضوع | الكاتب | القسم | الردود | آخر مشاركة |
| الامير سلمان بدون حراسه ولابشت | العفراني | منتدى الصوروالفيديو والسفر والسياحه | 7 | 26-07-2012 08:22 AM |
| دراسه عالم فرنسي | ابوعوض111 | المنتدى الأدبــــــــــــي | 1 | 03-07-2011 05:36 PM |
| كل من فكر في دراسه الطب | سيوف بني عبس | المنتدى العــــــــــــــــام | 3 | 24-09-2010 12:12 AM |
| دراسه بريطانيه (( تعدد الزوجات يطيل العمر )) | الجــــازي | منتدى الحوار الهادف | 5 | 20-10-2008 12:29 PM |
| التسجيل في المحاورة الاسبوعيه...لشعراء المحاورة | عبدالعزيز الخياري | منتدى المحــــــــــــــاوره | 59 | 23-08-2008 09:47 PM |
الساعة الآن +4: 05:59 AM.
جميع الحقوق محفوظة شبكة بني عبس
