[طلال محمد ناهس]

أضيق خاطرك وإنت مرتاح

يآصآحبـي طآلبك خلنَـي بـحآلـي

ما أبي "أضيّق خاطرك" وأنت مرتاح

ياصاحبي وإن غبت عنـك " ليالـي "

غـلاك باقـي بـالحنـايـا ولا راح

تبي أسولف لك ، وش اللي جرالي ؟؟

أخاف يمسـح قولنـا الصبـح لا لاح

أجـل تعـال أجلـس هنيّـا قبـالـي

دام الحطب طاح وكثير العتب طـاح

لو كل شخص إليـا عطيتـه وفالـي

ماكان بـالدنيا حـزن ليـل وجـراح

ولو كل غالي قـدّر إحسـاس غالـي

ماشفت ذاك الدمع من محجره سـاح

ولو كل قلب من الحسد جاك خالـي

مايشتكي من شـحّ الأمطـار فـلاّح

ولو كل واحد جـاك طبعـه مثالـي

ماكان بـالدنيا سجن نـاس وإصـلاح

ولولا الذنوب اللي بـكبـر الجبالـي

ماكان جيش الكفر لـبلادنـا إجتـاح

ولو الردي يعرف شـمعنـى عيالـي

ماقطّ أبـوه بـدار الآلآم يـا صـاح

هذا بعض حـزن السنيـن التوالـي

طير الحزن مبطي على خافقي نـاح

ما أقـول أن الخيـر مالـه مجالـي

لآ والذي يفلق مـن الليـل الإصبـاح

لكـن هنـا بعـض الألـم ياحلالـي

وأنا أدري أن العود يوم أحترق فـاح

أول أقـول إنـي صبـور لحـالـي

واليوم لآ والله أنفجـر سـدّي وبـاح

ماقلت لك ياذيـب خلّنـي بـحالـي

هذا أنت ضقت وأذكرك جيت مرتاح

منقوووووووووول

الموضوع الأصلي: مابي اضيق خاطرك وانت مرتاح | | الكاتب: طلال محمد ناهس | | المصدر: شبكة بني عبس

[برق الوسم]

صح لسان شاعرها
ولاهنت أخوي على نقلها
اسمح لي بنقلها للمكان المناسب هنا
تقبل مروري

[العقاد]

ياصاحبي وإن غبت عنـك " ليالـي "


غـلاك باقـي بـالحنـايـا ولا راح

صح لسان شاعرها
ولاهنت اخوي ع نقلها

[فهد العوضه]

صح السان شاعرها ومنتظرين جديدك والله يعطيك العافيه

[البااارونه]

يعطيك العافيه اخوي طلال محمد ناهس على اختيارك ونقلك الرائع

[سالم المظيبري]

يعطيك العافيه اخوي طلال
على النقل الرائع
لهذه القصيده
شكرا لك

[رعبوبة]

تسلم أخوي ع النقل الرائــع .. قصيدة جميلة

[طلال محمد ناهس]

اقتباس من مشاركة برق الوسم صح لسان شاعرها ولاهنت أخوي على نقلها اسمح لي بنقلها للمكان المناسب هنا تقبل مروري

يسلمووووو على المروووور