[خاتم الرشيدي]

السلام عليكم ورحمة الله وبركاته
اليكم قصيدة كبير المراقبين الاجهر
وردي عليه
اسوقها سوقة لحون ابن رجعان
قصيدة موجهه للاخ العزيز / خاتم الرشيدي حفظه الله

عبسي ولد عبسي سلايل كحيلان = خاتم ليامن اليالي اعسرتني
ياخاتم اصفح كن ما كاينن كان = ترى اليالي قبل ظلمه اظلمتني
راحت وانا الاجهر على سرج وحصان = زلت رفيقي لو علت مرهقتني
عسفت معناها على قاف شلقان = مرخصة معناها وهي مرخصتني
اسوقها سوقة لحون ابن رجعان= وترقى معي عجله ولا حدرتني
قافي لما مني زهمتة تقل جان = من كثر قيفانه اقول ابلشتني
يابن مهيمز صار بالحثل ديبان = اشغلتها بالصبر وهي اشغلتني
وانته فهيم وكفو ياطير حوران = وهقوتك فيني قبل ماتقول جتني
وبالمنتدى عقال وزحول عربان = ناس فهمتني وناس لو مفهمتني
وصلاة ربي عد ماهل هتان = على نبي (ن) رحمته اغمرتني

وسلامتكم
وهذا ردي عليه
صح السانك يابو سعود واستلم الرد والسمحللي بالقصور

يامرحبا ترحيبتن شانها شان= بالخط والي سيرته سايرتني
خطك لفاني ياسلايل ابليهان =ياعزوتي لامن ظروفي حدتني
واللي طلبته جاك ياطير حوران=لو الثمن روحي ترى ماحدتني
جاك الكلام اللي من الراس مليان=ياصاحب اللي سيرتك شرفتني
اطيب ساسلك وله صرت عنوان=وفيك الفخر يوم اليال اجمعتني
مع عزوتي شرواك ذربين الايمان=ويالاجهر اظروف الزمن درستني
على تجاوز بعض ميلات الازمان= وهذا مسيري كانها ساعفتني

الموضوع الأصلي: تعال هون يالاجهر واسمع القصه | | الكاتب: خاتم الرشيدي | | المصدر: شبكة بني عبس

[عويض بن شامان بن خلف]

ابوعبدرالرحمن صح للسانك وصح للسان ابوسعود

[برق الوسم]

صح لسانك يابو عبدالرحمن وصح لسان ابوسعود
رد وافي من وافي
تقبل مروري وتقديري

[سهــــــــــيل]

صحت ألسنتكم صووووت وصدى


شعراء وافين ما فيكم حيله

[الاشقر]

صوت وصدى رائع لله درك وصح اللسانكم

[وضاح اليمن]

صحت السنتكم قصائد وافيه من شعار غنيين عن التعريف

[مرزوق العجوني]

صحت اللسنتكم ولا هنتوا على الروائع وتقبلوا مروري وتقديري

[خاتم الرشيدي]

محمدالذيابي, مرزوق العجوني, الاشقر, الوافي99, برق الوسم, بندر الذيابي, , سهــــــــــيل, عويض بن شامان بن خلف, وضاح اليمن

صح الله بدنكم جميع وبيض الله وجيهكم واشكركم على الكلام الطيب والردود التي تثلج الصدر
والف شكر لكم واشكر المشرف على التثبيت
وتقبلو خالص الود والتقدير