[مرشدالمظيبري]

مرثية في الشيخ:معتق بن عيد بن ناحي البريقعي الرشيدي رحمه الله { شيخ قبيلة البراقعه من بني رشيد }
الشاعر:حميد معتق عيد ناحي البريقعي الرشيدي الملقب (الهواوي)





مرحوم ياللي مع هل الطيب مذكــــور ــــــــــــــــــ شيخ الجمايل والعلوم الجميلـــــــه

أطلب لك من الله عسى الذنب مغفور ــــــــــــــــــــ وعسى موازينك ترَجح ثقيلــــــــه

وياالله عساني بعد فرقاك ماجـــــــــور ـــــــــــــــــــ وعساك في جنه عريضه طويلــه

وعسى السحاب اللي يجي مزنه أسبور ـــــــــــــــــــ ينشي من القبله وكلٍ يخــــيلـــــــه

وليا لفا دارٍبها الشــــــــيخ مــــقبــــــور ـــــــــــــــــــ يمطر على قبره نهاره ولـيـــلــــه

طــبــع الــــزمـن دوار وايــامــــه ا دور ــــــــــــــــــ وحكم القدر مرضي ولا فيه حيله

يومــك أقبـــالي دايــم البــال مســـــرور ـــــــــــــــــ واليوم غبت وشوفتك مستحيلـــــه

أبـــكي علـــــيــك أيــــام ولــيــال وشهور ـــــــــــــــــ ويبكا على مثلك سنينٍ طويلــــــه

أنا اشهد انك تحكم الراي واللــشـــــــور ــــــــــــــــــ حكيم راي ولك عطايا جزيلـــــــه

من خلقتـك ماتـتـبـع العـمي والــعـــــور ـــــــــــــــــــ وتراضي العربان باحسن وسيلـــه

خمسين عامٍ ماحد(ن) يشكي الجـــــــور ـــــــــــــــــ ومساوين ربعك سوا بالفصيلـــــــه

ومسيس(ن) بيتك على العز معمـــــــور ــــــــــــــــ بيت(ن) يعد من البيوت الضليلـــه

للضيف والجيران ملفا ومخبــــــــــــــور ـــــــــــــــ مفتوح بابه والجماعه تجيلــــــــــه

لاتحسبنه بعد فرقاك مهــــــــــجــــــــور ــــــــــــــ عقبك رجاجيلٍ تسد القبيلــــــــــــــه

واللي بعدك رجال مافيهم قصـــــــــــــور ــــــــــــــ قدالأمانه والأمانه ثقيلـــــــــــــــــه

وصلاة ربي عد ماشعشع النـــــــــــــــور ـــــــــــــ على النبي اللي أمر بالفضيلـــــــــه

الموضوع الأصلي: قصيدة رثاء شيخ من شيوخ بني رشيد | | الكاتب: مرشدالمظيبري | | المصدر: شبكة بني عبس

[الاجهر]

رحم الله الشيخ
وصح السان الشاعر
وبيض الله وجهك على كتابة القصيدة

[مرشدالمظيبري]

يعطيك العافية على المرور

[شداد المظيبري]

الله يرحمه

صح لسانه

مرشد نقل رائع

[ذيب المناخ]

مشكورررررر يامرشد

[معلا المظيبري]

رحم الله الشيخ
وصح السان الشاعر
وبيض الله وجهك على كتابة القصيدة

[مرشدالمظيبري]

يعطيكم العافية على المرور

[عبدالله الوطـري]

صح السانك ولا هنت وتقبل مرووووري