[عبس نسل الاحرار]

حبيت انقل كم هذه الصرخه الشعريه في قبيلة بني عبس لشاعر الاحداث الكبير عبدالله مبارك الردعان

واتمنى ان تحوز على رضاكم



عبسي رشيدي وافتخر بالرشيدي \\\ رشيد عقل وبالمواقيف رجال

مثل الجبل لاهب ريح(ن) شديدي \\\ يثبت مكانه ماتحرك ولا زال

خوة شرف نور الزمان السعيدي \\\ خوينا يشهد على كل الاحوال

رجل المكارم جعل عمره مديدي \\\ يعطيك حقك بين مخرج ومدخال

ماقول عن كل القبايل نزيدي \\\ الاصل واحد تختلف فيه الازوال

والدين يرفع قدر رجل(ن) وحيدي \\\ لاعزه الله للصعيبات حلال

والطيب بالرجال ذخر ورصيدي \\\ شهادته بالحق للطيب مرسال

شفت السحايب والمطر له رعيدي \\\ يالله سقية خير لاهل همال

عساه ينبت منه حب الحصيدي \\\ والعزم شال الحمل لو صعب ينشال

ابوي علمني وعلم عضيدي \\\ رجل(ن) بلا ربع(ن) مصيره للاهمال

رجل(ن) كما مخلاب حر(ن)يصيدي \\\ ما مات ذكره خلف له عيال

ربعي هلا الطولات سقم الضديدي \\\ مثل البحر لاقام يصفق على الجال

الناس ما تصبر على ما تريدي \\\ عوايد الايام من حال لي حالي

يا جاهل انشد تستفيد وتفيدي \\\ عن سيرة(ن) عطره على مر الاجيال

لاتلتفت لافكار ذاك العنيدي \\\ شمس الرشيدي ما تغطى بمنخال

واللي على بعض السوالف يعيدي \\\ مايشره العقل على هرج جهال

ما ينصف العقيل عقل البليدي \\\ لاصار لا ناقض ولا هو بفتال

امسجل تاريخ عبس المجيدي \\\ حنا سلايل عبس ذربين الافعال

يوم انها ما بين وسيدي \\\ سادت قبيله عبس والضعف غربال

فرسان تذكر بالزمان السعيدي \\\ سواة عنتر خاض فيي عبس الاهوال

لو كان مستعبد سواة العبيدي \\\ من صلب حر(ن)فارس طيب الفال

منفعله اللي ذاب منه الجليدي \\\ اجبر كبار القوم تحقيق الامال

فارس وسيفهبالمعارك يبيدي \\\ عن الف فارس تنضرب فبه الامثال

شاعر قصيده معجزات القصيدي \\\ علق على بيت الحرم عذب الاقوال

لولا رشيد الزول رايه سديدي \\\ عبس استباحت بين رجلي وخيال

والعبسي سموه العوارف رشيدي \\\ تحميه من حيلات غادر وحيال

من عصر ابن خطاب وابن الوليدي \\\ العبسي فعله غير والعمر زوال

اسلم وسلم رايته للعقيدي \\\ دافع عن الاسلام بالروح والمال

نعم رشيدي ضربتي من حديدي \\\ طاحت على راس المزور والانذال

في مصر بالسودان ربعي وكيدي \\\ في نجد بكويت العرب ذكر الابطال

برتيريا بالشام في كل ميدي \\\ قبيلة(ن)دايم غلاها على البال

تشهد بلدنا فعل(ن) حميدي \\\ بالحرب منزال وبالسلم منزال

منعهد الاول لين عهد الجديدي \\\ حنا ذراها عن خبيثين الاعمال

عن ماقف(ن) فيه الفخر مانحيدي \\\ الشوخ تعرف ماقف العز ما زال

حب الوطن دم بحبل الوريدي \\\ مالي غناة(ن) والحق ينقال

صباح عز للقريب البعيدي \\\ اميرنا اللي يعدل الوضع لامال

طبعه مجم بالمقام الفريدي \\\ لاقال يامرنا على الخير لاقال

الله على كل الخلايق شهيدي \\\ يحاسب المسلم على القيل والقال



وسلامتكم

وانشاء الله تحوز على رضاكم وانتضر ردوركم واسف على الاطاله

الموضوع الأصلي: صرخه شعريه كتبت لعيون عبس لشاعر الكبير.............؟ | | الكاتب: عبس نسل الاحرار | | المصدر: شبكة بني عبس

[عبد العزيز]

وعليكم السلام ياهلا وغلا فيك

صح لسان الشاعر وتسلم على النقل


حياك الله في منتديات بني رشيد

[سالم الرشيدي]

صح السان الشاعر الكبير عبدالله الردعان



عزالله انه فصلها تفصيل رااائع

سجل اعجابي بالقصيده الجزله من راس جزل


ويعطيكـ الف عافيه اخي على الطرح الرائع ولاهنت

اتمني التثبيت لانها بالفعل روووووووعه وتستحق التثبيتــ

[برق الوسم]

صح السان الشاعرعبدالله الردعان
وتسلم على النقل
حياك الله في منتديات بني رشيد
تم التثبيت
وتقبل سلامي

[عبس نسل الاحرار]

شكرا على الردود الطيبه وعز الله انه شاعر ولا عليه غبار ولا يلحقني بقصيده شك

[مرشدالمظيبري]

وعليكم السلام ياهلا وغلا فيك

صح لسان الشاعر وتسلم على النقل


حياك الله في منتديات بني رشيد

[شاعر الوطن]

صح اللسان الشاعر الشامخ عبدالله الردعان

[عبس نسل الاحرار]

شكر على تفاعلكم

وبيض الله وجيهكم