[شاعر الوطن]

محاورتي مع هاوي شعر

هاوي شعر

تعال يالعمده نبي نعلب معك طرقن جديد=ياشياب الرحمان والدنياء كفى الله شرها


جتك الرسائل ياطويل العمر في وسط البريد=كن كما مكان والدنياء كفى الله شرها


شاعر الوطن

شاعر وطن خلك معه ينفعك يا هاوي قصيد=شاعر على الاوطان والدنيا كفى الله شرها

الله يبارك بالرجـال الـي تفيـد وتستفيـد=والعلم له برهان والدنيا كفـى الله شرهـا

هاوي شعر
انا هويت الشعر واقوله عسى عندك رصيد=قاف توه زان والدنياء كفى الله شرها

تريد ياشاعر وطن والله يدبر مايريد=العلم له عنوان والدنياء كفى الله شرها

شاعر الوطن

عساك يا شاعر مع الشعار تضرب من حديد=والخيل له ميدان والدنيـا كفـى الله شرهـا

اريد احقق غايتي ومشي على الطرقه وحيد=وأبعد عن الفقران والدنيا كفـى الله شرهـا

هاوي شعر

البرق يبرق بالسماء والسيل سيل كل حيد =رويك يالعطشان والدنياء كفى الله شرها

الله يحقق غايتك لكن تراء الممشاء بعيد =اصاحب العجلان والدنياء كفى الله شرها

شاعر الوطن

الله يجيب الخير ويلعن كل شيطان (ن) مريد=ويشبعك يالجوعان والدنيا كفـى الله شرهـا

راغب علامه مبتلش مع صاحبه عبدالمجيد=يقول انا الفنـان والدنيـا كفـى الله شرهـا

هاوي شعر
بعض الاسامي اكبار لكن طعني هون وهيد=بسمك ترا غلطان والدنيا كفى الله شرها

من خلقت الدنيا كذا كلن معه سيف الوليد=فلان ضد افلان والدنيا كفى الله شرها

شاعر الوطن

هب الهوا وحنا لها وانته كما الطير البليـد=ما يكفخ الجنحان والدنيا كفـى الله شرهـا

اكثر شواعير العرب مده معي مد(ن) زهيد=مايجلب المرجان والدنيا كفـى الله شرهـا

الموضوع الأصلي: هاوي شعر وشاعر الوطن | | الكاتب: شاعر الوطن | | المصدر: شبكة بني عبس

[هاوي شعر]

شاعر الوطن اشكرك على التنسيق
والاسم هاوي شعر وليس هاوي قصيد

وتقبل تحياتي ومشكور

[شاعر الوطن]

اقتباس من مشاركة هاوي شعر شاعر الوطن اشكرك على التنسيق والاسم هاوي شعر وليس هاوي قصيد وتقبل تحياتي ومشكور

اعذرني يا طويل العمر ههههه والله اول شي كتبت هاوي الشعر بس يوم قريت بيتي وقلت لك هاوي قصيد

كتبت هاوي قصيد والله عفويه

اتمنى من المشرفين يعدلونها هاوي شعر

[العالم الفلكي]

صحت اسنتكم ومشكور ياشاعر الوطن على التنسيق

[الحر النداوي]

صحت السنت الشعرا

مشكور يالفلكي على التنسيق

[الاشقر]

الله الله محاوره قمه

صح اللسان الشاعرين

ولا عدمناك على التنسق

[شاعر الوطن]

اقتباس من مشاركة العالم الفلكي صحت اسنتكم ومشكور ياشاعر الوطن على التنسيق

صح بدنك يالفلكي

وشكرا للمرور والتعليق

[شاعر الوطن]

اقتباس من مشاركة الحر النداوي صحت السنت الشعرا مشكور يالفلكي على التنسيق

صح بدنك يالناطق الرسمي بالحزب

وشكرا للمرور والتعليق